ԵՄ-ն, Ռուսաստանը և ԱՄՆ-ն գաղտնի բանակցություններ են վարել Ադրբեջանի կողմից ԼՂ դեմ հարձակումից օրեր առաջ. POLITICO
Ըստ POLITICO–ի՝ քննարկումների մասին տեղյակ բարձրաստիճան դիվանագետն ասել է, որ հանդիպումը տեղի է ունեցել սեպտեմբերի 17-ին Ստամբուլում՝ նպատակ ունենալով Ադրբեջանի վրա ճնշում գործադրել, որպեսզի վերջինս դադարեցնի Լեռնային Ղարաբաղի 9 ամիս շարունակվող շրջափակումը և թույլատրի մարդասիրական օգնության մուտքը:
Լեռնային Ղարաբաղի դեմ Ադրբեջանի ռազմական հարձակումից օրեր առաջ ԱՄՆ և ԵՄ բարձրաստիճան պաշտոնյաները իրենց ռուս գործընկերների հետ Թուրքիայում գաղտնի բանակցություններ են անցկացրել, որոնք նպատակ են ունեցել լուծել Լեռնային Ղարաբաղի շուրջ տիրող իրավիճակը՝ գրում է POLITICO-ն:
Ըստ POLITICO–ի՝ քննարկումների մասին տեղյակ բարձրաստիճան դիվանագետն ասել է, որ հանդիպումը տեղի է ունեցել սեպտեմբերի 17-ին Ստամբուլում՝ նպատակ ունենալով Ադրբեջանի վրա ճնշում գործադրել, որպեսզի վերջինս դադարեցնի Լեռնային Ղարաբաղի 9 ամիս շարունակվող շրջափակումը և թույլատրի մարդասիրական օգնության մուտքը:
Աղբյուրի համաձայն՝ ԱՄՆ-ն ներկայացրել է Վաշինգտոնի՝ կովկասյան բանակցությունների գծով ավագ խորհրդական Լուի Բոնոն, իսկ ԵՄ-ն գործուղել է տարածաշրջանում իր ներկայացուցիչ Տոյվո Կլաարին։ Ռուսաստանն ուղարկել է Իգոր Խովաևին, որը Հայաստանի և Ադրբեջանի հարաբերությունների հարցերով Պուտինի հատուկ բանագնացն է։
POLITICO-ին տրամադրված հայտարարության մեջ ԵՄ պաշտոնյան ասել է՝ «կարծում ենք, որ կարևոր է պահպանել կապի ուղիները համապատասխան զրուցակիցների հետ՝ թյուրիմացություններից խուսափելու համար»:
ԱՄՆ Պետդեպարտամենտի խոսնակը հրաժարվել է մեկնաբանել հանդիպումը՝ ասելով միայն, որ «մենք չենք մեկնաբանում մասնավոր դիվանագիտական քննարկումները»։
«Մենք պետք է կարողանանք աշխատել ռուսների հետ այս հարցում, քանի որ նրանք ազդեցություն ունեն կողմերի վրա»,- ասել է ամերիկացի պաշտոնյան:
Ադրբեջանը սեպտեմբերի 19-ին հարձակում է սկսել Լեռնային Ղարաբաղի դեմ: ԼՂ ղեկավարները ստիպված են եղել ընդունել ռուս խաղաղապահների առաջարկած զինադադարը: Դրանից հետո ավելի քան 100 հազար մարդ լքել է իրենց տները և տեղափոխվել Հայաստան։
Աղբյուր՝ armradio.am
Նմանատիպ Լուրեր
Ադրբեջանն ամեն ինչ անում է, որպեսզի խուսափի Հայաստանի հետ երաշխավորված խաղաղության պայմանագիր կնքելուց․ պատգամավոր
Ադրբեջանը շատ լավ վերլուծում է, թե խաղաղության պայմանագիր կնքելու դեպքում Հայաստանը ինչպիսի լուրջ հեռանկարներ կարող է ունենալ։
Քուրդ զինյալների դեմ պայքարը Թուրքիայի և Իրաքի արտգործնախարարների հանդիպման օրակարգում
Դեկտեմբերի 19-ին Անկարայում հանդիպել են Թուրքիայի արտգործնախարար Հաքան Ֆիդանը և Իրաքի արտաքին քաղաքական գերատեսչության ղեկավար Ֆուադ Հուսեյնը։
Իշխան Սաղաթելյանը Գեղարքունիքում փորձել է արդարանալ և իր նոր «նապառնիկ» Լևոն Քոչարյանի հետ ժողովրդին նախապատրաստել ռևանշի չորրորդ փորձին
«Դիմադրություն» շարժման առաջնորդ ընկեր Իշխանի՝ Վարդենիսում հնչեցրած ելույթին, որում վերջինս փորձեց ոտքի վրա հիմնավորել իշխանափոխության ձախողման պատճառները։
Ադրբեջանը դժկամություն է ցուցաբերում. Կոստանյան
ՀՀ ԱԳ փոխնախարար Վահան Կոստանյանը BBC-ին տված հարցազրույցում ասել է, թե Ադրբեջանը դժկամություն է ցուցաբերում խաղաղության պայմանագիրը վերջնականացնելու հարցում:
2018-ի մեր ժառանգած բանակցային բովանդակությամբ արդեն իսկ ԼՂ-ի պետական կարգի լուծարման գործընթացը սկսված էր. Փաշինյան
Լիսաբոնից սկսած՝ պարզ էր, որ ոչ միայն տարածքների հետվերադարձի, այլև պետական ինստիտուտների վերացման հարց է դրված:
Նիկոլ Փաշինյանն անդրադարձել է ՌԴ ԱԳՆ-ի հնչեցրած մեղադրանքներին
Ռուսաստանի Դաշնության արտաքին գործերի նախարարությանը խորհուրդ կտամ վերցնել նոյեմբերի 9-ի եռակողմ հայտարարությունը և կարդալ՝ 8-րդ կետը ներառյալ:
