Իսրայելը և ՀԱՄԱՍ-ը հետաքրքրություն են հայտնել հրադադարը երկարաձգելու հարցում
Նշվում է, որ նոյեմբերի 26-ի երեկոյան հայտարարության մեջ ՀԱՄԱՍ-ը նշել է, որ «ցանկանում է երկարաձգել հրադադարը քառօրյա ժամկետի ավարտից հետո»։
Իսրայելը և պաղեստինյան ՀԱՄԱՍ արմատական շարժումը հետաքրքրություն են հայտնել քառօրյա հրադադարը երկարաձգելու մեջ։ Նոյեմբերի 27-ին լրանում է հրադադարի վերջին օրը, և դրա երկարաձգմամբ շահագրգռված են նաև հիմնական միջնորդ երկրները՝ Կատարը և ԱՄՆ-ն։ Այս մասին հաղորդում է «Արմենպրես»-ը՝ վկայակոչելով CNN-ի հրապարակումը։
Նշվում է, որ նոյեմբերի 26-ի երեկոյան հայտարարության մեջ ՀԱՄԱՍ-ը նշել է, որ «ցանկանում է երկարաձգել հրադադարը քառօրյա ժամկետի ավարտից հետո»։
Գործող հրադադարը ներառում է կետ, համաձայն որի հրադադարը կերկարաձգվի մեկ օրով ՀԱՄԱՍ-ի կողմից յուրաքանչյուր 10 պատանդի ազատ արձակման դիմաց։
Ըստ CNN-ի աղբյուրի՝ նոյեմբերի 26-ի երեկոյան Իսրայելի պատերազմի հանձնաժողովը ևս քննարկել է հրադադարը երկարաձգելու հնարավորությունը։
Ավելի վաղ հրադադարի երկարաձգման հույս է հայտնել նաև Կատարը։ Իսկ ԱՄՆ նախագահ Ջո Բայդենը նոյեմբերի 26-ին մամուլի ասուլիսում հույս է հայտնել, որ հրադադարը կերկարաձգվի, որպեսզի ավելի շատ պատանդներ ազատ արձակվեն, իսկ Գազայի հատվածի քաղաքացիական անձանց ավելի շատ օգնություն մատակարարվի։
Իսրայելի վարչապետ Բենյամին Նեթանյահուն ԱՄՆ նախագահ Ջո Բայդենի հետ հեռախոսազրույցում հայտնել է, որ հրադադարի երկարաձգումը «ողջունելի կլինի», որի դիմաց օրական 10 պատանդ կարող է ազատ արձակվել։
Նոյեմբերի 26-ին ՀԱՄԱՍ-ն ազատ է արձակել 17 պատանդի, իսկ Իսրայելի բանտերից ազատվել են 39 բանտարկյալներ՝ հիմնականում 18 տարեկան և ցածր տարիքի։ Բացի այդ, Գազայի հատված է մտել հումանիտար բեռներով 120 բեռնատար։
Հրադադարի առաջին 3 օրերի ընթացքում, ընդհանուր առմամբ, ՀԱՄԱՍ-ն ազատ է արձակել 58 պատանդի, հիմնականում՝ կանանց և երեխաների, իսկ Իսրայելի բանտերից ազատ է արձակվել 117 պաղեստինցի բանտարկյալ։
Հոկտեմբերի 7-ին ՀԱՄԱՍ-ը Իսրայել ներխուժման ընթացքում գերեվարել էր շուրջ 240 մարդու։ 1200 մարդ սպանվել էր։ Այդ հարձակումից հետո Իսրայելը սկսել էր Գազայի հատվածի գնդակոծությունները, այնուհետև՝ ցամաքային ներխուժումը։ Պաղեստինցիների շրջանում զոհերի թիվը գերազանցել է 14 800-ը։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
