Իսկ Ադրբեջանը պատրա՞ստ է Օսկանյանի կամ նրա խմբի հետ բանակցելու. Տանգոն մենակ չեն պարում
«Առաջին լրատվական»-ի զրուցակիցն է Արցախի խորհրդարանի արտաքին հարցերով մշտական հանձնաժողովի նախկին նախագահ, քաղաքագետ Վահրամ Աթանեսյանը։
Պարոն Աթանեսյան, օրերս ԱԳ նախկին նախարար Վարդան Օսկանյանը կարծիք էր հայտնել, որ ԼՂԻՄ–ի խորհրդային շրջանում ունեցած կարգավիճակի հարցը պետք է դնել բանակցային օրակարգում: «Եկեք չմոռանանք, որ այդ փաստն է, որ 1991-ին Արցախի ժողովրդին հնարավորություն տվեց ձգտելու ինքնորոշման, անցկացնելու հանրաքվե: Դա միջազգային հանրության համար ընդունելի դարձավ հենց այդ փաստի գոյությամբ, որ ԼՂ ժողովուրդը խորհրդային շրջանում ունեցել է ինքնավար մարզ: Դա պետք է այսօր բերել՝ դնել սեղանի վրա: Դա նոր հնարավորություններ կբացի քաղաքական ու իրավական ինչ–որ լուծումների գնալու բանակցությունների արդյունքում»,-ասել է Օսկանյանը: Ինչպե՞ս եք գնահատում նման մոտեցումը:
-Պարոն Օսկանյանը ճիշտ է ասում։ Բայց դա Հայաստանի խնդիրը չէ, այլ՝ Ստեփանակերտի։ Լեռնային Ղարաբաղը վարչատարածքային եւ քաղաքական սուբյեկտ է եղել նույնիսկ շահական Պարսկաստանի կազմում։ Բայց ինքնավարություն նրան պարտադրել է բոլշեւիկյան Ռուսաստանը՝ 1921թ․ հուլիսի 5-ին։ Խնդիրը, հետեւաբար, պետք է քննարկվի Մոսկվա-Բաքու-Ստեփանակերտ առանցքով։ Պատրա՞ստ է դրան Ռուսաստանը, Բաքուն ընդունու՞մ է՝ պետք է փորձել։
Իր հերթին Սերժ Սարգսյանը հայտարարել է, որ իրավիճակը արցախյան հարցում ծանր է, բայյց անելանելի չէ, և կփոխվի, կամ հնարավոր է փոխել, եթե փոխվի բանակցողը: Նա հավելել է, որ Օսկանյանի առաջարկը՝ երեք ամսով բանակցելու լիակատար իրավասություն տալ իր գլխավորությամբ դիվանագետների խմբին, տրամաբանական է: Այս առաջարկը որքանո՞վ է կենսունակ։
Իսկ Ադրբեջանը պատրա՞ստ է Օսկանյանի կամ նրա խմբի հետ բանակցելու։ Ասում են, չէ՞՝ տանգոն միայնակ չեն պարում։ Կարծում եմ, իշխանությունը պետք է Օսկանյանի հետ խորհրդատվական հանդիպում ունենա։ Պարտադիր չէ, որ Օսկանյանը բանակցողի ֆորմալ մանդատ ստանա։ Նա կարող է փորձագիտական աջակցություն ցուցաբերել։ Հույս ունեմ, որ պարոն Օսկանյանը մտահոգությունների մեջ անկեղծ է եւ քաղաքական նպատակներ չի հետապնդում։
Իմ տպավորությամբ՝ նա, ինչպես եւ նախկին իշխանությունների այլ ներկայացուցիչներ փորձում են իրենց դիվանագիտական հնարավորություններն ի սպաս դնել, որպեսզի ԼՂ հարցը չփակվի։
Պարոն Աթանեսյան, Ադրբեջանը մեկ օրով գազ է միացնում , ապա փակում։ Ինչու։
Իսկ այդ ընթացքում Արցախի քաղաքացիական ակտիվիստները հանդիպում են Լեբցովի հետ։ Ի դեպ, դուք էլ անդրադարձել էիք այդ հանդիպմանը Ձեր գրառման մեջ։
-Գեներալ Լենցովը հրաման է կատարում, քաղաքական որոշումներ ընդունում է Կրեմլը։ Ռուսաստանը խրված է ուկրաինական պատերազմում։ Մինչ այդ էլ Մոսկվան Բաքվի հետ հարաբերությունների սրացման չի գնացել։ Չափազանցված ակնկալիքներ մենք չպետք է ունենայինք, բայց այս փուլում էլ չի կարելի «հաշիվ ներկայացնել» ԼՂ-ում ՌԴ խաղաղապահ զորախմբի հրամանատարությանը կամ նախագահ Պուտինին։ Իսկ Ադրբեջանի քայլերը մի տրամաբանության մեջ են՝ Լեռնային Ղարաբաղում լիակատար ինքնիշխանություն հաստատել։
-Պարոն Աթանեսյան, ի դեպ, Օսկանյանը նաև նշել է, որ մեզ որևէ այլ բան այդքան վնաս չի տվել, ինչքան Փաշինյանի սխալ խոսքը։ Նա նաև նշել է, որ ընդամենը պետք էր ոչ թե ասել՝ ես ճանաչում եմ Ադրբեջանի տարածքային ամբողջականությունը, այլ ասել՝ ես պատրաստ եմ ճանաչել Արցախը Ադրբեջանի մաս, եթե բանակցությունները տան իրենց դրական արդյունքները։ Արդյոք այս ձևակերպումը իրավիճակի վրա թողնում է ազդեցություն։
-Գիտե՞ք, կարելի է ասել, որ եթե ժամանակին արտգործնախարար Վարդան Օսկանյանը չհեղինակեր ԼՂ-Ադրբեջան ընդհանուր պետություն գաղափարը, ապա աշխարհը կճանաչեր Արցախի անկախությունը։
-Պարոն Աթանեսյան, եթե ամփոփենք, ի՞նչ բեկում կարող է լինել արցախյան գործընթացում այս փուլում։
-Ի՞նչ բեկման մասին է խոսքը, կներեք։ Բոլոր ռեսուրսները, խոսքը քաղաքական-դիվանագիտական գործիքակազմը պետք է գործի դրվեն, որպեսզի՝ ա) վերականգնվի Հայաստան-Արցախ կապը, բ) էներգետիկ ենթակառուցվածքները գործեն անխափան, գ) տեղի ունենա ղարաբաղա-ադրբեջանական առկա շփման գծի էական ապառազմականացում՝ փոխադարձության եւ համաչափության սկզբունքով։
Խոսքը թե Արցախի քաղաքական դիվանագիտական գործիքակազմի մասին է, թե Հայաստանի՞։
-Իհարկե։ Մենք պետք է շատ արագ ԼՂ հարցում հասնենք Հայաստան-Արցախ կոնսենսուսի։
1in.am
Հեղինակ՝ Սիրանույշ Պապյան
Նմանատիպ Լուրեր
Կարևորում ենք միջազգային հանրության կողմից հայկական մշակութային ժառանգության նկատմամբ Ադրբեջանի կողմից իրականացվող քաղաքականության փաստագրումը․ ԱԳՆ խոսնակ
Հայաստանը կարևոր է համարում, որ միջազգային հանրությունը փաստագրում է հայկական կրոնական և մշակութային ժառանգության նկատմամբ Ադրբեջանի կողմից իրականացվող քաղաքականությունը, հայտնել է ՀՀ ԱԳ նախարարության մամուլի խոսնակը՝ պատասխանելով «Aysor.am»-ի հարցմանը:
Վաշինգտոնը միայն կշարունակի ճնշում գործադրել Բաքվի վրա. Ռիչարդ Կիրակոսյան
Վաշինգտոնը միայն կշարունակի ճնշում գործադրել Բաքվի վրա, պատժամիջոցը մնում է ԱՄՆ վերջին ծայրահեղ քայլը. 1lurer.am-ի հարցազրույցը՝ Ռիչարդ Կիրակոսյանի հետ:
«Հիմնական խոչընդոտը երաշխավորման աշխարհաքաղաքական մրցապայքարն է». Գանտահարյան
Radar Armenia-ի զրուցակիցը Շահան Գանտահարյանն է։
Դինքին սպանողի ազատ արձակումը անակնկալ չէր. հարցազրույց «Ակօս»-ի հայկական էջերի խմբագիր Բագրատ Էստուգյանի հետ
Պոլսահայ հայտնի լրագրող, «Ակօս» թերթի հիմնադիր Հրանտ Դինքի սպանության գործով դատապարտված Օգյուն Սամասթը չորեքշաբթի՝ նոյեմբերի 15-ին, վաղաժամկետ ազատ արձակվեց՝ սեպ խրելով Թուրքիայի հայերի, մասնավորապես՝ Դինք ընտանիքի արնահոսող վերքի մեջ:
Ցանկացած ճանապարհ, որն անցնում է Հայաստանի տարածքով, պետք է վերահսկվի Հայաստանի կողմից. Տոյվո Կլաար
Հարավային Կովկասի և Վրաստանում ճգնաժամի հարցերով Եվրամիության հատուկ ներկայացուցիչ Տոյվո Կլաարի խոսքով՝ միանգամայն տրամաբանական է, որ Հարավային Կովկասում կոմունիկացիաների ապաշրջափակման համատեքստում ցանկացած ճանապարհ, ցանկացած երկաթգիծ, որը կանցնի Հայաստանի տարածքով, պետք է վերահսկվի Հայաստանի կողմից։
Պահանջում ենք, որ ԼՂ ժողովուրդն ապահով վերադարձի երաշխիքներ ունենա․ ԵՄ խոսնակի բացառիկ հարցազրույցը
Եվրոպական Միության արտաքին հարաբերությունների հարցերով գլխավոր խոսնակ Պետեր Ստանոն պարզաբանել է Եվրոպական Միությունից հնչող հայտարարությունները Հայաստանին Խաղաղության եվրոպական հիմնադրամի միջոցով աջակցելու, երկրի հետ վիզաների ազատականացման շուրջ գործընթաց սկսելու վերաբերյալ։
