Հայաստանի բողոքը Վրաստանի կառավարության դեմ․ 11 հունիս, 1920թ
Թիֆլիսի հայկական միսիա
Բեկզադյանին
Ծանոթանալով Ռուսաստանի և Վրաստանի միջև սույն թվի մայիսի 7-ին կնքված դաշնագրին, կառավարությունը, ի մեծ զարմանս յուր, իմացավ, որ ըստ վրացական առաջարկի, Ռուսաստանը հիշյալ դաշնագրով պարտավորվում է ճանաչել Թիֆլիսի նահանգն ու Բաթումի շրջանը բոլոր գավառներով ու շրջանակներով որպես անպայման վրացական պետության կազմի մեջ մտնող հողամասեր։
Անցյալ տարվա հունվարի 9-ին և 17-ին Հայաստանի ու Վրաստանի միջև կնքված դաշնագրով Թիֆլիսի նահանգի Բորչալուի գավառի մեկ մասը, որ սահմանակից է Վրաստանին և Հայաստանին, երկու հանրապետությունների կողմից ճանաչված է չեզոք, մինչև վերջնականորեն կվճռվեն միմյանց հետ ունեցած սահմանային վեճերը։
Նույն դաշնագրով Թիֆլիսի նահանգի Ախալքալակի գավառը ճանաչված է վիճելի։
Բաթումի շրջանում՝ Ճորոխի որոշ հողաբաժնի նկատմամբ Հայաստանը ներկայացրել է իր պահանջը որպիսի Կարս-Բաթում երկաթուղագծի կառուցումով հնարավորություն ստանա իրեն այնքան կենսական ու անհրաժեշտ՝ տնտեսական ելքը դեպի ծով։
Հայաստանի և Վրաստանի միջև անցյալ տարվա նոյեմբերի 14-ի կնքված դաշնագրով երկու հանրապետությունները պարտավորվում են բոլոր գոյություն ունեցող կամ ապագայում ծագելիք վեճերը լուծել փոխադարձ համաձայնությամբ, իսկ այպիսին չկայանալու դեպքում՝ պարտադիր արբիտրաժի միջոցով։
Նկատի ունենալով վերոգրյալը, կառավարության անունից խնդրում եմ Ձեզ տեղեկացնեք Վրաստանի կառավարությանը, նույնպես և բոլոր դաշնակից միսիաների ներկայացուցիչներին Թիֆլիսում, որ Ռուսաստանի և Վրաստանի միջև կնքված վերոհիշյալ դաշնագրի Թիֆլիսի նահանգին և Բաթումի շրջանին վերաբերող մասը Հայաստանի կառավարությունը համարում է անվավեր։
11 հունիս, 1920թ
Հայաստանի արտգործնախարար Հ․ Օհանջանյան
ՅԱՌԱՋ օրաթերթ, ՀՅԴ, թիվ 124, չորեքշաբթի, 16 հունիս, 1920թ
Աղբյուր՝ aniarc.am
Նմանատիպ Լուրեր
Հայությունը՝ Երիտթուրքերի ցույցերում
1908 թվականի Երիտթուրքական հեղափոխության օրերին արևմտահայությունը մասնակցում էր բազմահազարանոց ցույցերին «ազատություն, հավասարություն, եղբայրություն» կարգախոսներով:
1919-1920 թթ. Բաթում-Երևան «Կյանքի երկաթգիծը»
«Ազատության պաշտպան» զրահագնացքի բրիտանական զինվորական անձնակազմը, Երևան, 1920 թ.
Թուրքիայի դաշնակից ԱՄՆ-ն տապալում է Արևմտյան Հայաստանի վերադարձի ծրագիրը
Եվրոպական մեծ տերությունները և Թուրքիայի դաշնակից ԱՄՆ-ն տապալում են Արևմտյան Հայաստանի վերադարձի ծրագիրը։ ԱՄՆ-ի ու Թուրքիայի հարաբերություններում կային որոշակի կնճիռներ։ Այդ համատեքստում 2021-ին ԱՄՆ-ն ճանաչեց Հայոց ցեղասպանությունը, թեև գործնականում մեծ հաշվով դա ոչինչ չի տալիս Հայկական հարցին։
Հայ-ադրբեջանական կոնֆերանս․ Բաքու, 1919-ի դեկտեմբերի 14
Ադրբեջանի կողմից հայ-ադրբեջանական կոնֆերանսին կմասնակցեն Ֆաթալի Խան Խոյսկին, Մամեդ Հասան Հաջինսկին և Մամեդ Ռզա Վեքիլովը։
Հայերը, Թուրքիան, Ռուսաստանը եւ Արեւմուտքը. հայացք 1891 թվականից
Ներկայացնում ենք 1891 թվականի ապրիլին ամերիկյան The Atlantic Monthly ամսագրում հրապարակված Սեմյուել Գրին Ուիլեր Բենջամինի The Armenians and the Porte հոդվածի հայերեն թարգմանությունը:
Ալեքսանդր Սոլժենիցինի նոբելյան պատմությունը
Խորհրդային Միությունում Սոլժենիցինին Նոբելյան մրցանակ շնորհելը ռումբի պայթյունի էֆեկտ ունեցավ։ Շատերն անկեղծորեն ուրախացան ռուս վառ և ազնիվ գրողի համաշխարհային ճանաչման համար: Սակայն իշխանությունները և պաշտոնական գրական հանրությունը թշնամաբար են ընդունել Շվեդիայի ակադեմիայի որոշումը։ ԽՄԿԿ Կենտկոմը Նոբելյան մրցանակակրին վարկաբեկելու մի ամբողջ ծրագիր էր մշակել։
