Հարգելի հյուրին դիմավորեց ՀՄՀՖ-ի և Ս․ Մարիամ Աստվածածին Բարեգործական կենտրոնի վարիչ տնօրեն Օր․ Կարինե Ղուկասյանը։ Այնուհետև տեղի ունեցավ հանդիպում «Հայազդ» լրատվական կայքի խմբագիր Սահակ Շահմուրադյանի հետ։

 

Նախ ՀՄՀՖ-ի տնօրենը և «Հայազդ» լրատվական կայքի խմբագիրը առնաձնապես ողջունեցին և գնահատեցին Նորայր Մեհրաբյանի մշակութային, հասարակական և գրական երկարամյա գործունեությունն իրանահայ կյանքում և հատուկ շնորհավորեցին նրան, Գրիգորիս Պալաքյանի «Հայ Գողգոթան», Սերո Խանզադյանի «Շուշի», և Հրանտ Մաթևոսյանի «Գոմեշ» գրքերը պարսկերենի  թարգմանելու կապակցությամբ։

 

Իրանահայ մշակութային և կրթական գործիչ Նորայր Մեհրաբյանը ևս շնորհակալություն հայտնեց հրավերի համար և պարսկերենի թարգմանած գրքերից մեկական հատոր նվիրեց խմբագրությանը։  

 

Հանդիպման ընթացքում քննարկվեց մշակութային, թարգմանչական, հասարակական, կրթական երկկողմ հետաքրքրություն ներկայացնող ոլորտներում համագործակցության խթանման ուղղություններն ու հնարավորությունները։ Հատուկ կարևորությամբ ընդգծվեց իրանահայ համայնքի մշակութային, գրական և թարգմանչական ոլորտներում գործընկերության հետագա զարգացման անհրաժեշտությունն ինչպես երկկողմ, այնպես էլ բազմակողմ ձևաչափերով՝ նաև խթանել հասարակության կրթական ու մշակութային կյանքը բարելավելուն ուղղված ջանքերը։

 

Հանդիպման ժամանակ ՀՄՀՖ-ի վարիչ տնօրենը և «Հայազդ» կայքի խմբագիրը հարգելի հյուրին՝ մանրամասներ են ներկայացրել կենտրոնի մշակութային, լրատվական, մեդիայի ոլորտներում և հասարակական գործունեության մասին և նոր սերնդի մշակութային և հայեցի դաստիարակությանն ուղղված ջանքերի վերաբերյալ:

 

Հանդիպման ավարտին քննարկվեց երկկողմ հարաբերությունների հետագա խորացմանը միտված քայլերն ու հնարավորությունները: