Կարսից՝ Երևան․ Սիլիկյանի և Օհանջանյանի զրույցը․ 8 հոկտեմբեր, 1920 թ.
1920 թ․ սեպտեմբերի 29-ին քեմալականները գրավեցին Սարիղամիշն ու Կաղզվանը, հոկտեմբերի 30-ին՝ Կարսը, նոյեմբերի առաջին օրերին՝ Ալեքսանդրապոլը, իսկ դեկտեմբերի 2-ին՝ ռուս-թուրքական հարվածների տակ, ՀՅԴ-ն իշխանությունը խաղաղ ճանապարհով փոխանցեց Բաքվում ձևավորված և նոյեմբերի 29-ին Իջևան մտած Հայհեղկոմին։
Ներկայացնում ենք ՀՅԴ Յառաջ օրաթերթի 1920 թ․ հոկտեմբերի 8-ի խմբագրականը։
ԱՆԻ
—-
ՎԱՐՉԱՊԵՏԻ ԵՒ ԳԵՆԵՐԱԼ ՍԻԼԻԿԵԱՆԻ ԽՕՍԱԿՑՈՒԹԻՒՆԸ
(Ուղիղ հեռագրաթելով Երևան-Կարս)
Գեն. Սիլիկեան. - Նոր միայն վերադարձայ Կարսի շրջանի մեր դրքերից: Զօրքի տրամադրութիւնը շատ բարձր է: Ինչպէս միշտ, այս անգամ էլ նա պատրաստ է սրբութեամբ կատարելու իր վրա դրւած պարտականութիւնը հայրենիքի հանդէպ:
Մեր դրութիւնը կայուն է և ամուր:
Վարչապետ- Շատ ուրախ եմ Ձեր հաղորդած տեղեկութիւնների համար: Ի՞նչ է ձեր կարծիքը ռազմաճակատի դրութեան մասին:
Գեն. Սիլիկեան. - Մենք մեծ հաւատ ու վստահութիւն ունենք մեր զօրքի վրա: Կարծում ենք, որ շատ շուտով պիտի կարողանանք դուրս վանել յանդուգն թշնամուն մեր հայրենիքի սահմաններից:
Պ. Քաջազնունին այստեղ է. նա լուր բերեց Թիֆլիսից, որ տրամադրութիւնն այնտեղ շատ բարձր է և որ բաւական թւով հայ կամաւորներ են գալիս օգնության հասնելու ճակատին:
Բաթումից ստացւած տեղեկութիւնների համաձայն, Աջարիան անհանգիստ է: Այս հանգամանքը շատ է անհանգստացնում վրացիներին:
Յառաջ, ՀՅԴ, թիւ 219, ուրբաթ, 8 Հոկտեմբերի, 1920 թ․
Լուսանկարը՝ Թաթուլ Հակոբյանի
Աղբյուր՝ aniarc.am
Նմանատիպ Լուրեր
Հայությունը՝ Երիտթուրքերի ցույցերում
1908 թվականի Երիտթուրքական հեղափոխության օրերին արևմտահայությունը մասնակցում էր բազմահազարանոց ցույցերին «ազատություն, հավասարություն, եղբայրություն» կարգախոսներով:
1919-1920 թթ. Բաթում-Երևան «Կյանքի երկաթգիծը»
«Ազատության պաշտպան» զրահագնացքի բրիտանական զինվորական անձնակազմը, Երևան, 1920 թ.
Թուրքիայի դաշնակից ԱՄՆ-ն տապալում է Արևմտյան Հայաստանի վերադարձի ծրագիրը
Եվրոպական մեծ տերությունները և Թուրքիայի դաշնակից ԱՄՆ-ն տապալում են Արևմտյան Հայաստանի վերադարձի ծրագիրը։ ԱՄՆ-ի ու Թուրքիայի հարաբերություններում կային որոշակի կնճիռներ։ Այդ համատեքստում 2021-ին ԱՄՆ-ն ճանաչեց Հայոց ցեղասպանությունը, թեև գործնականում մեծ հաշվով դա ոչինչ չի տալիս Հայկական հարցին։
Հայ-ադրբեջանական կոնֆերանս․ Բաքու, 1919-ի դեկտեմբերի 14
Ադրբեջանի կողմից հայ-ադրբեջանական կոնֆերանսին կմասնակցեն Ֆաթալի Խան Խոյսկին, Մամեդ Հասան Հաջինսկին և Մամեդ Ռզա Վեքիլովը։
Հայերը, Թուրքիան, Ռուսաստանը եւ Արեւմուտքը. հայացք 1891 թվականից
Ներկայացնում ենք 1891 թվականի ապրիլին ամերիկյան The Atlantic Monthly ամսագրում հրապարակված Սեմյուել Գրին Ուիլեր Բենջամինի The Armenians and the Porte հոդվածի հայերեն թարգմանությունը:
Ալեքսանդր Սոլժենիցինի նոբելյան պատմությունը
Խորհրդային Միությունում Սոլժենիցինին Նոբելյան մրցանակ շնորհելը ռումբի պայթյունի էֆեկտ ունեցավ։ Շատերն անկեղծորեն ուրախացան ռուս վառ և ազնիվ գրողի համաշխարհային ճանաչման համար: Սակայն իշխանությունները և պաշտոնական գրական հանրությունը թշնամաբար են ընդունել Շվեդիայի ակադեմիայի որոշումը։ ԽՄԿԿ Կենտկոմը Նոբելյան մրցանակակրին վարկաբեկելու մի ամբողջ ծրագիր էր մշակել։