Արցախի ապագան կախված է մազից, և չափազանց կարևոր է, որ մի մարդու պես կանգնենք Արցախի և Արցախի օրինական իշխանության կողքին
Արցախի ապագան կախված է մազից, և չափազանց կարևոր է, որ մենք բոլորս, մի կողմ դնենք մեր անձը, անձնական վերաբերմունքը, խոնարհենք մեր կուսակցական դրոշները, մի մարդու պես կանգնենք Արցախի և Արցախի օրինական իշխանության կողքին։
Հանուն Հանրապետության կուսակցության նախագահ Արման Բաբաջանյանը ֆեյսբուքյան իր էջում գրել է.
Ռուբեն Վարդանյանի՝ Արցախում ընտրված նախագահ Արայիկ Հարությունյանին պաշտոնազրկելու մտադրությունը մատնող վերջին հայտարարության մասին գրառումը հարուցել է բազմաթիվ քաղաքական շրջանակների և քաղաքացիների զայրույթը։
Հուրախություն բոլորիս, աշխարհազորը, գործող զինվորականությունը, Անվտանգության խորհրդի քարտուղարը, Պաշտպանության բանակի հրամանատարությունը և պետական ողջ համակարգը շարունակում է վերահսկել Արայիկ Հարությունյանը։
Շատերի համոզմամբ, Ռուբեն Վարդանյանի այս մտադրությունը բացի Արցախի նախկին նախագահներից՝ Բակո Սահակյանից և Արկադի Ղոկասյանից, աջակցում են նաև Հայաստանի նախկին նախագահներ՝ Ռոբերտ Քոչարյանն ու Սերժ Սարգսյանը։
Ըստ որոշ աղբյուրների, Ռուբեն Վարդանյանի և նրա փողով առնված խունտայի այս ազգադավ մտադրությունն Արցախում աջակցում է միայն մեկ ուժային նախարար և որոշ պաշտոնաթող բարձրաստիճան զինվորականներ։ Ըստ փոխանցված տեղեկությունների՝ Ամենայն հայոց և Մեծի տանն Կիլիկիո հայրապետները ևս դիտարկում են այսպիսի կործանարար օրակարգը աջակցելու հնարավորությունը։
Չնայած Քոչարյանի և Սերժ Սարգսնաի նկատմամբ իմ անձնական վերաբերմունքին, դեռևս հույս ունեմ, որ նրանք, որքան էլ չսիրեն, համաձայն չլինեն Արայիկ Հարությունյանի հետ, որպես փորձառու նախկին բարձրաստիճան պաշտոնյաներ, հասկանում են, թե ինչ կարող է նշանակել այս պահին ներարցախյան իշխանական խժդժությունները, և այդու կանեն ամեն ինչ, այդ թվում հրապարակայնորեն, որ այսպիսի մտադրության կենսագործումը խեղդվի օրորոցում։
Մեծ հույս ունեմ, որ կաթողիկոսները ևս հասկանում են ստեղծված իրավիճակում իրենց պատասխանատվությունը։ Արցախի ապագան կախված է մազից, և չափազանց կարևոր է, որ մենք բոլորս, մի կողմ դնենք մեր անձը, անձնական վերաբերմունքը, խոնարհենք մեր կուսակցական դրոշները, մի մարդու պես կանգնենք Արցախի և Արցախի օրինական իշխանության կողքին։
Այս դիրքորոշումը ոչ մի դեպքում չի նշանակում, որ ես, դուք համաձայն ենք Արայիկ Հարությունյանի բոլոր քայլերին և հայտարարություններին։ Բայց այդ տարաձայնությունները որևէ կերպ չեն կարող ավելի կարևոր լինել, քան արցախցու ընտրության կողքին կանգնելն է, օրինական ընտրված իշխանությանը պաշտպանելը։
Աղբյուր՝ 1in.am
Նմանատիպ Լուրեր
Ռուսաստանի դիրքորոշման լույսն ու ստվերը. եվրադիտորդների երկակի նշանակությունը
Ռուսաստանի դիրքորոշումն այդ առնչությամբ հայտնի է, այն առաքելության տեղակայումից ի վեր բարձրաձայնվել է մի քանի անգամ: Սակայն արդյո՞ք արժե վստահաբար պնդել, որ այն, ինչ բարձրաձայնվում է, արտացոլում է ամբողջական եւ խորքային մոտեցումը: Թե՞ «ժանրի կանոնի» համաձայն դժգոհելով այդ տեղակայումից, իրական քաղաքականության խորքային ռեժիմում Ռուսաստանը այդքան էլ դեմ չէ, որ Եվրամիությունն այդ կերպ հայտնվի Ադրբեջանին զսպելու հարցում պատասխանատվության տակ, ինչը Մոսկվան կարող է դիտարկել Կովկասում իր հանդեպ երկրորդ ճակատի հրահրման կանխարգելիչ գործոն:
Պուտինի ակնարկը եւ Բլինքենի զանգը
Հայտնի է դարձել, որ կայացել է պետքարտուղար Բլինքենի եւ Թուրքիայի արտգործնախարար Ֆիդանի հեռախոսազրույցը: Ֆիդանը, ինչպես թուրքական լրատվամիջոցներն են փոխանցում, Բլինքենին առաջարկել է օգտագործել Իսրայելի նկատմամբ ազդեցությունը, հասնել կրակի դադարեցման, որից հետո Իսրայելը պետք է նստի բանակցությունների սեղանի շուրջ «երկու պետություն սկզբունքով հարցը կարգավորելու համար»:
Ինչո՞ւ էր Թուրքիայի արտգործնախարարը մեկնել Բաքու»
Ինչպե՞ս է Թուրքիան պատկերացնում հայ-ադրբեջանական, հայ-թուրքական հարաբերությունների կարգավորումը:
Արևմուտքը հայտարարում է, որ Եվրոպայի սահմաններն ավարտվում են Հայաստանում․ միջազգայնագետ
Եթե մինչև վերջերս ժողովրդավարությունը և Եվրոպան ավարտվում էին Վրաստանում, ապա հիմա, Վրաստանին թեկնածուի կարգավիճակ շնորհելով, Արևմուտքը հայտարարում է, որ Եվրոպան ավարտվում է Հայաստանում։
Հնդկաստանը խառնում է Քաշմիրի կոնֆլիկտի խաղաքարտերը. ի՞նչ է պետք իմանալ
Քաշմիրի հակամարտության հիմնական կետերի համառոտ ակնարկը:
Կանադայի հայտարարությունը չպետք է անարձագանք թողել. Շահան Գանտահարյան
Կանադան ողջունում է երկու ադրբեջանցի և 32 հայ զինծառայողների ազատ արձակումը և դրական է գնահատում այն աջակցությունը, որ երկրները ցուցաբերել են միմյանց նկատմամբ միջազգային ատյաններում։
