Ինչ կանի ՄԱԿ ԱԽ-ն եւ ինչ կանի Հայաստանը դրանից հետո
Այս պայմաններում, քաղաքական կուրություն է չնկատել, որ Կովկասը ևս համաշխարհային պատերազմի գոտի է, հետեւաբար մեծ հարց է, թե ՄԱԿ ԱԽ-ն՝ որտեղ որոշումները կայացվում են հավաքական, կոնսենսուսային տրամաբանությամբ, որքանով է ունակ կայացնել այդպիսի որոշում հայ-ադրբեջանական թեմատիկային առնչվող հարցերում, եւ՝ իրագործել այդ որոշումը առանց ռազմական էսկալացիայի:
Հայաստանը դիմել է ՄԱԿ անվտանգության խորհրդին, խնդրելով նիստ անցկացնել Արցախում ստեղծված մարդասիրական իրավիճակի առնչությամբ: «Ներկա պայմաններում Հայաստանի կառավարությունը հայցում է ՄԱԿ Անվտանգության խորհրդի՝ որպես գլոբալ անվտանգության ապահովման և զանգվածային ոճրագործությունների, ներառյալ՝ պատերազմական հանցագործությունների, էթնիկ զտումների, մարդկության դեմ հանցագործությունների և ցեղասպանությունների կանխարգելման առաջնային մարմնի միջամտությունը», ասված է ՄԱԿ ԱԽ նախագահին ուղղված Հայաստանի դիմումի մեջ: Հայաստանի դիմումի փաստը ողջունել է Արցախի արտգործնախարարությունը: Ինչ արդյունք կտա Հայաստանի դիմումը, սա է բնականաբար գլխավոր հարցը:
Լաչինի միջանցքի արգելափակումից ի վեր պարբերաբար խոսակցության առարկա է եղել այն, թե Հայաստանն ինչու՞ չի դիմում ՄԱԿ ԱԽ-ին: Մյուս կողմից սակայն, այս հարցը առավելապես եղել է մեխանիկական դիտարկումների առարկա, հաշվի չառնելով այն քաղաքական իրողությունները, որ առկա են այսօր համաշխարհային ասպարեզում, փաստացի համաշխարհային պատերազմի տեսքով, որ գործնականում վարում են ՄԱԿ ԱԽ հինգ մշտական անդամները նոր աշխարհակարգի, համաշխարհային նոր ստատուս-քվոյի, ազդեցության գոտիների, ուժերի նոր հարաբերակցության և նոր տնտեսակարգերի համար: Այդ պայմաններում, քաղաքական կուրություն է չնկատել, որ Կովկասը ևս համաշխարհային պատերազմի գոտի է, հետեւաբար մեծ հարց է, թե ՄԱԿ ԱԽ-ն՝ որտեղ որոշումները կայացվում են հավաքական, կոնսենսուսային տրամաբանությամբ, որքանով է ունակ կայացնել այդպիսի որոշում հայ-ադրբեջանական թեմատիկային առնչվող հարցերում, եւ՝ իրագործել այդ որոշումը առանց ռազմական էսկալացիայի:
Իհարկե Հայաստանի դիմումի ընթացքը կտա այդ հարցի պատասխանը, սակայն այստեղ կա եւս մի էական հարց: Ի՞նչ է լինելու հետո, ինչ քայլեր ունի Հայաստանը հետո, եթե պարզվի, որ ՄԱԿ ԱԽ ի զորու չէ Արցախի հարցում կայացնել էական որոշումներ և ապահովել դրանց իրականացումը, կամ՝ ի զորու չէ կայացնել Հաագայի արդարադատության միջազգային դատարանի կայացրած հայտնի միջանկյալ վճիռները իրագործելուն, դրանց կատարումը ապոհովող որոշումներ: Որովհետեւ, ՄԱԿ ԱԽ դիմելը այն «կրակոցն» է, որը ազդեցություն չունենալու պարագայում կարող է ունենալ արդեն հակառակ «էֆեկտ», որը միայն առերեւույթ կարող է մեղմել այդ «էֆեկտի» համար այս կամ այն սուբյեկտին պատասխանատու հռչակելը, որովհետեւ գետնի վրա լուծում պահանջող հարցը Արցախի ժողովրդին մարդասիրական աղետից ազատելն է:
Աղբյուր՝ 1in.am
Նմանատիպ Լուրեր
Ռուսաստանի դիրքորոշման լույսն ու ստվերը. եվրադիտորդների երկակի նշանակությունը
Ռուսաստանի դիրքորոշումն այդ առնչությամբ հայտնի է, այն առաքելության տեղակայումից ի վեր բարձրաձայնվել է մի քանի անգամ: Սակայն արդյո՞ք արժե վստահաբար պնդել, որ այն, ինչ բարձրաձայնվում է, արտացոլում է ամբողջական եւ խորքային մոտեցումը: Թե՞ «ժանրի կանոնի» համաձայն դժգոհելով այդ տեղակայումից, իրական քաղաքականության խորքային ռեժիմում Ռուսաստանը այդքան էլ դեմ չէ, որ Եվրամիությունն այդ կերպ հայտնվի Ադրբեջանին զսպելու հարցում պատասխանատվության տակ, ինչը Մոսկվան կարող է դիտարկել Կովկասում իր հանդեպ երկրորդ ճակատի հրահրման կանխարգելիչ գործոն:
Պուտինի ակնարկը եւ Բլինքենի զանգը
Հայտնի է դարձել, որ կայացել է պետքարտուղար Բլինքենի եւ Թուրքիայի արտգործնախարար Ֆիդանի հեռախոսազրույցը: Ֆիդանը, ինչպես թուրքական լրատվամիջոցներն են փոխանցում, Բլինքենին առաջարկել է օգտագործել Իսրայելի նկատմամբ ազդեցությունը, հասնել կրակի դադարեցման, որից հետո Իսրայելը պետք է նստի բանակցությունների սեղանի շուրջ «երկու պետություն սկզբունքով հարցը կարգավորելու համար»:
Ինչո՞ւ էր Թուրքիայի արտգործնախարարը մեկնել Բաքու»
Ինչպե՞ս է Թուրքիան պատկերացնում հայ-ադրբեջանական, հայ-թուրքական հարաբերությունների կարգավորումը:
Արևմուտքը հայտարարում է, որ Եվրոպայի սահմաններն ավարտվում են Հայաստանում․ միջազգայնագետ
Եթե մինչև վերջերս ժողովրդավարությունը և Եվրոպան ավարտվում էին Վրաստանում, ապա հիմա, Վրաստանին թեկնածուի կարգավիճակ շնորհելով, Արևմուտքը հայտարարում է, որ Եվրոպան ավարտվում է Հայաստանում։
Հնդկաստանը խառնում է Քաշմիրի կոնֆլիկտի խաղաքարտերը. ի՞նչ է պետք իմանալ
Քաշմիրի հակամարտության հիմնական կետերի համառոտ ակնարկը:
Կանադայի հայտարարությունը չպետք է անարձագանք թողել. Շահան Գանտահարյան
Կանադան ողջունում է երկու ադրբեջանցի և 32 հայ զինծառայողների ազատ արձակումը և դրական է գնահատում այն աջակցությունը, որ երկրները ցուցաբերել են միմյանց նկատմամբ միջազգային ատյաններում։
