Կոշտ ակնարկ Թեհրանից
«Այդ բանակցությունները պետք է իրականացվեն՝ ելնելով ազգերի շահերից և առանց քաղաքական դավադրությունների, որոնցում ներգրավված են Ամերիկան և Սիոնիստական ռեժիմը», գրել է Իրանի նախագահի խորհրդականը՝ Իրանի նախագահ Ռայիսիի և Հայաստանի արտգործնախարարի հանդիպման վերաբերյալ, նշելով, որ այդ միտքը արտահայտել է Ռայիսին, հայտնելով Հայաստանի և Ադրբեջանի միջև բանակցության հարցում Իրանի աջակցությունը: Հայաստանի արտգործնախարարի Իրան այցի շրջանակում սա բավականին կոշտ հայտարարություն է: Այն փաստացի արտացոլում է Իրանի մտահոգությունը այն բանակցային գործընթացի առնչությամբ, որ ծավալված է վաշինգտոնյան ձևաչափի շրջանակում:
Այն, որ Իրանը մշտապես զգայուն է ռեգիոնում արևմտյան ներկայության հանդեպ, ամենևին նորություն չէ: Ավելորդ է խոսել Իսրայելի հանդեպ Իրանի կառավարող համակարգի վերաբերմունքի մասին: Այդ ամենով հանդերձ, խնդիրը տվյալ պարագայում ընդհանուր վերաբերմու՞նքն է, ըստ այդմ հնչող «պրոֆիլակտիկ» դիրքորոշումը, թե՞ այդուհանդերձ Թեհրանն ունի վաշինգտոնյան ձևաչափում տեղի ունեցող գործընթացի առնչությամբ շատ ավելի կոնկրետ մտահոգություն, որը փոխանցել է Երևանին:
Ամենևին չի բացառվում նաև, որ խոսքը ընդհանուր մտահոգության մասին է և Հայաստանի արտգործնախարարի Իրան այցը ունի նաև իրադրության բալանսավորման նպատակ, և Իրանը փաստացի արտահայտել է այդ բալանսավորման հարցում իր պատրաստակամությունը: Այդ իմաստով, Հայաստանի համար ներկայումս հենց դա է գերխնդիրը՝ Հայաստանի և Ադրբեջանի միջև ուժերի հավասարակշռության էական խախտվածության պայմաններում ապահովել արտաքին դերակատարների միջև ուժերի հավասարակշռության այնպիսի միջավայր, որը թույլ կտա փոխհատուցել անմիջականորեն Բաքվի հետ ապահավասարակշռության խնդիրը և այդ կերպ Հայաստանի համար շահել ժամանակ և մանևրի տարածություն, ավելի բալանսավորված բանակցային բովանդակության հասնելու համար:
1in.am
Հեղինակ՝ ՀԱԿՈԲ ԲԱԴԱԼՅԱՆ
Նմանատիպ Լուրեր
Ռուսաստանի դիրքորոշման լույսն ու ստվերը. եվրադիտորդների երկակի նշանակությունը
Ռուսաստանի դիրքորոշումն այդ առնչությամբ հայտնի է, այն առաքելության տեղակայումից ի վեր բարձրաձայնվել է մի քանի անգամ: Սակայն արդյո՞ք արժե վստահաբար պնդել, որ այն, ինչ բարձրաձայնվում է, արտացոլում է ամբողջական եւ խորքային մոտեցումը: Թե՞ «ժանրի կանոնի» համաձայն դժգոհելով այդ տեղակայումից, իրական քաղաքականության խորքային ռեժիմում Ռուսաստանը այդքան էլ դեմ չէ, որ Եվրամիությունն այդ կերպ հայտնվի Ադրբեջանին զսպելու հարցում պատասխանատվության տակ, ինչը Մոսկվան կարող է դիտարկել Կովկասում իր հանդեպ երկրորդ ճակատի հրահրման կանխարգելիչ գործոն:
Պուտինի ակնարկը եւ Բլինքենի զանգը
Հայտնի է դարձել, որ կայացել է պետքարտուղար Բլինքենի եւ Թուրքիայի արտգործնախարար Ֆիդանի հեռախոսազրույցը: Ֆիդանը, ինչպես թուրքական լրատվամիջոցներն են փոխանցում, Բլինքենին առաջարկել է օգտագործել Իսրայելի նկատմամբ ազդեցությունը, հասնել կրակի դադարեցման, որից հետո Իսրայելը պետք է նստի բանակցությունների սեղանի շուրջ «երկու պետություն սկզբունքով հարցը կարգավորելու համար»:
Ինչո՞ւ էր Թուրքիայի արտգործնախարարը մեկնել Բաքու»
Ինչպե՞ս է Թուրքիան պատկերացնում հայ-ադրբեջանական, հայ-թուրքական հարաբերությունների կարգավորումը:
Արևմուտքը հայտարարում է, որ Եվրոպայի սահմաններն ավարտվում են Հայաստանում․ միջազգայնագետ
Եթե մինչև վերջերս ժողովրդավարությունը և Եվրոպան ավարտվում էին Վրաստանում, ապա հիմա, Վրաստանին թեկնածուի կարգավիճակ շնորհելով, Արևմուտքը հայտարարում է, որ Եվրոպան ավարտվում է Հայաստանում։
Հնդկաստանը խառնում է Քաշմիրի կոնֆլիկտի խաղաքարտերը. ի՞նչ է պետք իմանալ
Քաշմիրի հակամարտության հիմնական կետերի համառոտ ակնարկը:
Կանադայի հայտարարությունը չպետք է անարձագանք թողել. Շահան Գանտահարյան
Կանադան ողջունում է երկու ադրբեջանցի և 32 հայ զինծառայողների ազատ արձակումը և դրական է գնահատում այն աջակցությունը, որ երկրները ցուցաբերել են միմյանց նկատմամբ միջազգային ատյաններում։