Ադրբեջանը դիմադրում է՝ օգտվելով նաև Կրեմլի ու անգամ զախարովաների աջակցությունից. Արամ Սարգսյան
Այս մասին «Ֆեյսբուք»-ի իր էջում գրել է «Հանրապետություն» կուսակցության նախագահ Արամ Սարգսյանը՝ շարունակելով.
«Բանակցությունները ունեն երկու կողմ, միջնորդը չի կարող որևէ կողմից առաջարկվող մոտեցումը կատեգորիկ մերժել։ Սա գաղտնիք չէ ոչ միայն բանակցային գործընթացով զբաղվողների, այլև չինացի էլեկտրիկների և Արկտիկայի պինգվինների համար։
ԼՂ կարգավիճակը բանակցության թեմա է եղել արցախյան շարժման առաջին օրից ու բանակցային թեմա է նաև հիմա, ինչքան էլ Ադրբեջանը փորձի հակադրվել ու խնդիրը պահել ռուս-թուրք-ադրբեջանական համաձայնությամբ կնքված պայմանավորվածության դաշտում, միևնույն է՝ քաղաքակիրթ աշխարհը պարտադրելու է Ադրբեջանին բանակցել Արցախի ԻՐԱՎՈւՆՔՆԵՐԻ և ԱՆՎՏԱՆԳՈւԹՅԱՆ խնդրով։
Աշխարհասփյուռ հայությունն էլ իր խնդիրը պետք է համարի Արցախի հարցը պահել ԱՄՆ, Ֆրանսիա, ԵՄ, ՄԱԿ հարթակներում և ուշադրության կենտրոնում։ «ԱՄՆ-ը Լեռնային Ղարաբաղի ապագայի վերաբերյալ բանակցությունների արդյունքներ չի կանխորոշում, այլ աջակցում է համաձայնության կայացմանը, որը կլինի տևական, կայուն և կապահովի հիմքեր խաղաղության համար»՝ սա ԱՄՆ դեսպանի մեկնաբանությունն է, իր պատասխանը երրորդ երկրին դուր գալու նպատակով նենգափոխողներին։
ՌԴ հույսով ազատագրված տարածքները և Արցախը հայկական պահողները, եթե Լավրովի պլանի, 44-օրյա պատերազմի, Պուտինի` Արցախը Ադրբեջանի մաս լինելու հայտարարությունից հետո հետևություն չարեցին, կամ ունակ չեն, կամ շահեկան չէ։
ԱՄՆ դեսպանը հստակ ասել է, որ Արցախի կարգավիճակի որոշողը ԱՄՆ-ը չէ, կարգավիճակը Ստեփանակերտի և Բաքվի բանակցությունների արդյունքով է որոշվելու, որն էլ թե ԱՄՆ-ը, թե Ֆրանսիան տեսնում են միջազգային ձևաչափով և կանոններով։ Այո, Ադրբեջանը դիմադրում է, օգտվելով նաև Կրեմլի ու անգամ զախարովաների աջակցությունից, բայց Ադրբեջանը դիմադրում է նաև ԱՄՆ-ին, ԵՄ-ին, ԵԽԽՎ-ին, ՄԱԿ-ին և ՄԱԿ-ի միջազգային դատարանին, ու այդ դիմադրությունը երկար չի տևելու։ Մեզ ճիշտ դիրքավորվել է պետք և իրավիճակը ինչքան ծանր է Արցախի համար հիմա, այնքան բարեհաջող կարող է լինել։
Աստված օրհնի Հայաստանը, Արցախը և աշխարհասփյուռ հայությանը»։
Աղբյուր՝ armtimes.com
Նմանատիպ Լուրեր
Ռուսաստանի դիրքորոշման լույսն ու ստվերը. եվրադիտորդների երկակի նշանակությունը
Ռուսաստանի դիրքորոշումն այդ առնչությամբ հայտնի է, այն առաքելության տեղակայումից ի վեր բարձրաձայնվել է մի քանի անգամ: Սակայն արդյո՞ք արժե վստահաբար պնդել, որ այն, ինչ բարձրաձայնվում է, արտացոլում է ամբողջական եւ խորքային մոտեցումը: Թե՞ «ժանրի կանոնի» համաձայն դժգոհելով այդ տեղակայումից, իրական քաղաքականության խորքային ռեժիմում Ռուսաստանը այդքան էլ դեմ չէ, որ Եվրամիությունն այդ կերպ հայտնվի Ադրբեջանին զսպելու հարցում պատասխանատվության տակ, ինչը Մոսկվան կարող է դիտարկել Կովկասում իր հանդեպ երկրորդ ճակատի հրահրման կանխարգելիչ գործոն:
Պուտինի ակնարկը եւ Բլինքենի զանգը
Հայտնի է դարձել, որ կայացել է պետքարտուղար Բլինքենի եւ Թուրքիայի արտգործնախարար Ֆիդանի հեռախոսազրույցը: Ֆիդանը, ինչպես թուրքական լրատվամիջոցներն են փոխանցում, Բլինքենին առաջարկել է օգտագործել Իսրայելի նկատմամբ ազդեցությունը, հասնել կրակի դադարեցման, որից հետո Իսրայելը պետք է նստի բանակցությունների սեղանի շուրջ «երկու պետություն սկզբունքով հարցը կարգավորելու համար»:
Ինչո՞ւ էր Թուրքիայի արտգործնախարարը մեկնել Բաքու»
Ինչպե՞ս է Թուրքիան պատկերացնում հայ-ադրբեջանական, հայ-թուրքական հարաբերությունների կարգավորումը:
Արևմուտքը հայտարարում է, որ Եվրոպայի սահմաններն ավարտվում են Հայաստանում․ միջազգայնագետ
Եթե մինչև վերջերս ժողովրդավարությունը և Եվրոպան ավարտվում էին Վրաստանում, ապա հիմա, Վրաստանին թեկնածուի կարգավիճակ շնորհելով, Արևմուտքը հայտարարում է, որ Եվրոպան ավարտվում է Հայաստանում։
Հնդկաստանը խառնում է Քաշմիրի կոնֆլիկտի խաղաքարտերը. ի՞նչ է պետք իմանալ
Քաշմիրի հակամարտության հիմնական կետերի համառոտ ակնարկը:
Կանադայի հայտարարությունը չպետք է անարձագանք թողել. Շահան Գանտահարյան
Կանադան ողջունում է երկու ադրբեջանցի և 32 հայ զինծառայողների ազատ արձակումը և դրական է գնահատում այն աջակցությունը, որ երկրները ցուցաբերել են միմյանց նկատմամբ միջազգային ատյաններում։