Այն, ինչ ասաց Գերմանիայի կանցլեր Շոլցը, Ալիևի համար սառը ցնցուղ էր, պատերազմ չսկսելու զսպիչ գործոն. Գրիգորյան
Անդրադառնալով Երասխի դեպքերին՝ վերջինս նկատում է, որ այստեղ երկու գործոն կա. «Առաջինը՝ Տիգրանակերտի, անկլավի գործոնը, երկրորդը, բնականաբար, կառուցվող մետալուրգիական կոմբինատի, քանի որ նրանք չեն ուզում, որ Հայաստանի սահմանամերձ շրջանները զարգանան»:
«Ադրբեջանը փորձում է իրականացնել «բառադի» կամ «վայրենի» դեմարկացիա այն ուղղություններով, որտեղ ուզում է մի քիչ առաջ գալ կամ վիճարկում է սահմանը»:
Այս մասին «Հայկական ժամանակ»-ի հետ զրույցում ասում է քաղաքագետ Ստեփան Գրիգորյանը՝ խոսելով վերջին շրջանում տարբեր ուղղություններով իրականացվող ադրբեջանական սադրանքների մասին:
Անդրադառնալով Երասխի դեպքերին՝ վերջինս նկատում է, որ այստեղ երկու գործոն կա. «Առաջինը՝ Տիգրանակերտի, անկլավի գործոնը, երկրորդը, բնականաբար, կառուցվող մետալուրգիական կոմբինատի, քանի որ նրանք չեն ուզում, որ Հայաստանի սահմանամերձ շրջանները զարգանան»:
Խոսելով այն մասին, որ Երասխում այսուհետև հայկական դրոշի հետ բարձրացվելու է նաև Միացյալ Նահանգների դրոշը՝ քաղաքագետը կարծում է, որ այս կերպ գոնե այդ գործարանի նկատմամբ որոշակի կսհմանափակվի Ադրբեջանի ախորժակը:
«Իմ կարծիքով՝ չեն համարձակվի կրակել: Չեմ կարծում, որ Ալիևը էդքան դուխով է, որ Միացյալ Նահանգների դեմ դուրս գա: Ի վերջո, Հնդկաստանի երկու քաղաքացիների վիրավորվելը լուրջ բան է, Հնդկաստանն էլ այսօր չէ, վաղը կարձագանքի: Սա միանշանակ հետևանքներ կունենա և արդեն ունեցավ. Պետդեպարտամենտի հայտարարությունը, Ֆրանսիայի ԱԳՆ-ի հայտարարությունը, որին Բաքուն արձագանքեց և դժգոհություն հայտնեց, Եվրամիությունում քննարկումներ կան սրա հետ կապված»,- ընդգծում է քաղաքագետը:
Հարցին՝ սա կարո՞ղ է լինել նախերգանք՝ ավելի մեծ էսկալացիա սկսելու, Ստեփան Գրիգորյանը պատասխանում է. «Միանշանակ: Ընդհանուր առմամբ փորձում են առաջ գալ փոքր քայլերով, բացի դրանից՝ պատրաստվում են ավելի մեծ քայլերի: Լայնամասշտաբ պատերազմի հնարավորություն չեմ տեսնում, քանի որ կա միջազգային հանրության ուշադրությունը Հարավային Կովկասի վրա, բայց տեղային գործողությունների համար, այո, և՛ ստուգարք է մեր կարողությունների, և՛ միջազգային հանրության արձագանքը ստուգելու ձև»:
Ադրբեջանի այս գործողությունները քաղաքագետը կապում է նաև Էրդողանի վերընտրվելու հետ, որը առաջին պաշտոնական այցով գնացել էր Բաքու և, այսպես ասած, «դուխ» տվել նրանց:
«Պարզ է, որ իրենց դուխը տեղն է, քանի որ և՛ Էրդողանն է աջակցում, և՛ Ռուսաստանը, ու պարզ է, որ ամեն ինչ կարելի է սպասել: Հակարիի կամրջի դեպքը հենց այդ մասին է վկայում: Սակայն այս անգամ Հայաստանն ավելի ադեկվատ է պատասխանում և՛ դիվանագիտական մակարդակով, և՛ շատ կարևոր էր, որ Հակարիի կամրջի հետ կապված մեր սահմանապահները բացեցին կրակ: Նշանակություն չունի՝ ով էր ուղեկցում Ադրբեջանի այդ ահաբեկչական խմբին՝ Պակիստանի՞ խաղաղապահները, թե՞ Ռուսաստանի, կարևորը հոգեբանական պահն էր, և ես ողջունում եմ մեր սահմանապահներին»,- ասում է զրուցակիցը:
Գրիգորյանը նաև նկատում է՝ խաղաղության օրակարգից Հայաստանը չպետք է նահանջի այն բանի համար, որ Ադրբեջանին պետք է պատերազմ:
«Նրանք այսօր ունեն աջակցություն Թուրքիայից, Ռուսաստանից, Պակիստանից, այլ երկրներից, մենք միայնակ ենք: Ոչ մի դեպքում պետք չէ հետ կանգնել այդ օրակարգից, և հետո աշխարհը դա հասկանում է: Օրինակ, երբ Փաշինյանն ասաց, որ ճանաչում ենք Ադրբեջանի տարածքային ամբողջականությունը, աշխարհը հիմա ի՞նչ է ասում Ալիևին՝ չհասկացանք, այս մարդը համաձայնեց ձեր տարածքային ամբողջականությունը ճանաչելուն, ու ճնշում է գնում Ադրբեջանի վրա, քանի որ վերջինս չի համաձայնում նույնիսկ այդ պայմաններին: Ուրեմն առաջինը աշխարհի աչքերում իրենք սխալ են, երկրորդն էլ խաղաղության օրակարգը պետք է առաջ տանենք, բայց զուգահեռ պետք է նոր գործարաններ կառուցել, միջազգային տարբեր անցուդարձերին մասնակցել, նաև ռազմական ոլորտում տարբեր երկրների հետ համագործակցել»,- ասում է քաղաքագետը:
Հարցին՝ այս երկու գերտերություններին՝ Ռուսաստանին ու Թուրքիային ունենալով իր թիկունքում՝ Ադրբեջանին կարո՞ղ է զսպել միջազգային հանրությունը՝ Գրիգորյանը պատասխանում է, որ մասամբ կարող է:
«Ես կասկած չունեմ, որ Ադրբեջանը հիմա կսկսեր լայնամասշտաբ հարձակում Հայաստանի դեմ, որը զսպվում է մի պատճառով՝ Միացյալ Նահանգները, Ֆրանսիան, Եվրամիությունը, Գերմանիան զգուշացնում են հետևանքների մասին: Ալիևը մի քանի օր առաջ գնաց Գերմանիա, Շոլցը նրան երկար-բարակ բացատրում էր, որ պետք է հարգել հայերի իրավունքները ԼՂ-ում: Սառը ցնցուղ ասվածն էր դա Ադրբեջանի համար: Դա մեծ պատերազմի զսպիչ մեխանիզմ է, բայց փոքր հարձակումներ ու պրովոկացիաները Ադրբեջանը կշարունակի»,- կարծում է նա:
Հերմինե Կարապետյան
Աղբյուր՝ armtimes.com
Նմանատիպ Լուրեր
Ռուսաստանի դիրքորոշման լույսն ու ստվերը. եվրադիտորդների երկակի նշանակությունը
Ռուսաստանի դիրքորոշումն այդ առնչությամբ հայտնի է, այն առաքելության տեղակայումից ի վեր բարձրաձայնվել է մի քանի անգամ: Սակայն արդյո՞ք արժե վստահաբար պնդել, որ այն, ինչ բարձրաձայնվում է, արտացոլում է ամբողջական եւ խորքային մոտեցումը: Թե՞ «ժանրի կանոնի» համաձայն դժգոհելով այդ տեղակայումից, իրական քաղաքականության խորքային ռեժիմում Ռուսաստանը այդքան էլ դեմ չէ, որ Եվրամիությունն այդ կերպ հայտնվի Ադրբեջանին զսպելու հարցում պատասխանատվության տակ, ինչը Մոսկվան կարող է դիտարկել Կովկասում իր հանդեպ երկրորդ ճակատի հրահրման կանխարգելիչ գործոն:
Պուտինի ակնարկը եւ Բլինքենի զանգը
Հայտնի է դարձել, որ կայացել է պետքարտուղար Բլինքենի եւ Թուրքիայի արտգործնախարար Ֆիդանի հեռախոսազրույցը: Ֆիդանը, ինչպես թուրքական լրատվամիջոցներն են փոխանցում, Բլինքենին առաջարկել է օգտագործել Իսրայելի նկատմամբ ազդեցությունը, հասնել կրակի դադարեցման, որից հետո Իսրայելը պետք է նստի բանակցությունների սեղանի շուրջ «երկու պետություն սկզբունքով հարցը կարգավորելու համար»:
Ինչո՞ւ էր Թուրքիայի արտգործնախարարը մեկնել Բաքու»
Ինչպե՞ս է Թուրքիան պատկերացնում հայ-ադրբեջանական, հայ-թուրքական հարաբերությունների կարգավորումը:
Արևմուտքը հայտարարում է, որ Եվրոպայի սահմաններն ավարտվում են Հայաստանում․ միջազգայնագետ
Եթե մինչև վերջերս ժողովրդավարությունը և Եվրոպան ավարտվում էին Վրաստանում, ապա հիմա, Վրաստանին թեկնածուի կարգավիճակ շնորհելով, Արևմուտքը հայտարարում է, որ Եվրոպան ավարտվում է Հայաստանում։
Հնդկաստանը խառնում է Քաշմիրի կոնֆլիկտի խաղաքարտերը. ի՞նչ է պետք իմանալ
Քաշմիրի հակամարտության հիմնական կետերի համառոտ ակնարկը:
Կանադայի հայտարարությունը չպետք է անարձագանք թողել. Շահան Գանտահարյան
Կանադան ողջունում է երկու ադրբեջանցի և 32 հայ զինծառայողների ազատ արձակումը և դրական է գնահատում այն աջակցությունը, որ երկրները ցուցաբերել են միմյանց նկատմամբ միջազգային ատյաններում։
