Հայաստանը իր անկախության հռչակման մասին տեղեկացնում է Իրանին և 8 այլ պետությունների. 13 հունիս, 1918
1918 թվականի մայիսի 30-ին Թիֆլիսի Հայոց Ազգային խորհուրդը իրեն հռչակեց հայկական գավառների գերագույն և միակ իշխանություն: Հայտարարության մեջ չէր օգտագործվել անկախություն և հանրապետություն բառերը:
Առաջին պետությունը, որ ճանաչեց Հայաստանի Հանրապետությունը, Օսմանյան կայսրությունն էր: Բաթումի 1918 թվականի հունիսի 4-ի Հաշտության և բարեկամության պայմանագրով Օսմանյան կայսերական կառավարությունը ճանաչեց Հայաստանը:
Իսկ առաջին պետությունը, որին ծանուցվեց Հայաստանի անկախության մասին, Հայաստանի հարավային հարևան Պարսկաստանն էր, այսօրվա Իրանը:
1918 թվականի հունիսի 13-ին, Թիֆլիսի Հայոց Ազգային խորհրդի նախագահի, Հայկական Հանրապետության կառավարության նախագահի, արտաքին գործերի նախարարի և Ազգային խորհրդի քարտուղարի ստորագրությամբ ծանուցում ուղարկվեց Թիֆլիսում պարսից հյուպատոսին, որում ասվում էր.
Ձերդ Գերազանցություն,
Անդրկովկասյան Հանրապետության լուծարման հետևանքով Կովկասի Հայոց ազգային խորհրդի [1918թ] մայիսի 28-ի իր ժողովում, հայ ժողովրդի կողմից իրեն տրված լիազորությունների հիման վրա, որոշեց հռչակել հայկական պետության անկախությունը և հիմնել Հայկական Դեմոկրատական Հանրապետություն:
Հայաստանի Հանրապետության կառավարությունը պատիվ ունի այդ մասին հայտնել Ձերդ Գերազանցությանը և խնդրել այդ մասին տեղեկացնել Պարսկական կայսերական կառավարությանը:
Ձերդ Գերազանցությանը խնդրում ենք ընդունել մեր խորին հարգանքների հավաստիքը:
Հայոց Ազգային խորհրդի նախագահ
Հայկական Հանրապետության կառավարության նախագահ
Արտաքին գործերի նախարար
Ազգային խորհրդի քարտուղար
Հաղորդագրությունն ուղղված է՝
Շվեդիայի թագավորական կառավարությանը
Ավստրո-Հունգարիայի կայսերական կառավարությանը
Օսմանյան կայսերական կառավարությանը
Բուլղարիայի թագավորական կառավարությանը
Իսպանիայի թագավորական կառավարությանը
Դանիայի թագավորական կառավարությանը
Հոլանդիայի թագավորական կառավարությանը
Գերմանիայի կայսերական կառավարությանը:
Աղբյուրը՝ ՀԱԱ, ֆ. 200, ց. 1, գ. 23, թ. 166: Պատճեն: Մեքենագիր: Թարգմանություն ֆրանսերենից: Թվարկված պետություններին առանձին-առանձին ուղղված ծանուցումները՝ ՀԱԱ, ֆ. 200, ց. 1, գ. 35, թ. 1-10: «Հայաստանի անկախության հռչակումը և իշխանության կենտրոնական մարմինների ձևավորումը (1918թ. մայիս-հուլիս). փաստաթղթերի և նյութերի ժողովածու», Երևան, 2009, կազմող՝ Համո Սուքիասյան, էջ 76-77:
Լուսանկարում՝ տեսարան հին Թեհրանից
aniarc.am
Նմանատիպ Լուրեր
Հայությունը՝ Երիտթուրքերի ցույցերում
1908 թվականի Երիտթուրքական հեղափոխության օրերին արևմտահայությունը մասնակցում էր բազմահազարանոց ցույցերին «ազատություն, հավասարություն, եղբայրություն» կարգախոսներով:
1919-1920 թթ. Բաթում-Երևան «Կյանքի երկաթգիծը»
«Ազատության պաշտպան» զրահագնացքի բրիտանական զինվորական անձնակազմը, Երևան, 1920 թ.
Թուրքիայի դաշնակից ԱՄՆ-ն տապալում է Արևմտյան Հայաստանի վերադարձի ծրագիրը
Եվրոպական մեծ տերությունները և Թուրքիայի դաշնակից ԱՄՆ-ն տապալում են Արևմտյան Հայաստանի վերադարձի ծրագիրը։ ԱՄՆ-ի ու Թուրքիայի հարաբերություններում կային որոշակի կնճիռներ։ Այդ համատեքստում 2021-ին ԱՄՆ-ն ճանաչեց Հայոց ցեղասպանությունը, թեև գործնականում մեծ հաշվով դա ոչինչ չի տալիս Հայկական հարցին։
Հայ-ադրբեջանական կոնֆերանս․ Բաքու, 1919-ի դեկտեմբերի 14
Ադրբեջանի կողմից հայ-ադրբեջանական կոնֆերանսին կմասնակցեն Ֆաթալի Խան Խոյսկին, Մամեդ Հասան Հաջինսկին և Մամեդ Ռզա Վեքիլովը։
Հայերը, Թուրքիան, Ռուսաստանը եւ Արեւմուտքը. հայացք 1891 թվականից
Ներկայացնում ենք 1891 թվականի ապրիլին ամերիկյան The Atlantic Monthly ամսագրում հրապարակված Սեմյուել Գրին Ուիլեր Բենջամինի The Armenians and the Porte հոդվածի հայերեն թարգմանությունը:
Ալեքսանդր Սոլժենիցինի նոբելյան պատմությունը
Խորհրդային Միությունում Սոլժենիցինին Նոբելյան մրցանակ շնորհելը ռումբի պայթյունի էֆեկտ ունեցավ։ Շատերն անկեղծորեն ուրախացան ռուս վառ և ազնիվ գրողի համաշխարհային ճանաչման համար: Սակայն իշխանությունները և պաշտոնական գրական հանրությունը թշնամաբար են ընդունել Շվեդիայի ակադեմիայի որոշումը։ ԽՄԿԿ Կենտկոմը Նոբելյան մրցանակակրին վարկաբեկելու մի ամբողջ ծրագիր էր մշակել։
