Պեկինը, Թեհրանը եւ Էր Ռիադը համատեղ հայտարարություն են արել
Չինաստանի արտաքին գործերի փոխնախարար Դեն Լին ուրբաթ առաջին անգամ Պեկինում ընդունել է Իրանի արտաքին գործերի նախարարի քաղաքական հարցերի գծով տեղակալ Ալի Բաղերի Քանիին եւ Սաուդյան Արաբիայի արտաքին գործերի փոխնախարար Վալիդ բին Աբդուլքարիմ Էլ-Հերեյջին՝ երեք երկրների համատեղ կոմիտեի շրջանակում։
Կողմերն իրենց հայտարարությունում նշել են, որ համաձայն չեն պաղեստինցիների բռնի տեղահանմանը եւ ընդգծել են, որ «ցանկացած ապագա համաձայնագիր Պաղեստինի վերաբերյալ պետք է մարմնավորի ժողովրդի կամքը եւ պաշտպանի իր պետությունն ու ինքնորոշումը ստեղծելու իրավունքը»։
Դիվանագետները անհանգստություն են հայտնել Գազայի աղետալի իրավիճակի հետ կապված։
Երեք երկրների ներկայացուցիչները պայմանավորվել են, որ հաջորդ հանդիպումը տեղի կունենա հունիսին Սաուդյան Արաբիայում։
Նրանք քննարկել են առաջընթացը Սաուդյան Արաբիայի եւ Իրանի հարաբերություններում, ներառյալ Էր Ռիադում եւ Թեհրանում դեսպանությունների աշխատանքի վերականգնումը։
Իրանցի ու սաուդցի դիվանագետները երախտագիտություն են հայտնել Չինաստանին Թեհրանի եւ Էր Ռիադի մերձեցման գործում իր ազդեցիկ դերի համար եւ հաստատել իրենց կողմնակցությունը Պեկինի համաձայնագրի կատարմանը։
Նմանատիպ Լուրեր
Ստամբուլն աշխարհի ամենահարուստ քաղաքների ցանկում 51-րդն է
Միջազգային «Henley & Partners» խորհրդատվական ընկերությունը հրապարակել է 2023-ին աշխարհի ամենահարուստ քաղաքների ցանկը:
Մեքսիկայում զինված հարձակման հետևանքով առնվազն 12 մարդ է զոհվել
Մեքսիկայի Սալվատիերա քաղաքի հյուրանոցներից մեկի վրա զինված հարձակման հետևանքով առնվազն 12 մարդ է զոհվել, ևս 11-ը` վիրավորվել։ Այս մասին հաղորդում է «Արմենպրես»-ը՝ վկայակոչելով El Universal պարբերականի հրապարակումը։
Մոսկվայում գումարվել է ԱՊՀ կառավարությունների ղեկավարների նիստը. վարչապետ Նիկոլ Փաշինյանը ներկա չէ
Մոսկվայում ընթանում է Անկախ Պետությունների Համագործակցության (ԱՊՀ) կառավարությունների ղեկավարների խորհրդի նիստը։
Գնդակոծվել է Գազայի միակ կաթոլիկ ծուխը, վնասվել է Մայր Թերեզայի քույրերի տունը
Հռոմի Ֆրանցիսկոս Պապը Սուրբ Պետրոսի հրապարակում իր ավանդական կիրակնօրյա քարոզի ժամանակ հայտնել է, թե ինչ է տեղի ունեցել նախօրեին Գազայի միակ լատինական ծխում։ Ըստ Պապի, նախօրեին այն պաշարվել էր իսրայելական զինվորականների կողմից՝ պատրվակով, որ այնտեղ հրթիռների արձակման կայան կա:
Նախագահ Վահագն Խաչատուրյանը հանդիպել է Ուրուգվայի նախագահ Լուիս Լակալե Պոուի հետ
Ուրուգվայի Արևելյան Հանրապետության նախագահ Լուիս Լակալե Պոուն իր կեցավայրում հանդիսավոր կերպով ընդունել է պաշտոնական այցով Ուրուգվայում գտնվող նախագահ Վահագն Խաչատուրյանին:
COP28-ի մասնակից երկրները հանածո վառելիքից «հեռանալու» մասին «պատմական» փաստաթուղթ են ստորագրել
Գրեթե 200 երկրների ներկայացուցիչներ ՄԱԿ-ի Կլիմայի փոփոխության 28-րդ համաժողովին (COP28) համաձայնության են եկել սկսել հանածո վառելիքի համաշխարհային սպառման նվազեցումը՝ կլիմայի փոփոխությունը կանխելու համար։