Արցախում ապրում է մեր բնակչության մի զգալի մասը, ինչպես դուք եք սիրում նշել, 120 հազար հայորդիներ։ Ի՞նչ է նշանակում՝ Արցախը մերն է, մերն է, քանի մեր ժողովուրդը այնտեղ ապրում է, այ, երբ չապրի, այն ժամանակ դժվար է ասել՝ ումն է Արցախը»: 

 

Այս մասին այսօր լրագրողների հետ զրույցում ասաց Պաշտպանության և անվտանգության մշտական հանձնաժողովի նախագահ Անդրանիկ Քոչարյանը։

 

 

Դիտարկմանը՝ ընդդիմությունը պնդում է, որ ՀՀ-ն, ճանաչելով Ադրբեջանի տարածքային ամբողջականությունը, հրաժարվում է ԼՂ-ից, պատգամավորը նշեց. «Ընդդիմության տեսակետը ես չեմ մեկնաբանի, կուզեի, որ ընդդիմությունը գար ու այսօր մասնակցեր մեր աշխատանքին, հայտարարել են, որ ամսի 20-ին գնում են Կոռնիձոր, չգիտեմ՝ ինչ անեն»:

Ըստ նրա՝ մենք պետք է արձանագրենք, որ ընթանում են բանակցություններ, երբ վերջում կհրապարակվի ամբողջ բանակցությունների տրամաբանությունը ու քայլերի հաջորդականությունը, այն ժամանակ կասենք՝ ինչն է արձանագրվել, ինչը՝ ոչ։

«Այսօր պետք է արձանագրենք, որ Ադրբեջանը պետք է ճանաչի ՀՀ-ի տարածային ամբողջականությունը, մենք էլ՝ իրենցը։ Բայց այնտեղ գտնվում է նաև ԼՂ-ն, որն իր կյանքը կառուցել է՝ ելնելով իր հռչակած չափորոշիչներից»,- նկատեց Քոչարյանը:

 

 

Աղբյուր՝ armtimes.com