Apple-ը դադարեցնում է իր արտադրանքի վաճառքը Ռուսաստանում և սահմանափակում է ծառայությունների գործունեությունը։ Այս մասին ասվում է ընկերության երեքշաբթի օրը տարածած հաղորդագրության մեջ։

«Մենք դադարեցրել ենք մեր բոլոր ապրանքների վաճառքը Ռուսաստանում: Անցյալ շաբաթ մենք դադարեցրինք բոլոր արտահանումները երկրում մեր դիստրիբյուտորներին: Apple Pay-ի և այլ ծառայությունների օգտագործումը սահմանափակ է: RT News և Sputnik News հավելվածներն այլևս հասանելի չեն ներբեռնման համար»,- ասվում է հաղորդագրությունում:

Ինչպես հայտնում է ՏԱՍՍ-ը, Apple-ը Ռուսաստանում իր պաշտոնական կայքում փակել է ապրանքներ գնելու հնարավորությունը։ «Առաքում» սյունակի բոլոր ապրանքները նշված է «ներկայումս անհասանելի»:

Այս պահին պաշտոնական կայքում հնարավոր չէ պատվիրել iPhone, iPad, MacBook, Apple Watch, AirPods և խելացի տան արտադրանք։

Փետրվարի 24-ին ԱՄՆ-ը խստացրել է Ռուսաստանի համար միկրոէլեկտրոնիկայի, ինչպես նաև ամերիկյան տեխնոլոգիայի օգտագործմամբ ավիացիոն սարքավորումների և ինքնաթիռների մասերի արտահանման թույլտվություններ ստանալու կանոնները՝ կապված Ուկրաինայում հատուկ ռազմական գործողության մեկնարկի հետ։

Աղբյուր՝ armradio.am