Բաքուն ու Անկարան կփորձեն համոզել Թբիլիսիին՝ ընդդեմ Փարիզի ու Երեւանի
Բաքվում քննարկվելու են անվտանգության գործակցությանն առնչվող հարցեր: Կասկախից վեր է, որ Բաքվի հանդիպմանն այդ հարցերի շարքում է լինելու Հայաստան ֆրանսիական ռազմական մատակարարումների հարցը: Ֆրանսիան Հայաստանի հետ կնքեց մտադրությունների մասին համաձայնագիր եւ արդեն Երեւան է ուղարկել Բաստիոն տիպի զրահամեքենաներ, նաեւ ծրագրում է մատակարարել ՀՕՊ համակարգ:
Վրաստանն այստեղ առանցքային օղակ է, քանի որ այդ մատակարարումները անհնար են առանց Վրաստանի համաձայնության: Ինչպես հայտնի է, Ադրբեջանն արդեն իսկ արտահայտել է իր դժգոհությունը, ինչին Վրաստանի արտգործնախարար Դարչիաշվիլին պատասխանել է, որ Թբիլիսին իր տարանցիկ հնարավորությունը հավասարապես տրամադրում է թե Երեւանին, թե Բաքվին՝ միջազգային իրավունքին չհակասող ռազմական գնումների եւ մատակարարումների համար: Միեւնույն ժամանակ հիշարժան է, որ 44-օրյա պատերազմի ընթացքում Վրաստանն այդ հնարավորությունը այսպես ասած՝ այնքան էլ հավասար չի ապահովել եւ Ադրբեջանի համար եղել են «ավելի հավասար» պայմաններ: Այդուհանդերձ, հաշվի առնելով իհարկե մի շարք նրբություններ, Երեւանն այդ հարցը չդարձրեց Վրաստանի հետ հարաբերության սրման առիթ:
Ադրբբեջանն ու Թուրքիան անկասկած կփորձեն իրենց ազդեցությունն օգտագործել, որպեսզի Թբիլիսին այդուհանդերձ չլինի Հայաստանի համար ռազմական մատակարարումների այսպես ասած հուսալի տարանցիկ ճանապարհ: Ինքնին այն մատակարարումները, որ արվել են Ֆրանսիայից Հայաստան՝ Ադրբեջանի համար խնդիր չեն, դրանք թե իրենց տեսակով, թե քանակով այնպիսին չեն, որ էապես ազդեն ռազմա-տեխնիկական հարաբերակցության այն «անհավասարակշռության» վրա, որ կա հօգուտ Ադրբեջանի: Միեւնույն ժամանակ սակայն, Բաքուն ու Անկարան խնդիրը դիտարկելու են ոչ թե ներկայիս ծավալների, այլ հետագա հնարավոր հեռանկարի համատեքստում:
Եթե Ֆրանսիան ունի Կովկասում իր խաղային դիրքը ամրացնելու հեռահար նպատակ, ապա կասկածից վեր է, որ ժամանակի ընթացքում պետք է շոշափելիորեն լրջացնի Հայաստանին ռազմական մատակարարումների թե ծավալը, թե նաեւ որակը, տեսակը: Իսկ դրա համար Փարիզին անհրաժեշտ է ապահովել Վրաստանի տարանցիկության կայունություն ու հուսալիություն: Բաքուն ու Անկարան կանեն առավելագույնը, դա թույլ չտալու համար եւ կասկածից վեր է, որ այդ աշխատանքը լինելու է Բաքվում պաշտպանության նախարարների եռակողմ հանդիպմանը նրանց նպատակներից մեկը:
1in.am
Հեղինակ՝ ՀԱԿՈԲ ԲԱԴԱԼՅԱՆ
Նմանատիպ Լուրեր
Ռուսաստանի դիրքորոշման լույսն ու ստվերը. եվրադիտորդների երկակի նշանակությունը
Ռուսաստանի դիրքորոշումն այդ առնչությամբ հայտնի է, այն առաքելության տեղակայումից ի վեր բարձրաձայնվել է մի քանի անգամ: Սակայն արդյո՞ք արժե վստահաբար պնդել, որ այն, ինչ բարձրաձայնվում է, արտացոլում է ամբողջական եւ խորքային մոտեցումը: Թե՞ «ժանրի կանոնի» համաձայն դժգոհելով այդ տեղակայումից, իրական քաղաքականության խորքային ռեժիմում Ռուսաստանը այդքան էլ դեմ չէ, որ Եվրամիությունն այդ կերպ հայտնվի Ադրբեջանին զսպելու հարցում պատասխանատվության տակ, ինչը Մոսկվան կարող է դիտարկել Կովկասում իր հանդեպ երկրորդ ճակատի հրահրման կանխարգելիչ գործոն:
Պուտինի ակնարկը եւ Բլինքենի զանգը
Հայտնի է դարձել, որ կայացել է պետքարտուղար Բլինքենի եւ Թուրքիայի արտգործնախարար Ֆիդանի հեռախոսազրույցը: Ֆիդանը, ինչպես թուրքական լրատվամիջոցներն են փոխանցում, Բլինքենին առաջարկել է օգտագործել Իսրայելի նկատմամբ ազդեցությունը, հասնել կրակի դադարեցման, որից հետո Իսրայելը պետք է նստի բանակցությունների սեղանի շուրջ «երկու պետություն սկզբունքով հարցը կարգավորելու համար»:
Ինչո՞ւ էր Թուրքիայի արտգործնախարարը մեկնել Բաքու»
Ինչպե՞ս է Թուրքիան պատկերացնում հայ-ադրբեջանական, հայ-թուրքական հարաբերությունների կարգավորումը:
Արևմուտքը հայտարարում է, որ Եվրոպայի սահմաններն ավարտվում են Հայաստանում․ միջազգայնագետ
Եթե մինչև վերջերս ժողովրդավարությունը և Եվրոպան ավարտվում էին Վրաստանում, ապա հիմա, Վրաստանին թեկնածուի կարգավիճակ շնորհելով, Արևմուտքը հայտարարում է, որ Եվրոպան ավարտվում է Հայաստանում։
Հնդկաստանը խառնում է Քաշմիրի կոնֆլիկտի խաղաքարտերը. ի՞նչ է պետք իմանալ
Քաշմիրի հակամարտության հիմնական կետերի համառոտ ակնարկը:
Կանադայի հայտարարությունը չպետք է անարձագանք թողել. Շահան Գանտահարյան
Կանադան ողջունում է երկու ադրբեջանցի և 32 հայ զինծառայողների ազատ արձակումը և դրական է գնահատում այն աջակցությունը, որ երկրները ցուցաբերել են միմյանց նկատմամբ միջազգային ատյաններում։