Թուրքիան մերժե՞լ է Բլինքենին
Թուրքական լրատվամիջոցները հայտնում են, որ ԱՄՆ պետքարտուղար Էնթոնի Բլինքենին Անկարայի օդանավակայանում ոչ մի բարձրաստիճան պաշտոնյա չի դիմավորել: Այցի նախօրեին Թուրքիայում կազմակերպվել են զանգվածային ցույցեր, ցուցապաստառներից մեկը «Բլինքեն, դու մանկասպան ես» գրությամբ էր: Մամուլն ուշադրություն է դարձել տեսագրությանը, որտեղ Թուրքիայի արտգործնախարար Ֆիդանը պարզորոշ խուսափում է Բլինքենի հետ գրկախառնությունից եւ բավարարվում արարողակարգային ձեռքսեղմումով: Ֆիդան-Բլիքեն բանակցությունները նախ դեմ առ դեմ, ապա պատվիրակությունների կազմով տեւել են երկուսուկես ժամ:
Դիտորդներն առանձնակի ուշադրություն են դարձել փաստին, որ բանակցություններից հետո համատեղ մամուլի ասուլիս չի կազմակերպվել: Առանձնակի հետաքրքրության տեղիք է տվել Հաքան-Բլինքեն դեմ առ դեմ բանակցություններից լուսանկարը, որտեղ սեղանի «թուրքական» հատվածում նկատվել է Երուսաղեմի Ալ-Ակսա մզկիթի մանրակերտը՝ կիսալուսնի խորհրդանշանով հանդերձ: Ի՞նչ են քննարկել կողմերը՝ առայժմ որեւէ տեղեկատվություն հայտնի չէ: Ըստ երեւույթին, ԱՄՆ պետքարտուղարի հանդիպում Թուրքիայի նախագահի հետ ծրագրված չէ:
Բանակցություններից հետո Էնթոնի Բլինքենի միակ հայտարարությունը, որ փոխանցել են թուրքական լրատվամիջոցները, Գազայի հատվածում պահվող պատանդների մասին է: Պետքարտուղարն ասել է, որ ՆԱՏՕ-ի անդամ բոլոր երկրները պետք է աջակցեն նրանց ազատ արձակմանը: Թուրքիան ՆԱՏՕ-ի անդամ է: Եւ եթե ԱՄՆ պետքարտուղարը նման միտք հնչեցրել է Անկարայում, Հյուսիս-ատլանտյան դաշինքի անդամ երկրի արտաքին գործերի նախարարի հետ երկուսուկես ժամ տեւած բանակցություններից հետո, ապա, թերեւս, ենթադրելի է, որ նա փորձել է պատանդների ազատ արձակման հարցում հասնել Թուրքիայի միջամտությանը, բայց Անկարան միանշանակ աջակցություն չի հայտնել:
Հեղինակ՝ Վահրամ Աթանեսյան
Աղբյուր՝ 1in.am
Նմանատիպ Լուրեր
Ռուսաստանի դիրքորոշման լույսն ու ստվերը. եվրադիտորդների երկակի նշանակությունը
Ռուսաստանի դիրքորոշումն այդ առնչությամբ հայտնի է, այն առաքելության տեղակայումից ի վեր բարձրաձայնվել է մի քանի անգամ: Սակայն արդյո՞ք արժե վստահաբար պնդել, որ այն, ինչ բարձրաձայնվում է, արտացոլում է ամբողջական եւ խորքային մոտեցումը: Թե՞ «ժանրի կանոնի» համաձայն դժգոհելով այդ տեղակայումից, իրական քաղաքականության խորքային ռեժիմում Ռուսաստանը այդքան էլ դեմ չէ, որ Եվրամիությունն այդ կերպ հայտնվի Ադրբեջանին զսպելու հարցում պատասխանատվության տակ, ինչը Մոսկվան կարող է դիտարկել Կովկասում իր հանդեպ երկրորդ ճակատի հրահրման կանխարգելիչ գործոն:
Պուտինի ակնարկը եւ Բլինքենի զանգը
Հայտնի է դարձել, որ կայացել է պետքարտուղար Բլինքենի եւ Թուրքիայի արտգործնախարար Ֆիդանի հեռախոսազրույցը: Ֆիդանը, ինչպես թուրքական լրատվամիջոցներն են փոխանցում, Բլինքենին առաջարկել է օգտագործել Իսրայելի նկատմամբ ազդեցությունը, հասնել կրակի դադարեցման, որից հետո Իսրայելը պետք է նստի բանակցությունների սեղանի շուրջ «երկու պետություն սկզբունքով հարցը կարգավորելու համար»:
Ինչո՞ւ էր Թուրքիայի արտգործնախարարը մեկնել Բաքու»
Ինչպե՞ս է Թուրքիան պատկերացնում հայ-ադրբեջանական, հայ-թուրքական հարաբերությունների կարգավորումը:
Արևմուտքը հայտարարում է, որ Եվրոպայի սահմաններն ավարտվում են Հայաստանում․ միջազգայնագետ
Եթե մինչև վերջերս ժողովրդավարությունը և Եվրոպան ավարտվում էին Վրաստանում, ապա հիմա, Վրաստանին թեկնածուի կարգավիճակ շնորհելով, Արևմուտքը հայտարարում է, որ Եվրոպան ավարտվում է Հայաստանում։
Հնդկաստանը խառնում է Քաշմիրի կոնֆլիկտի խաղաքարտերը. ի՞նչ է պետք իմանալ
Քաշմիրի հակամարտության հիմնական կետերի համառոտ ակնարկը:
Կանադայի հայտարարությունը չպետք է անարձագանք թողել. Շահան Գանտահարյան
Կանադան ողջունում է երկու ադրբեջանցի և 32 հայ զինծառայողների ազատ արձակումը և դրական է գնահատում այն աջակցությունը, որ երկրները ցուցաբերել են միմյանց նկատմամբ միջազգային ատյաններում։