Կարծում եմ՝ բարդ և դիտարժան հանդիպումներ են սպասվում․ Զորիկ Իսաջանը՝ Հայաստանի հավաքականի շանսերի մասին
Բասկետբոլի մինչև 16 տարեկան տղաների Հայաստանի հավաքականը պատրաստվում է հուլիսի 19-27-ը Կոսովոյում կայանալիք Եվրոպայի C դիվիզիոնի առաջնությանը: Այժմ բասկետբոլիստները Զորիկ Իսաջանու գլխավորությամբ ուսումնամարզական հավաք են անցկացնում Օլիմպավանում: ՀԲՖ մամուլի քարտուղարության հետ զրույցում մարզիչը խոսել է թիմի պատրաստվածության և հնարավորությունների մասին:
«Այժմ բոլոր ջանքերը ներդնում ենք, որպեսզի հնարավորինս լավ ներկայանանք առաջիկա առաջնությանը: Ներկա պահին մի փոքր բարդ է ընթանում աշխատանքը, քանի որ մի քանի հայ խաղացողներ մեզ միացել են արտերկրից, և կա հարմարվելու խնդիր: Պետք է քրտնաջան աշխատել, որպեսզի տեղացի խաղացողների հետ համագործակցությունը լավ ընթանա, և արդյունքում տեսնենք թիմային խաղ:
Այս փուլում ընկերական հանդիպումներ կանցկացնենք մեր իրական հնարավորությունները գնահատելու համար: Հուսով եմ՝ հնարավորինս արագ կկարողանանք թիմը հասցնել բարձր մակարդակի:
Մրցելու ենք Ալբանիայի, Կիպրոսի, Սան Մարինոյի և Ադրբեջանի հավաքականների հետ: Չեմ կարող այս պահին գնահատել այդ թիմերի հնարավորությունները, քանի որ ամեն տարի այդ հավաքականները ներկայանում են նոր և փոփոխված կազմով: Կարծում եմ՝ բարդ և դիտարժան հանդիպումներ են սպասվում:
Տրամադրվածությունը մարտական է: Մեզ համար կարևոր է հաղթել բոլոր խաղերում: Մեր նպատակն է չեմպիոն դառնալ կամ կրկնել նախորդ տարվա արդյունքը»,- ասաց Զորիկ Իսաջանին:
Նշենք, որ նախորդ տարի Մ16 տղաների Հայաստանի հավաքականը դարձել էր Եվրոպայի C դիվիզիոնի փոխչեմպիոն:
Նմանատիպ Լուրեր
ՈՒԵՖԱ Ֆուտզալի Չեմպիոնների Լիգայի եզրափակիչը՝ Երևանում
Հայաստանի ֆուտբոլի ֆեդերացիայի հայտը հաղթող է ճանաչվել Հունաստանի, Լիտվայի, Լեհաստանի, Իսպանիայի և Շվեյցարիայի ֆուտբոլի ֆեդերացիաների հետ մրցակցությունում:
Վահան Բիչախչյանը կարող է հեռանալ «Պոգոնից»
Հայաստանի հավաքականի կիսապաշտպան Վահան Բիչախչյանն այս ձմռանը, ամենայն հավանականությամբ, կհեռանա լեհական «Պոգոնից»։
ՈՒԵՖԱ Ֆուտզալի Չեմպիոնների Լիգայի եզրափակիչը կանցկացվի Երևանում
ՈՒԵՖԱ-ի Գործադիր կոմիտեի որոշմամբ Հայաստանի ֆուտբոլի ֆեդերացիան կհյուրընկալի ՈՒԵՖԱ Ֆուտզալի Չեմպիոնների Լիգայի 2024 թվականի եզրափակիչը:
Հրաձգության Հայաստանի երիտասարդական առաջնության հաղթողներն ու մեդալակիրները
Անցկացվել է հրաձգության Հայաստանի երիտասրդների առաջնությունը։ Մասնակցել են Երևանի հրաձգության մանկապատանեկան մարզադպրոցի, Գյումրու եւ Վանաձորի թիմերը, հաղորդում է ՀՀՖ-ի մամուլի ծառայությունը։
Ֆուտզալի Հայաստանի հավաքականը հաղթել է վրացիներին․ ԱԱ
Ֆուտզալի Հայաստանի հավաքականն առաջին հաղթանակը տարավ աշխարհի առաջնության որակավորման փուլի էլիտ ռաունդում` ընդհատելով 4 պարտությունից բաղկացած շարքը։
Հրանտ-Լեոն Ռանոսը խաղաժամանակ է ստացել «Բորուսիայում»
Հրանտ-Լեոն Ռանոսը խաղաժամանակ է ստացել «Բորուսիայում»:
