Այսօր լեգենդար հայ մարզիկ, սուզալողի աշխարհի 11-ակի ռեկորդակիր, աշխարհի և ԽՍՀՄ բազմակի չեմպիոն Շավարշ Կարապետյանի ծննդյան 70 ամյակն է:

 

 

Նա անգամներ մոռանալով սեփական անձը՝ իր մարզական կարիերայի հաշվին փրկել է բազմաթիվ մարդկանց կյանքեր: Կարծես սխրագործությունը նրա կյանքի անբաժանելի մասնիկը լիներ:

 

1974 թվականի հունվարի 8-ին Շավարշ Կարապետյանը Ծաղկաձորի սպորտային բազայից ավտոբուսով վերադառնում էր Երևան։ Ավտոբուսում այդ պահին գտնվում էին երեսունից ավելի ուղևորներ՝ ներառյալ մարզիկներ։ Վերելքի վրա վարորդը, նկատելով շարժիչի անսարքություն, ստիպված կանգնեցնում է մեքենան և դուրս գալիս։ Նույն պահին անկառավարելի ավտոբուսը շարժվում է տեղից։ Վարորդի բացակայությունը առաջինը նկատում է Կարապետյանը, ով ամենից մոտն էր նստած վարորդին։ Փորձելով կանգնեցնել ավտոբուսը և կանխել դրա անկումը ձորի մեջ՝ Շավարշը արմունկով ջարդում է վարորդի խցիկի ապակյա պատը և կտրուկ ուղղում է ավտոբուսը դեպի սար։

 

 

Այդ դեպքից երկու տարի անց 1976-ին, փրկել է Երևանյան լիճը ընկած տրոլեյբուսի ուղևորներին։ Դեպքի պահին նա ավարտում էր ամենօրյա 20 կմ վազքը և, տեսնելով կատարվածը, անմիջապես նետվում է 12 աստիճան տաքություն ունեցող ջուրը օգնություն ցույց տալու խեղդվող մարդկանց։ Նրան օգնել է եղբայրը՝ Կամո Կարապետյանը։ 10 մետր խորության վրա, զրոյական տեսանելիության պայմաններում Շավարշ Կարապետյանը ոտքերով կոտրել է տրոլեյբուսի հետին ապակին և մեկ առ մեկ դուրս բերել 46 ուղևորի, որոնցից միայն ողջ են մնացել 20-ը։

 

Իր անձնվեր քայլի հետեւանքով Շավարշը վարակվեց թոքաբորբով, իսկ կոտրված ապակուց առաջացած վերքերը հանգեցրին արյան վարակման։ Մի քանի շաբաթ նա ծանր դրությամբ պառկեց հիվանդանոցում, սակայն, ի վերջո, կազդուրվեց։ Բժշկի խոսքերով՝ նա ապրեց միայն իր բացառիկ ֆիզիկական մարզվածության շնորհիվ։

 

1985 թ. փետրվարի 15-ին Կարապետյանն առաջիններից է լինում, որ օգնության է հասնում հրշեջներին՝ Երևանի Կարեն Դեմիրճյանի անվան մարզահամերգային համալիրի հրդեհի մարման ժամանակ։ Փրկարարական գործողությունների ընթացքում նա վնասվածքներ և այրվածքներ է ստանում։

 

Կարապետյանի վնասվածքները նրան թույլ չտվեցին շարունակել մարմնամարզիկի իր կարիերան, եւ նա ստիպված եղավ թողնել սպորտը։ Տարիներ անց, քաղաքում քայլելիս նա տեսնում է այրվող մի շենք եւ, առանց հապաղելու, կրկին նետվում օգնության եւ փրկում բազմաթիվ բնակիչների։ Այս անգամ էլ նա կրկին վերքեր է ստանում եւ հոսպիտալացվում։

 

 

2014 թ. Օլիմպիական խաղերի կրակի վազարշավի տասը ջահակիրներից մեկը Շավարշ Կարապետյանն էր։

 

Նրա անունով կոչվել է աստերոիդ (3027 Շավարշ)։ Ռուսաստանի Ռիբինսկ քաղաքում Շավարշ Կարապետյանի անվան սուզալողի մրցումներ են անցկացվում։