«Քաղաքացիական պայմանագիր» խմբակցության պատգամավոր Անդրանիկ Քոչարյանը, հղում անելով Վլադիմիր Վարդանյանի հարցին, ասաց. «Նա շատ լավ հարց տվեց՝ ի վերջո հայերենով պարզ բացատրեք՝ ինչ եք ուզում, որովհետև իրավական ձևակերպումներով մեր հասարակության համար այդպես էլ պարզ չդարձավ, թե խնդիրը ինչն է: Ես էլ ասեցի, որ խնդիրը Սեդա Սաֆարյանն է, որովհետև Սեդա Սաֆարյանի գործունեությունը շարունակում է հանգիստ չտալ «Հայաստան» խմբակցության լիդեր Ռոբերտ Քոչարյանին: Հարցը հիմա քննարկվում է, որպեսզի Ռոբերտ Քոչարյանի հոգու հանգստությունը բավարար լինի»:

«Վահագն Ալեքսանյանի հարցին էլ՝ Ռոբերտ Քոչարյանը առողջ է, թե ոչ, Արծվիկ Մինասյանը պատասխանեց, որ նա լիարժեք առողջ է, երբ  որ պրոֆեսոր Չարչյանի տված տեղեկանքներով նա ունեցել է բազմաթիվ հիվանդություններ: Ես կարծում եմ, որ դատախազությունը ինչ-որ ձևով պետք է սրան արձագանքի»,- ասաց Անդրանիկ Քոչարյանը:

Նա տեղեկացրեց նաև, որ ենթասպան հայտնաբերվել է՝ ի հեճուկս ընդդիմության և նրանց լրատվամիջոցների «բայղուշության»:
Հիշեցնենք, որ այսօր՝  մարտի 22-ին, ԱԺ հերթական նիստում «Հայաստան» խմբակցությունը հանդես է եկել ՍԴ դատավոր Սեդա Սաֆարյանի լիազորությունները դադարեցնելու նախաձեռնությամբ:

 

 

Աղբյուր՝ civic.am