Դիվանագետ Գառնիկ Բադալյանի «Իրան. հանրագիտարան»-ը՝ սեղանի գիրք
«Իրան. հանրագիտարան» հատորը ընդգրկում է 1800 բառ-հոդված, շուրջ 1200 նկար և քարտեզ, որոնք ներկայացնում են հնագույն երկրի պատմության բոլոր շրջանները, Իրանի և իրանական բարձրավանդակի աշխարհագրությունը, բնությունն ու բնական հարստությունները, գրականությունն ու ճարտարապետությունը, լեզուն ու կրոնը:
Հայաստանի փորձառու դիվանագետներից իրանագետ-բանասեր Գառնիկ Բադալյանի 880 էջանոց «Իրան. հանրագիտարան» արժեքավոր հատորը, որը սեղանի գիրք կարող է լինել բոլոր նրանց համար, ովքեր ուզում են հասկանալ Հայաստանի հարավային հարևանին, նրա քաղաքականությունը, մշակույթը, տնտեսությունը ու գրեթե ամեն բան, ինչ վերաբերում իսլամական հանրապետությանը, հայ-իրանական հարաբերություններին, իրանահայությանը:
«Իրան. հանրագիտարան» հատորը ընդգրկում է 1800 բառ-հոդված, շուրջ 1200 նկար և քարտեզ, որոնք ներկայացնում են հնագույն երկրի պատմության բոլոր շրջանները, Իրանի և իրանական բարձրավանդակի աշխարհագրությունը, բնությունն ու բնական հարստությունները, գրականությունն ու ճարտարապետությունը, լեզուն ու կրոնը:
Անկախության առաջին օրվանից՝ 1991-ից Հայաստանի արտգործնախարարության դիվանագետ Գառնիկ Բադալյանը, ով երկար ժամանակահատված եղել է ԻԻՀ-ում Հայաստանի դեսպանության արտակարգ դեսպանորդ և լիազոր նախարար, «Իրան. հանրագիտարան»-ում առանձին ներկայացնում է հայ-իրանական հարաբերությունների բոլոր ժամանակաշրջաններին և բնագավառներին վերաբերող հոդվածներ:
Բադալյանը, որ տիրապետում է պարսկերենին, անգլերենին և ռուսերենին, հատորը կազմելու տարիներին օգտվել է բազմաթիվ ու բազմալեզու աղբյուրներից, այդ թվում՝ տարբեր հանրագիտարաններ, կենսագրական, տեղեկատվական ու բացատրական բառարաններ, ամսագրեր, թերթեր, ալբոմներ:
Հատորի հրատարակությունը 500 օրինակ տպաքանակով հնարավոր է դարձել բարերարներ Լևոն Ահարոնյանի, Ռուզաս Մարգարյանի, Պարթև Սաբագոլյանի, Թեհրանի «Նայիրի» հրատարակչության շնորհիվ:
Ի դեպ, Թեհրանում լույս է տեսել Բադալյանի հեղինակած՝ Հայաստան-Իրան հարաբերություններին նվիրված գիրքը Գարուն Սարգսյանի և Խոսրավ Թուրաջի պարսկերեն թարգմանությամբ: Գիրքը 500 օրինակով հրատարակել է Իրանի արտգործնախարարության միջազգային և քաղաքական հետազոտությունների կենտրոնը:
Ստորև՝ Գառնիկ Բադալյանի արժեքավոր հոդվածը Հայաստան-Պարսկաստան հարաբերությունների վերաբերյալ 1918-1922 թթ.
http://www.aniarc.am/2017/07/29/armenia-iran-1918-1922-garnik-badalyan/
aniarc.am
Նմանատիպ Լուրեր
«Արմատ» հայկական կարճամետրաժ մուլտֆիլմը՝ «Օսկարի» հավակնորդ․ The Hollywood Reporter
The Hollywood Reporter-ը նշել է 15 անիմացիոն կարճամետրաժ ֆիլմերից մեկը՝ ARMAT-ը կարող է արժանանալ Օսկարի։
Պեկինում անցկացվում է Խաչատրյանի անվան միջազգային մրցույթ
Չինաստանի մայրաքաղաք Պեկինում դեկտեմբերի 17-ին մեկնարկել է Խաչատրյանի անվան միջազգային հոբելյանական մրցույթը՝ «ջութակ» մասնագիտական կարգում։ Այն նվիրված է Արամ Խաչատրյանի 120-ամյա հոբելյանին։
Հայաստանում NETFLIX-ի համար ֆիլմեր ու սերիալներ կնկարահանվեն
Հայաստանում NETFLIX-ի համար ֆիլմեր ու սերիալներ կնկարահանվեն։
Գյումրու դարբնության ավանդույթը ՅՈՒՆԵՍԿՕ-ի ոչ նյութական մշակութային ժառանգության ներկայացուցչական ցանկում է
Դարբին Գարիկն ասում է, թե իրեն հարցնեն Գյումրու դարբնության ավանդույթում ինչն է ամենակարևորը, երևի կպատասխանի, որ․ «Ամեն գործդ կմտածես ընպես սարքես, որ բոլորի դուրն էլ գա, բայց առաջինը քո դուրը գա։ Էս գործը հա՛մ արհեստ է, հա՛մ արվեստ է, մենակ ուժով չի, պետք ա ուղեղ էլ ունենաս ու սիրտ»։
ՅՈՒՆԵՍԿՕ-ն կաջակցի Տաթևի և Մեծ անապատ վանական համալիրների եռաչափ լազերային սկանավորմանն ու թվայնացմանը
ՅՈՒՆԵՍԿՕ-ի կողմից հաստատված դրամաշնորհը կազմում է շուրջ 55․000 ԱՄՆ դոլար, որով նախատեսվում է իրականացնել Տաթևի և Տաթևի Մեծ անապատ վանական համալիրների կազմի մեջ մտնող բոլոր կառույցների, ենթահուշարձանների եռաչափ լազերային սկանավորում և մանրամասն թվայնացում, կառավարման և ռիսկերի նվազեցման համապատասխան ծրագրերի կազմում, միջազգային փորձագետների խորհրդատվություն, պետական հաշվառման փաստաթղթերի լրամշակում, որոնց հիման վրա կպատրաստվի և ՅՈՒՆԵՍԿՕ կներկայացվի հուշարձանախումբը «Զինված հակամարտությունների պայմաններում մշակութային արժեքների պաշտպանության կոնվենցիա»-ի հովանու ներքո առնելու հայտը։
45 տարի անց Գյումրիում ցուցադրության են ներկայացվել Մինաս Ավետիսյանի գործերը
45 տարի անց Գյումրիում ցուցադրության են ներկայացվել ՀՀ վաստակավոր նկարիչ Մինաս Ավետիսյանի գործերը։
