Չնայած շրջափակմանը՝ Արցախի հարկ վճարողները պատշած կատարել են պարտավորությունները. ցուցակը գլխավորում է Կաշենի հանքավայրը
Ադրբեջանի կողմից Արցախը Հայաստանին կապող միակ մայրուղու փակման պատճառով չնայած հարկ վճարողների մի մասը ստիպված դադարեցրել է գործունեությունը կամ աշխատում է մասնակիորեն, այնուամենայնիվ, նրանք, դեկտեմբեր ամսին ցուցաբերելով քաղաքացիական բարձր պատասխանատվություն, իրենց հասանելիք հարկային պարտավորությունները շարունակել են կատարել բարեխղճորեն, ինչի արդյունքում հաջողվել է ապահովել 2022 թվականի Արցախի Հանրապետության պետական բյուջեի հարկային եկամուտների և տուրքերի գծով պլանավորված ցուցանիշները:
Այս մասին տեղեկանում ենք Արցախի պետական եկամուտների կոմիտեի պաշտոնական կայքից։
Մասնավորապես, նախնական տվյալներով՝ պետական բյուջե են մուտքագրվել 46,726.4 մլն դրամ հարկային եկամուտներ և տուրքեր՝ պլանավորված 45,000.0 մլն դրամ ցուցանիշի դիմաց:
Պետական բյուջե մուտքագրված հարկային եկամուտների և տուրքերի գումարից 36,639.0 մլն դրամը կամ 78.4 տոկոսն ապահովվել է խոշոր հարկ վճարողների հաշվին:
Նշենք, որ խոշոր հարկատուների ցուցակը տարիներ շարունակ գլխավորում է Կաշենի հանքավայրը շահագործող «Բեյզ Մեթըլս» ընկերությունը։ Մասնավորապես, 2021-ի արդյունքներով հրապարակված խոշոր հարկատուների ցանկում 1-ին եռյակում են «Բեյզ Մեթըլս», «Կապավոր» և «Ղարաբաղ Տելեկոմ» ընկերությունները՝ շուրջ 12 մլրդ 252.2 մլն դրամ վճարած ընդհանուր գումարով:
Արցախի կառավարությունը «Բեյզ Մեթըլս» ընկերության հետ համատեղ, հիշեցնենք, որոշել է ժամանակավորապես դադարեցնել հանքավայրի շահագործումը, դիմել միջազգային կազմակերպություններին՝ «Բեյզ Մեթըլս» ընկերության գործունեության հետ կապված միջազգային էկոլոգիական փորձաքննություն իրականացնելու համար:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
