Մանրամասներ Էնթոնի Բլինկենի և Իլհամ Ալիևի հեռախոսազրույցից
Ամերիկյան արտաքին քաղաքականության դեպարտամենտի ղեկավարը կարծիք է հայտնել, որ Հայաստանն ու Ադրբեջանը այժմ ունեն «պատմական հնարավորություն՝ հասնելու տարածաշրջանում խաղաղության»։
Բլինկենը Ալիևին ասել է «ԱՄՆ-ի աջակցելու առաջարկը տարածաշրջանում տրանսպորտի և հաղորդակցության հնարավորությունները բացելու հարցում»։ Բացի այդ, Պետդեպարտամենտի ղեկավարը կոչ է արել Ալիևին շարունակել «երկկողմ երկխոսությունը» Բաքվի և Երևանի միջև, «ինչպիսին է Ադրբեջանի և Հայաստանի արտգործնախարարների վերջին հանդիպումը Թբիլիսիում»։
Բլինկենը նաև հաստատել է, որ ԱՄՆ-ն աջակցում է ԵՄ միջնորդական առաքելությանը։ Միաժամանակ պետքարտուղարը վստահեցրել է, որ Վաշինգտոնը պատրաստ է «երկկողմանի ձևաչափով և համախոհ գործընկերների հետ համագործակցել՝ օգնելու Հայաստանին և Ադրբեջանին ապահովելու երկարաժամկետ համապարփակ խաղաղության»։
Իր հերթին, Ադրբեջանի ղեկավարի մամուլի ծառայությունը հայտնել է, որ Իլհամ Ալիևը Թբիլիսիում Ադրբեջանի և Հայաստանի արտգործնախարարների հանդիպումը համարել է երկու երկրների միջև խաղաղության պայմանագրի շուրջ բանակցություններ սկսելու առաջին քայլը։ Ալևը ասել է, որ Ադրբեջանն արդեն ձևավորել է խաղաղության պայմանագրի նախապատրաստման իր հանձնաժողովի կազմը և նման քայլ է ակնկալում Հայաստանից։
«Էնթոնի Բլինկենը նաև հայտնել է Միացյալ Նահանգների պատրաստակամությունը՝ բացելու Հայաստանի և Ադրբեջանի միջև տրանսպորտային կապերն ու հաղորդակցությունները և տեխնիկական աջակցություն ցուցաբերել այս ոլորտում։
Պետքարտուղար Բլինքենը նաև կոչ է արել Ալիևին ազատ արձակել բոլոր հայ գերիներին:
Հեռախոսազրույցի ընթացքում մտքերի փոխանակություն է տեղի ունեցել համագործակցության հեռանկարների շուրջ»,- ասվում է տեղեկատվության մեջ։
slim.am