Իրանը թույլ չի տալիս, որ Հայաստանը մոռանա գլխավորը
Հորադիզ-Մեղրի-Նախիջեւան «թուրքական միջանցքը» բացելու իր համաձայնությունը Փաշինյանը փորձում է արդարացնել իբր «տարածաշրջանային» նախագծով և Հայաստանի համար օգուտներով։ Բայց Բաքուն կտրականապես հրաժարվում է խաղալ Փաշինյանի հետ՝ պնդելով ճանապարհի միայն մեկ հատվածը՝ Հայաստանի հարավը։
Փաշինյանն այնքան է ջանացել արդարացնել այս նախագիծը, որ իսպառ մոռացել է այն, ինչն իրոք ձեռնտու է Հայաստանին՝ Գյումրի-Մեղրի ճանապարհը։ Իրանը անընդհատ հիշեցնում է Փաշինյանին՝ ակնարկելով, որ չի կարելի շատ տարվել թյուրքական նախագծերով։
Իրանը մեծ նշանակություն է տալիս ինչպես Հայաստանով, այնպես էլ Ադրբեջանով անցնող հաղորդակցություններին, ասել է Հայաստանում Իրանի դեսպան Աբբաս Բադախշան Զոհուրին։ Դեսպանը կարծում է, որ Պարսից ծոցը և Սև ծովը կապող տարանցիկ ճանապարհը կարող է լուրջ հնարավորություններ ստեղծել ոչ միայն Իրանի և Հայաստանի, այլ նաև այլ երկրների համար։
«Հայաստանի տարածքով Հյուսիս-Հարավ տրանսպորտային նախագծի իրականացման արագացումը դարձել է ընդհանուր նպատակ տրանսպորտային ուղիների կայուն շահագործման գործում՝ ի շահ Հայաստանի և Իրանի շահերի։ Մենք հույս ունենք, որ Հայաստանի դերն այս տարանցիկ օղակում կամրապնդվի»,- ընդգծել է դեսպանը։ Նա հիշեցրել է, որ այս հարցի իրավական ասպեկտները քննարկման փուլում են, ինչի կապակցությամբ շուտով Սոֆիայում հանդիպում կանցկացվի։
Ինչ վերաբերում է այսպես կոչված «Զանգեզուրի միջանցքին», ապա, ըստ դեսպանի, «Պարսից ծոցը Սեւ ծովը կապող տարանցիկ ճանապարհը բացարձակապես կապ չունի «Զանգեզուրի միջանցքի» թեմայի հետ։
Իրանի և Հայաստանի միջև դիվանագիտական հարաբերությունների հաստատման 30-ամյակին նվիրված միջոցառումների շրջանակում իրանցի պատգամավորներն ու պաշտոնյաները անընդհատ կրկնում էին, որ Հայաստանի տարածքային ամբողջականությունը կարմիր գիծ է Իրանի համար։ Այսինքն՝ «Զանգեզուրի միջանցքը», որը Հայաստանը մասնատելու ծրագիր է, անընդունելի է Իրանի համար։
ragir.am