Իրանն Իսրայելին պատասխանելու իրավունք ունի
Կովկասագետ Բորհան Հեշմաթին Իրանի «Սահար» հեռուստաալիքի եթերում պատասխանելով այն հարցին, թե արդյոք Իրանն իրավունք ունի քննադատել Իսրայելի հետ Ադրբեջանի համագործակցությունն ասել է. «Նախ պետք է ուշադրություն դարձնել այն հարցին, որ Ադրբեջանում Իսրայելի ներկայությունն ուղղված է Իրանի անվտանգության դեմ և ապացույցը կարելի է նկատել Բաքվում Իսրայելի դեսպանի հայտարարություններում: Նույնիսկ ադրբեջանական «Ենի Մուսավաթ» թերթն է քննադատել Բաքվին՝ Իսրայելի հակաիրանական ծրագրի մի մասը դառնալու համար»:
Կովկասագետ Հեշմաթին հավելել է.«Ուրեմն այդ ներկայությունն ուղղված է Իրանի դեմ: Իրանն ամենուր (այդ թվում Բաքվում), Իսրայելին պատասխանելու իրավունք ունի»:
Հարկ է նշել, որ երկրի հյուսիսարևմտյան սահմաններին Իրանի բանակի վերջերս անցկացրած Ֆաթեհանե Խեյբար զորավարժության նպատակն Իրանի սահմանների մոտ, Ադրբեջանում, Իսրայելի ներկայությանն արձագանքելն էր: Բաքվի պաշտոնյաներն քննադատել են Իրանի այս քայլը: Իրանը նախազգուշացրել է, որ չի հանդուրժելու տարածաշրջանում տարաձայնություններ արաջացնելու և սադրանքներ նյութելու քայլերը և տարածաշջջանի աշխարհաքաղաքական քարտեզը փոխելու նրանց փորձերը: