Իրանի ԱԳՆ-ն կանչել է Մեծ Բրիտանիայի գործերի ժամանակավոր հավատարմատարին՝ նոր պատժամիջոցների պատճառով
Իրանի արտաքին գործերի նախարարությունը կանչել է Մեծ Բրիտանիայի գործերի ժամանակավոր հավատարմատարին այն բանից հետո, երբ Լոնդոնը հերթական պատժամիջոցներն է սահմանել Իսլամական Հանրապետության դեմ։
Արմենպրես»-ի փոխանցմամբ՝ այդ մասին հաղորդել է IRNA գործակալությունը։
Ըստ հաղորդագրության՝ Իրանի ԱԳՆ-ում բրիտանական իշխանությունների հայտարարություններն ու դիրքորոշումները, ինչպես նաև Իրանի դեմ վերջին պատժամիջոցները համարում են ապօրինի միջամտություն և խստորեն դատապարտում են դրանք։
Գերատեսչությունում նաև նշել են, որ Բրիտանիայի ապակառուցողական մոտեցումն անընդունելի է, և Թեհրանը համարժեք և արդյունավետ հակամիջոցներ կձեռնարկի։
Մեծ Բրիտանիայի կառավարությունն ավելի վաղ պատժամիջոցներ էր սահմանել Իսլամական հեղափոխության պահապանների կորպուսի կիբերհրամանատարության, Իրանի կիբերանվտանգության և մշակութային հեղափոխության գերագույն խորհուրդների, դրանց ղեկավարության և Իրանի մի շարք բանտերի պետերի դեմ: Սահմանափակումների հիմնավորման մեջ ասված է, որ հուլիսի 6-ի ցուցակում ընդգրկված կազմակերպությունները «մասնակցում են կամ մասնակցել են Իրանում մարդու իրավունքների լուրջ խախտումներին և, ի թիվս այլ բաների, պատասխանատվություն են կրում խոսքի ազատության, կարծիքների արտահայտման և խաղաղ հավաքների անցկացումը խախտելու կամ խախտելու կոչերի համար»։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
