Առայժմ մանրամասներ ներկայացված չեն: Այդ արարողությունը տեղի է ունեցել Հայաստանի և Ֆրանսիայի պատվիրակությունների աշխատանքային նիստի ընթացքում: Նիստը վերաբերել է տնտեսական երկկողմ գործակցության հեռանկարին: Հայ-ֆրանսիական հարաբերության տնտեսական բաղադրիչն ու բովանդակությունը հարստացնելու, ինտենսիվացնելու մասին խոսել և գրել եմ բազմիցս:

Հայաստան-Ֆրանսիա հարաբերության քաղաքական, հասարակական «առանձնաշնորհյալ» բնութագրվելու հանգամանքը որևէ կերպ չի համապատասխանում տնտեսական հարաբերության մակարդակին, որը խոշոր հաշվով մնացյալ բոլոր ուղղությունների հիմքային ամրությունն է: Հայաստանի և Ֆրանսիայի տնտեսական հարաբերությունը պետք է մոտեցնել քաղաքական հարաբերության «առանձնաշնորհյալ» բնութագրմանը: Հենց տնտեսական հիմքն է, որ պետք է թույլ տա զարգացնել և ծավալել քաղաքական հարաբերությունը, միաժամանակ նաև նպաստել Հայաստանի քաղաքական կարողությունների ծավալմանն ու ընդլայնմանը: Այդ իմաստով, Փարիզում ստորագրված փաստաթուղթը գուցե հնչեղ չէ տեղեկատվա-տրենդային ընդունված կատեգորիաների համեմատությամբ, սակայն ի տարբերություն դրանց առավել գործնական, առարկայական և իրատեսական է հայ-ֆրանսիական հարաբերության ամրապնդման, զարգացման և դրանով նաև Հայաստանի անվտանգության և սուբյեկտության բարձրացման առումով:

Ընդ որում, այս համատեքստում ուշադրության է արժանի այն, որ երբ Հայաստանի արտգործնախարարը Ֆրանսիայում է և Ֆրանսիայի հետ քննարկվում ու ստորագրվում են տնտեսական հարաբերության խորացման ճանապարհային քարտեզի վերաբերող հարցեր ու փաստաթղթեր, Երևանում մի խումբ անձինք աղմկոտ ակցիաներ են կազմակերպում հենց ԱԳ նախարարության շքամուտքում, տարօրինակորեն պահանջելով, որ իրենց հետ հանդիպի նախարարը, երբ բավականին լայնորեն տարածվել էր, որ նախարար Միրզոյանը այց է կատարել Ֆրանսիա: Թե՞ Ֆրանսիայի հետ քննարկումներն են Երևանում արտգործնախարարության շեմին աղմկոտ ակցիաների խորքային պատճառները:

Հեղինակ՝ ՀԱԿՈԲ ԲԱԴԱԼՅԱՆ

1in.am