ՊԵՏՔ Է ԴԱԴԱՐԵՑՆԵԼ ԼԵՌՆԱՅԻՆ ՂԱՐԱԲԱՂԻ ՇՐՋԱՓԱԿՈՒՄԸ և ԿԱՆԽԵԼ ՄԱՐԴԿԱՅԻՆ ԱՂԵՏԸ
Ադրբեջանի կողմից Արցախի տևական, 7- ամսյա շրջափակումը մարդկային աղետի առջև է կանգնեցրել իրենց պապենական բնակավայրերում փակված, վերջին պատերազմից արդեն իսկ հյուծված հայ ազգաբնակչությանը: Սննդամթերքի ու դեղորայքի պակասը, վառելիքի ու էներգետիկ աղբյուրների ձեռնահասության բացակայությունը անասելի տառապանքի է մատնել անմեղ մանուկներին, ծերերին, բուժօգնության կարոտ հիվանդներին և ընդհանրապես 120,000-անոց արցախահայությանը:
Իրադրության լրջությունը գիտակցելով՝ իրանահայ մարզամշակութային և հասարակական մի շարք միություններ և ազգային-հասարակական գործիչներ, ի մի գալով , հուլիսի 24–ին նիստ գումարեցին Իրանահայ Ազգային ու Մշակութային Միության հարկի տակ, ուր մտքերի փոխանակում կատարեցին և համապատասխան որոշումներ կայացրին այս կապակցությամբ հնարավոր քայլեր ձեռնարկելու ուղղությամբ։ Այս հանդիպման ընթացքում մասնակիցները հանգեցին այն եզրակացության, որ առաջին հերթին անհրաժեշտ է Արցախում տիրող պայմանների մասին տեղեկատվական նամակ-հայտարարություններ, ապա և օգնության դիմումներ հղել Իրանի բարձրաստիճան պատասխանատու պաշտոնատար անձանց, որով և խնդրել, որպեսզի Իրանի Իսլամական Հանրապետությունը, օգտվելով իր միջազգային հեղինակությունից ու լծակներից, աջակցի Լեռնային Ղարաբաղի շրջափակումը դադարեցնելու գործին, ճնշում գործադրի Բաքվի իշխանության վրա՝ բացելու Լաչինի միջանցքը ։
«Այս կապակցությամբ նախատեսվում է այլ միջոցառումներ ու քայլեր ևս, որոնց համար ակնկալվում է մեր համայնքի բոլոր անդամների աջակցությունն ու համագործակցությունը՝ անկախ նրանց գաղափարներից ու միութենական պատկանելությունից: Ընդ որում, հառաջիկա ուրբաթ օրը՝ Օգոստոսի 4_ին, ժամը 18-ին ՀՄՄ «Րաֆֆի» համալիրում նախատեսվում է ժողովրդական հանրահավաք՝ ի զորակցություն Արցախի ժողովրդի, որտեղ կպատրաստվի ու կհրապարակվի հանրահավաքի բանաձևը, որը կհղվի Իրանի մի շարք պետական մարմիններին, ՄԱԿ-ի գրասենյակ, ինչպես և իրանական մամուլին ու լրատվամիջոցներին:
Ուստի, նկատի ունենալով մեր առջև դրված նպատակի լրջությունն ու մեծ պատասխանատվությունը, դիմում ենք բոլոր մեր հայրենակիցներին մասնակցելու այս հանրահավաքին՝ թիկունք կանգնելու ցեղասպանության վտանգին ենթակա Արցախին:
Իրանահայ մի խումբ միություններ
29 հուլիսի, 2023 թ.
Նմանատիպ Լուրեր
Օտարերկացի զբոսաշրջիկների համար Հայաստանում առաջին գրավչությունը հենց հայ ժողովրդի լեգենդար հյուրասիրությունն է
Այս տարվա 11 ամիսների պաշտոնական տվյալներով՝ Հայաստանի Հանրապետություն է այցելել 2,2 միլիոն զբոսաշրջիկ։
Հայաստանի պատմության թանգարանում բացվել է «Ինքնության մասունքներ կորուսյալ Գարդմանից, Շիրվանից և Նախիջևանից» խորագրով ցուցադրություն
Հայաստանի պատմության թանգարանում բացվել է «Ինքնության մասունքներ կորուսյալ Գարդմանից, Շիրվանից և Նախիջևանից» խորագրով ժամանակավոր ցուցադրությունը՝ նվիրված պատմական Հայաստանի կորուսյալ տարածքների հայկական մշակութային ժառանգության ներկայացմանը։ Այդ մասին հայտնում են ԿԳՄՍՆ-ից:
ՄԻԵԴ-ը հայ զինծառայողների սպանության հետ կապված Ադրբեջանի դեմ որոշում է կայացրել
ՄԻԵԴ-ի որոշմամբ՝ խախտվել է Կոնվենցիայի 2-րդ հոդվածը (կյանքի իրավունք) ՝ կապված զինծառայողներ Էդգար Նարայանի և Էրիկ Աբովյանի մահվան, ինչպես նաև նրանց մահվան հանգամանքների որևէ քննության բացակայության վերաբերյալ։
18-ամյա հայ տղան ռեկորդ է սահմանել՝ շարժվող բեռնատարների միջև ձգում անելով
18-ամյա Գրիգոր Մանուկյանը (Հայաստան) գերազանցել է երկու շարժվող բեռնատարների միջև տեղադրված ձողի վրա ամենաշատ անընդմեջ ձգում կատարելու համաշխարհային ռեկորդը, ասվում է Գինեսի ռեկորդների գրքի կայքում։
Որքանո՞վ է իրատեսական, որ Հայաստանի բնակչությունը դառնա 5 միլիոն (Հայաստան 2050)
Դիտարկենք ՀՀ բնակչության վերաբերյալ վարչապետի կանխատեսումները, մնացյալ «ռազմավարական նպատակադրումներին» կանդրադառնանք առանձին հոդվածներով:
Սրբոց Հրեշտակապետաց եկեղեցի բերվեց Սուրբ Ներսես Շնորհալի հայրապետի մասունքակիր խաչը
Սրբոց Հրեշտակապետաց եկեղեցում Վեհափառ Հայրապետի հանդիսապետությամբ կատարվեց օրհնության կարգ, որի ավարտին Նորին Սրբությունը սրբազան մասունքով օրհնեց ներկա հավատացյալ ժողովրդին։