Թուրքմենստանը նախատեսում է ընդլայնել համագործակցությունը ԵՄ-ի հետ
Թուրքմենստանը և Եվրամիությունն արդյունավետորեն համագործակցում են երկկողմ և բազմակողմ ձևաչափերում և այդ գործընկերությունը համակարգված կերպով պետք է ընդլայնվի։
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին կառավարության նիստի ժամանակ հայտարարել է Թուրքմենստանի Հանրապետության նախագահ Սերդար Բերդիմուհամեդովը։
Ըստ աղբյուրի՝ հանդիպմանը փոխվարչապետ, արտաքին գործերի նախարար Ռաշիդ Մերեդովը զեկուցել է Թուրքմենստանի և ԵՄ-ի միջև համագործակցության զարգացման ուղղությամբ ձեռնարկվող քայլերի մասին։
Նա հիշեցրել է, որ 2023 թվականին տեղի են ունեցել մի շարք խոշորամասշտաբ միջոցառումներ, այդ թվում՝ Բերդիմուհամեդովի հանդիպումը Եվրախորհրդի նախագահ Շառլ Միշելի հետ, ինչպես նաև միջխորհրդարանական երկխոսության շրջանակներում վեցերորդ հանդիպումը:
Մերեդովը նշել է, որ վերջին շրջանում զգալիորեն աճել է ԵՄ-ի հետաքրքրությունը Կենտրոնական Ասիայի երկրների հետ համագործակցության նկատմամբ։ Արտգործնախարարը առաջարկներ է ներկայացրել նախագահին՝ ընդլայնելու համագործակցությունը որոշ առաջնահերթ ոլորտներում։
Դրանց թվում է թուրքմենական պատվիրակությունների այցը Բրյուսել՝ մասնակցելու մարդու իրավունքների վերաբերյալ երկխոսության հանդիպմանը և Թուրքմենստան-ԵՄ կոմիտեի նիստին։
Հոկտեմբերի 23-ին Լյուքսեմբուրգում կայացած՝ ԵՄ-Կենտրոնական Ասիա նախարարների հանդիպման արդյունքներով ընդունված կոմյունիկեի հիման վրա առաջարկվում է 2024 թվականի երկրորդ եռամսյակում կազմակերպել տրանսպորտի ոլորտի փորձագետների հանդիպում և խորհրդակցություններ ԵՄ համապատասխան կառույցների հետ՝ գործընկերության և փոխանակումների քննարկման նպատակով, իսկ առաջին եռամսյակում՝ փորձի փոխանակում էներգետիկայի ոլորտում։
Թուրքմենստանի առաջնորդը արտգործնախարարին հանձնարարել է շարունակել աշխատանքը Եվրամիության հետ համագործակցության զարգացման ուղղությամբ։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
