Հայաստանի և Ադրբեջանի սահմանազատման հանձնաժողովների հաջորդ հանդիպման հստակ ժամկետներ չկան. փոխվարչապետ
Հայաստանի և Ադրբեջանի սահմանազատման հարցերով հանձնաժողովների հաջորդ հանդիպման վերաբերյալ պայմանավորված հստակ ժամկետներ չկան, մինչև տարեվերջ հանդիպումը քիչ հավանական է:
«Արմենպրես»-ի հաղորդմամբ՝ լրագրողների հետ զրույցում այս մասին ասաց Հայաստանի փոխվարչապետ Մհեր Գրիգորյանը:
Անդրադառնալով դեկտեմբերի 14-ին երկու երկրների կողմից էլ հաստատված աշխատակարգերին՝ Հայաստանի և Ադրբեջանի պետական սահմանի սահմանազատման և սահմանային անվտանգության հարցերով հանձնաժողովների նիստերի և համատեղ աշխատանքային հանդիպումների կազմակերպման վերաբերյալ՝ Գրիգորյանն ասաց. «Աշխատակարգը, որը մենք հաստատեցինք երեկ, նկարագրում է, թե ինչպես են երկրների հանձնաժողովներն աշխատանքային հանդիպումներ ու համատեղ նիստեր կազմակերպելու: Աշխատանքի տրամաբանությունը հետևյալն է, որ տեղի են ունենում Հայաստանի և Ադրբեջանի սահմանազատման հարցերով հանձնաժողովների հանդիպումներ: Եվ ճիշտ համարեցինք կանոնակարգել այդ աշխատանքի ընթացքը, մասնավորապես, թե երբ ենք հանդիպում, որտեղ ենք հանդիպում, ոնց ենք կազմում արձանագրությունը, ինչ լեզվով ենք խոսում և այլն»,-ասաց Գրիգորյանը:
Խոսելու են անգլերեն կամ ռուսերեն․ երկուսն էլ հնարավոր են:
«Հաջորդ հանդիպման վերաբերյալ պայմանավորված ժամկետներ դեռևս չկան: Սահմանազատման գործընթացը, այնուհետև նաև սահմանագծման գործընթացը, ես կարծում եմ, որ բավականին երկար կտևի, որովհետև բավականին բարդ գործընթաց է», - ասաց Գրիգորյանը:
Փոխվարչապետը չբացառեց, որ հանձնաժողովների աշխատանքը կարող է տարիներ տևել։
«Հանձնաժողովների հանդիպումների ընթացքում կողմերից ամեն մեկն իր կողմից ներկայացնում է քարտեզ կամ քարտեզի հատված, իրավական փաստաթղթեր, որոնք սահմանի որևէ նկարագրություն կամ որևէ կարգավորում ունեն, և սկսվում է քննարկում, մտքերի փոխանակում»,-մանրամասնեց փոխվարչապետը:
Գրիգորյանը հիշեցրեց՝ բազմիցս հայտարարվել է, որ որպես մեկնարկային քարտեզ են ընդունում 1975-1990 թթ. ամենաթարմ քարտեզները: «Մենք աշխատելու ենք բացառապես տոպոգրաֆիկ պրոֆեսիոնալ քարտեզներով, նաև պետք է աշխատենք բացառապես փաստաթղթերով, որոնք ունեն իրավական նշանակություն:
Հստակ ժամկետներ չկան, թե ինչ հաճախականությամբ են լինելու երկու հանձնաժողովների հանդիպումները, քանի որ մինչև հաջորդ հանդիպում աշխատանքները տարբեր են լինելու: Օրինակ՝ այս անգամ հանձնաժողովները քննարկել են աշխատակարգը, հաջորդ հանդիպմանը, ըստ փոխվարչապետի, կքննարկեն կանոնակարգը, ինչը շատ ավելի բարդ նախագիծ է լինելու: Այն ներքին շրջանառության իմաստով էլ ավելի շատ ժամանակ կպահանջի:
Հայաստանի և Ադրբեջանի միջև պետական սահմանի սահմանազատման ու սահմանային անվտանգության հարցերով հանձնաժողովի և Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի հինգերորդ հանդիպումը՝ Հայաստանի փոխվարչապետ Մհեր Գրիգորյանի և Ադրբեջանի փոխվարչապետ Շահին Մուստաֆաևի նախագահությամբ տեղի է ունեցել նոյեմբերի 30-ին Հայաստանի Հանրապետության և Ադրբեջանի Հանրապետության սահմանին:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
