Ամանորին ընդառաջ Թուրքիայում մեծանում է քրիստոնյաներին ուղղված ատելության խոսքը
Թուրքիայում գործող «Ժողովուրդների հավասարության և ժողովրդավարության» կուսակցության (DEM) Մարդին նահանգի պատգամավոր Ջորջ Ասլանը Թուրքիայի խորհրդարանին պատգամավորական հարցեր է ուղղել` պահանջելով, որ դրանց պատասխանեն Թուրքիայի ներքին գործերի և կրթության նախարարները:
Ասլանի հարցը վերաբերել է Թուրքիայում Սուրբ Ծննդյան տոների մոտենալուն զուգահեռ քրիստոնյաների նկատմամբ աճող ատելությանը: Նա որպես օրինակ մեջբերել է սոցցանցերում թուրք օգտատերերի կողմից տարածվող գրառումները, որոնք լի են ատելությամբ և թիրախավորում են քրիստոնյաներին:
«Թուրքիայում ապրող քրիստոնյաների նկատմամբ ատելության խոսքն ու ատելությամբ պայմանավորված հանցագործությունները ամեն տարի, հատկապես Սուրբ Ծննդյան տոներին և Ամանորին ավելի են ահագնանում»- ասել է Ասլանը:
Ապա նա հավելել է, որ վերջերս Մարդին նահանգի կրթության վարչության կողմից ուղղարկված և Նուսայբին շրջանի կրթական վարչակազմի միջնորդությամբ դպրոցների՝ «Whatsapp» սոցիալական հարթակում ունեցած խմբերում խնդրո առարկա ատելությունը ցույց տվող մի նամակ էր տարածվել:
«Ընկերնե՛ր մոտենում է Ամանորը: Մինչ Ամանոր ասող մարդասպան, բարբարոս և արյունոտ ձեռքերով ստորների երեխաները ջարդ են իրականացնում իսլամական աշխարահում, որոշ գործարար մարդիկ մեր դպրոցներում, հատկապես մանկապարտեզներում և նախակրթարաններում տոնակատարություն, ձևավորում և միջոցառումներ են անցկացնում: Նախապես մեր բոլո կառույցներին զգուշացնենք, որ մենք Սուրբ Ծննդյան հետ կապված ոչ մի միջոցառում չենք ուզում: Խնդրեմ, զգուշացնենք նախապես, չնեղացնանք միմյանց: Որ դպրոցը, որ անի, այդ իսկ պահին շրջանի վարչության ղեկավարին, դպրոցի տնօրենին և դրա հետ կապ ունեցող ուսուցիչներին կկանչենք, կհարցնենք դրդապատճառը և կանենք այն, ինչ անհրաժեշտ է», -ասված է նամակում:
«DEM» կուսակցության պատգամավորի ուղարկված հարցերը հետևյալն են.
1. Մարդինում Սուրբ Ծնունդ և Ամանոր նշողներին ուղղված սպառնալից և թիրախավորող խնդրո առարկա նամակը ձեր նախարարության հայտարարության մե՞ջ է ներառված:
2. Սպառնալիք և ատելություն պարունակող նամակը հրապարակած Մարդին նահանգի կրթության վարչությանն նկատմամբ արդյո՞ք սկսվել է որևէ հետաքննություն:
3. Թուրքիայի քրեական օրենսգրքի 216-րդ և 122-րդ կետերի համաձայն՝ «Ժողովրդի մի մասի դավանած կրոնի արժեքներին ուղղված նվաստացման» ու «Ատելության և անջատողականության» մեջ մեղավոր Մարդին նահանգի կրթության վարչության ղեկավարը արդյո՞ք հեռացվելու է պաշտոնից:
3. Թուրքիայի քրեական օրենսգրքի 216-րդ և 122-րդ կետերի համաձայն՝ «Ժողովրդի մի մասի դավանած կրոնի արժեքներին ուղղված նվաստացման» ու «Ատելության և անջատողականության» մեջ մեղավոր Մարդին նահանգի կրթության վարչության ղեկավարը արդյո՞ք հեռացվելու է պաշտոնից:
4. Թուրքիայում տարբեր էթնիկ և կրոնական խմբերին ուղղված ատելություն պարունակող խոսույթների և ատելությամբ պայմանավորված հանցագործությունների կանխարգելման համար ձեր նախարարության կողմից արդյո՞ք տարվում է որևէ աշխատանք:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
