ԱՊՀ-ն ծրագրում է դիտորդներ ուղարկել Ադրբեջանում, Բելառուսում և Ռուսաստանում կայանալիք ընտրություններին
Անկախ Պետությունների Համագործակցությունը նախատեսում է դիտորդներ ուղարկել Ադրբեջանում և Ռուսաստանում կայանալիք նախագահական ընտրություններին, ինչպես նաև Բելառուսում 2024 թվականի փետրվարին կայանալիք խորհրդարանական և տեղական ինքնակառավարման մարմինների ընտրություններին։ «Արմենպրես»-ի փոխանցմամբ` այդ մասին հայտնել է ԱՊՀ գլխավոր քարտուղար Սերգեյ Լեբեդևը` պատասխանելով ՏԱՍՍ-ի հարցին։
«Հաջորդ տարին ընտրությունների տարի է մեր Համագործակցության առաջատար պետություններում։ Առաջին ընտրությունները կլինեն փետրվարի 9-ին Ադրբեջանում` նախագահական ընտրություններ. մենք արդեն ստացել ենք հրավերը: Այնուհետև խորհրդարանական ընտրություններ Բելառուսում։ Եվ մարտ ամսին նախագահական ընտրություններ Ռուսաստանի Դաշնությունում», - ասել է նա Մինսկում ԱՊՀ Գործադիր կոմիտեում Համագործակցության անդամ երկրների մշտական ներկայացուցիչների խորհրդի հերթական նիստի մեկնարկից առաջ։
Լեբեդևը նշել է, որ ԱՊՀ Գործադիր կոմիտեն «արդեն պատրաստվում է այդ ընտրությունների դիտարկմանը»։
«Մենք հրավեր ենք ստացել՝ ստեղծելու ԱՊՀ առաքելություն և ուղարկելու այդ ընտրությունների դիտարկման համար», - ընդգծել է նա։
Համագործակցության գլխավոր քարտուղարը պարզաբանել է, որ մինչ օրս դիտորդական առաքելություն ուղարկելու գրավոր հրավեր է ստացվել միայն Բաքվից։
«Այդ մասին մեզ բանավոր ասել են, բայց գրավոր ստացել ենք առայժմ միայն Ադրբեջանից, նրանք առաջինն են անցկացնելու ընտրությունները», - հավելել է Լեբեդևը:
Նմանատիպ Լուրեր
Ստամբուլն աշխարհի ամենահարուստ քաղաքների ցանկում 51-րդն է
Միջազգային «Henley & Partners» խորհրդատվական ընկերությունը հրապարակել է 2023-ին աշխարհի ամենահարուստ քաղաքների ցանկը:
Մեքսիկայում զինված հարձակման հետևանքով առնվազն 12 մարդ է զոհվել
Մեքսիկայի Սալվատիերա քաղաքի հյուրանոցներից մեկի վրա զինված հարձակման հետևանքով առնվազն 12 մարդ է զոհվել, ևս 11-ը` վիրավորվել։ Այս մասին հաղորդում է «Արմենպրես»-ը՝ վկայակոչելով El Universal պարբերականի հրապարակումը։
Մոսկվայում գումարվել է ԱՊՀ կառավարությունների ղեկավարների նիստը. վարչապետ Նիկոլ Փաշինյանը ներկա չէ
Մոսկվայում ընթանում է Անկախ Պետությունների Համագործակցության (ԱՊՀ) կառավարությունների ղեկավարների խորհրդի նիստը։
Գնդակոծվել է Գազայի միակ կաթոլիկ ծուխը, վնասվել է Մայր Թերեզայի քույրերի տունը
Հռոմի Ֆրանցիսկոս Պապը Սուրբ Պետրոսի հրապարակում իր ավանդական կիրակնօրյա քարոզի ժամանակ հայտնել է, թե ինչ է տեղի ունեցել նախօրեին Գազայի միակ լատինական ծխում։ Ըստ Պապի, նախօրեին այն պաշարվել էր իսրայելական զինվորականների կողմից՝ պատրվակով, որ այնտեղ հրթիռների արձակման կայան կա:
Պեկինը, Թեհրանը եւ Էր Ռիադը համատեղ հայտարարություն են արել
Իրանը, Չինաստանը եւ Սաուդյան Արաբիան համատեղ պահանջել են շտապ միջոցներ ձեռնարկել, որպեսզի վերջ դրվի Իսրայելի վայրագություններին պաշարված Գազայի հատվածում եւ ապահովվի կայուն օգնություն պաղեստինցիներին, տեղեկացրել է Mehr-ը։
Նախագահ Վահագն Խաչատուրյանը հանդիպել է Ուրուգվայի նախագահ Լուիս Լակալե Պոուի հետ
Ուրուգվայի Արևելյան Հանրապետության նախագահ Լուիս Լակալե Պոուն իր կեցավայրում հանդիսավոր կերպով ընդունել է պաշտոնական այցով Ուրուգվայում գտնվող նախագահ Վահագն Խաչատուրյանին:
