Եգիպտոսում մեկնարկել են նախագահական ընտրությունները. գործող նախագահի շանսերը բարձր են գնահատվում
Եգիպտոսի նախագահական ընտրություններում քվեարկության համար ընտրատեղամասեր են բացվել երկրի բոլոր նահանգներում՝ տեղական ժամանակով ժամը 09.00-ին:
Ընտրությունները տեղի կունենան երեք օրվա ընթացքում՝ դեկտեմբերի 10-ին, 11-ին և 12-ին։ Ընտրատեղամասերը կփակվեն 21:00-ին (ՀՀ ժամանակով 23:00-ին):
Մոտ 67 միլիոն եգիպտացիներ քվեարկելու հնարավորություն ունեն։ Ընտրությունների ընթացքում ողջ հանրապետությունում կգործի 9376 ընտրատեղամաս։ Ընտրությունների ընթացքին հետևելու է 14 միջազգային կազմակերպություն, հաստատվել է 220 միջազգային դիտորդ։
Գործող նախագահ Աբդել Ֆաթահ ալ-Սիսին առաջին փուլում կմրցի Ժողովրդահանրապետական կուսակցության առաջնորդ (50 տեղ խորհրդարանում) Հազեմ Օմարի, լիբերալ Վաֆդ կուսակցության ղեկավար Աբդել Սանադ Յամամայի և Եգիպտոսի սոցիալ-դեմոկրատական կուսակցության նախագահ Ֆարիդ Զահրանի հետ:
Օգոստոսին Եգիպտոսի խորհրդարանի ամենամեծ կուսակցությունը՝ «Մուսթաքբալ Վաթան» (Հայրենիքի ապագան), հայտարարել էր, որ կողմ է Էլ-Սիսիի նոր ժամկետի առաջադրմանը:
Սեպտեմբերի 25-ին Եգիպտոսի Ազգային ընտրական հանձնաժողովը հայտարարեց ընտրությունների օրը։
Հոկտեմբերի սկզբին երկրի ներկայիս ղեկավարը հայտարարեց, որ առաջադրվելու է երրորդ ժամկետի համար:
Ընտրություններին գրանցվելու համար փաստաթղթերի ներկայացումը տեղի է ունեցել հոկտեմբերի 5-14-ը։ Թեկնածուների վերջնական ցուցակը հաստատել է Եգիպտոսի ընտրական հանձնաժողովը նոյեմբերի 9-ին, նույն օրը, երբ պաշտոնապես սկսվել է մեկամսյա նախընտրական քարոզարշավը։ Ուրբաթն ու շաբաթ օրը լռության օրեր էին, որոնց ընթացքում արգելվում էր ցանկացած նախընտրական քարոզչություն։
Եգիպտոսի նախագահական ընտրությունները երկրի սահմաններից դուրս տեղի են ունեցել դեկտեմբերի 1-3-ը։ Քվեարկությունը տեղի է ունեցել 121 երկրի 137 ընտրատեղամասերում։
Եգիպտոսի ընտրական հանձնաժողովն ավելի վաղ հայտարարել էր, որ նախագահական ընտրությունների առաջին փուլի արդյունքները պաշտոնապես կհրապարակվեն դեկտեմբերի 18-ին։ Երկրորդ փուլը, անհրաժեշտության դեպքում, տեղի կունենա 2024 թվականի հունվարին։
Ալ-Սիսին Եգիպտոսի նախագահ է ընտրվել 2014 թվականին ընտրություններում հաղթելուց հետո, որոնք տեղի են ունեցել Մուհամեդ Մուրսիի և իսլամիստ «Մուսուլման եղբայրների» իշխանությունից հեռացնելուց մեկ տարի անց։
2018 թվականին նա վերընտրվել է երկրորդ ժամկետով։ 2019 թվականի ապրիլին Եգիպտոսում տեղի ունեցավ հանրաքվե, որի արդյունքում ընդունվեցին ուղղումներ, որոնք Ալ-Սիսիին հնարավորություն տվեցին առաջադրվել նոր ժամկետի համար, իսկ նախագահական ժամկետը չորսից դարձավ վեց տարի։ Այսպիսով, եթե նա հաղթի ընթացիկ ընտրություններում, նախագահի պաշտոնը կզբաղեցնի մինչև 2030 թվականը։
Աղբյուր՝ armtimes.com
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
