Տեղի ունեցածին անդրադարձել է ԱԺ փոխխոսնակ Ռուբեն Ռուբինյանը՝ նշելով, որ ԱԺ դահլիճում տեղի ունեցածն այնպիսի մի հայտնագործություն է խորհրդարանական մշակույթի մեջ, որ ես կարծում եմ դրան պետք է առանձին ելույթ նվիրել։

Այնուհետ շարունակել է.

«ՀՀ ԱԺ «Պատիվ ունեմ» եւ «Հայաստան» խմբակցությունները Մրցակցության պաշտպանության հանձնաժողովի անդամի պաշտոնում առաջադրել էին միասնական թեկնածու Մանվել Բադալյանին: Սակայն «Պատիվ ունեմ» խմբակցությունը չմասնակցեց քվեարկությանը։

«Թեկնածուն եկավ, հարցուպատասխան եղավ, «Քաղաքացիական պայմանագիր» կուսակցությունը, որին ընդդիմությունը շարունակ մեղադրում է ամեն ինչ զավթել փորձելու, իրենց ասածները հաշվի չառնելու, դե «ՔՊ-ն մեծամասնություն է, ինչ ուզի՝ կանի» տրամաբանության մեջ մեղադրում էին մեզ ու մեկ-մեկ էլ ասում դե մենք ինչ անենք, այ էդ նույն ՔՊ-ն թեկնածուհին կողմ քվեարկեց, թեկնածուն ընտրվեց, հաջողություն ենք մաղթում, բայց պարղվեց, ոև ընդդիմադիր խմբակցություններից մեկը չի մասնակցել քվեարկությանը:

Ես կարծում եմ սրանից ավելի առհավատչյա մեր պնդումներին առ այն, որ մեր ընդդիմադիր խմբակցությունները և հատկապես վերջին ժամանակներում դրանցից մեկը, ոչ թե քաղաքական գործունեությամբ են զբաղվում այլ ինչ-որ «թրոյլինգով» են զբաղված, «սպամինգով» են զբաղված: Իրենք ամեն ինչ են, բացի խմբակցությունը, քաղաքական ուժ էլ չեն երևի թե: Կարելի է հիմա պաշտոնապես հայտարարել, որ էդ քաղաքական ուժը ավարտվեց:

Ես կարծում եմ, այս օրը պետք է մտնի համաշխարհային պարլամենտարիզմի պատմության մեջ»։