Ալխաս Ղազարյանը, Նարեկ Մկրտչյանը ու Արազ Պապիկյանը Պեկինում անդրադարձել են «Խաղաղության խաչմերուկ» ծրագրի մանրամասներին
Քննարկման օրակարգում Չինաստանի Կոմունիստական Կուսակցության և Քաղաքացիական պայմանագիր կուսակցությունների միջև հնարավոր համագործակցությանն ուղղված համատեղ աշխատանքները և դրանց հնարավորություններն էին։
Չինաստանի մայրաքաղաք Պեկինում գործընկերներիս` ՀՀ աշխատանքի և սոցիալական հարցերի նախարար, Քաղաքացիական պայմանագիր կուսակցության արտաքին կապերի պատասխանատու Նարեկ Մկրտչյանի ու Վերահսկող հանձնաժողովի անդամ Արազ Պապիկյանի հետ միասին հանդիպում ունեցանք Չինաստանի Կոմկուսի կենտկոմի միջազգային դեպարտամենտի փոխնախարար Սուն Հաիյանի հետ։ Այս մասին իր ֆեյսբուքյան էջում գրել է «Քաղաքացիական պայմանագիր» խմբակցության պատգամավոր Ալխաս Ղազարյանը։
«Քննարկման օրակարգում Չինաստանի Կոմունիստական Կուսակցության և Քաղաքացիական պայմանագիր կուսակցությունների միջև հնարավոր համագործակցությանն ուղղված համատեղ աշխատանքները և դրանց հնարավորություններն էին։ Պայմանավորվեցինք սեղմ ժամկետներում ընթացք տալ երկու կուսակցությունների միջեւ համագործակցության պաշտոնականացմանը՝ կնքվելիք հուշագրի շրջանակում։
Զրույցի ընթացքում ներկայացրեցինք Քաղաքացիական պայմանագիր կուսակցության կողմից սահմանված գերակայություններն ու այդ ուղղությամբ իրականացվող աշխատանքները՝ ընդգծելով մեր երկրում խաղաղության ու անվտանգության ապահովման ու դրանց պահպանման առաջնահերթությունը։ Անդրադարձանք «Խաղաղության խաչմերուկ» ծրագրի մանրամասներին:
Պեկին կատարած այցի ընթացքում հանդիպում ունեցանք նաև «Սուն Չին Լին» հիմնադրամի փոխնախագահ, կուսակցական խմբի քարտուղար Շեն Բեյլիի հետ։
Կարևորելով հայ-չինական բարեկամական հարաբերությունների դերը՝ ընդգծեցինք երկու երկրների միջև ամուր քաղաքակրթական կապի, փոխառնչությունների ու ընդհանրությունների նշանակությունը։
ՀՀ աշխատանքի և սոցիալական հարցերի նախարար Նարեկ Մկրտչյանը ներկայացրեց նախարարության գործառույթներն ու ոլորտային առաջնահերթությունները, նախատեսվող ծրագրերը:
Տիկին Բեյլին իր հերթին ներկայացրեց հիմնադրամի գործունեությունը:
Զրույցի ընթացքում Շեն Բեյլին նաև նշեց, որ հիմնադրամը պատրաստ է իր հարկի ներքո ընդունել նաև հայ երեխաներին, ինչպես նաև քննարկել հաշմանդամություն ունեցող և սոցիալապես անապահով երեխաներին ուղղված ծրագրերի իրականացման հնարավորությունը:
Այս համատեքստում քննարկվեց համատեղ հուշագիր կնքելու հնարավորությունը:
Հանդիպեցինք նաև ՉԺՀ քաղաքացիական գործերի նախարարի տեղակալ Ժան Չենֆուի և ՉԺՀ-ի մարդկային ռեսուրսների և սոցիալական ապահովության նախարար Վան Սիափինի հետ։ Հանդիպումներին մասնակցեցին նաև Չինաստանում ՀՀ դեսպան Սերգեյ Մանասարյանը և Միասնական սոցիալական ծառայության պետ Էդուարդ Պետրոսյանը»,–գրել է նա։
Աղբյուր՝ araratnews.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
