Հարձակում Փարիզի կենտրոնում. մեկ զբոսաշրջիկ է զոհվել է, ևս մեկ անձ վիրավոր է
Փարիզի Էյֆելյան աշտարակի մերձակայքում անհայտ անձը հարձակվել է անցորդների վրա, ինչի հետևանքով մահացել է մեկ մարդ, ևս մեկը վիրավորվել է:
Փարիզի Էյֆելյան աշտարակի մերձակայքում անհայտ անձը հարձակվել է անցորդների վրա, ինչի հետևանքով մահացել է մեկ մարդ, ևս մեկը վիրավորվել է:
Այս մասին հայտարարել է Ֆրանսիայի ներքին գործերի և անդրծովյան տարածքների նախարար Ժերալդ Դարմանինը։
Ըստ tass-ի, դեպքից հետո՝ Քայ Գրենելի մոտ, հանցագործը բերման է ենթարկվել:
Ժերալդ Դարմանինը խորհուրդ է տվել խուսափել այդ տարածքում գտնվելուց:
BFMTV-ի փոխանցմամբ՝ հարձակվողը զինված է եղել դանակով։
Le Parisien թերթը գրում է, որ նա իր հետ նաև մուրճ է ունեցել։ Նրա տվյալներով՝ մահացածը Գերմանիայի և Ֆիլիպինների քաղաքացիություն ունեցող զբոսաշրջիկ էր, նրա մարմինը հայտնաբերվել է Բիր Հակեյմ կամրջի վրա՝ տեղական ժամանակով մոտավորապես ժամը 22։00-ին (Մոսկվայի ժամանակով 00։00-ին)։ Նա մահացել է մեջքին և ուսին դանակի հարվածներից։
Ըստ Le Parisien-ի՝ ձերբակալության ժամանակ հարձակվողը զենքով սպառնացել է ոստիկաններին և բղավել «Ալլահ ակբար», երկու անգամ նրան բերման ենթարկելու համար օգտագործվել է էլեկտրահարող ատրճանակ։
Նշվում է, որ հարձակվողը, ով 1997 թվականին ծնված իրանցի է, հայտնի է եղել անվտանգության ծառայություններին և նախկինում նրա մոտ հոգեկան խանգարում է ախտորոշվել։
Աղբյուր՝ armtimes.com
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
