Բռնցքամարտի պատանեկան ԱԱ. 5 ներկայացուցիչ այսօր կգոտեմարտի կիսաեզրափակչի համար
Երևանում ընթացող բնռցքամարտի ավագ տարիքի պատանիների աշխարհի առաջնությունում այսօր մեկնարկում է քառորդ եզրափակչի փուլը: Հայաստանն այսօր կունենա 5 ներկայացուցիչ: Հաղթանակների դեպքում՝ հայ բռնցքամարտիկները դուրս կգան կիսաեզրափակիչ և կապահովեն առնվազն բրոնզե մեդալ:
Այսօր ԱԱ-ում պայքարը կսկսեն Հայաստանի կանանց հավաքականի անդամներ Հեղինե Պետրոսյանն ու Էլեն Պապյանը: 48 կգ քաշայինների պայքարում Հեղինե Պետրոսյանը քառորդ եզրափակչում կմենամարտի Ռումինիայի ներկայացուցիչ Նիկոլետա Սքարտի հետ, իսկ 54 կգ քաշային Էլեն Պապյանն ուժերը կչափի լեհ Զուզաննա Գոլիբիեվսկայի հետ:
Հայաստանի տղամարդկանց հավաքականի անդամ, 46 կգ քաշային Առնո Դարչինյանը քառորդ եզրափակչում կմենամարտի Էկվադորի ներկայացուցիչ Զայիր Բոնիլայի հետ: Դարչինյանը պայքարը սկսել է 1/8 եզրափակչից՝ առավելության հասնելով Վրաստանի ներկայացուցիչ Վախթանգ Տոդուայի նկատմամբ:
60 կգ քաշային Անդրանիկ Մարտիրոսյանը կանցկացնի իր երրորդ մենամարտը. նրա մրցակիցը Բուլղարիայի ներկայացուցիչ Ուլադիսլաու Կաուրաուն է:
Այսօրվա մեր վերջին ներկայացուցիչը՝ 50 կգ քաշային Տիգրան Հովսեփյանն էլ կիսաեզրափակչի ուղեգրի համար կմրցի Զիմբաբվեի ներկայացուցիչ Կրեյն Մոյոյի հետ:
Բոլոր մենամարտերի մեկնարկը 14:00-ին է:
armsport.am
Նմանատիպ Լուրեր
ՈՒԵՖԱ Ֆուտզալի Չեմպիոնների Լիգայի եզրափակիչը՝ Երևանում
Հայաստանի ֆուտբոլի ֆեդերացիայի հայտը հաղթող է ճանաչվել Հունաստանի, Լիտվայի, Լեհաստանի, Իսպանիայի և Շվեյցարիայի ֆուտբոլի ֆեդերացիաների հետ մրցակցությունում:
Վահան Բիչախչյանը կարող է հեռանալ «Պոգոնից»
Հայաստանի հավաքականի կիսապաշտպան Վահան Բիչախչյանն այս ձմռանը, ամենայն հավանականությամբ, կհեռանա լեհական «Պոգոնից»։
ՈՒԵՖԱ Ֆուտզալի Չեմպիոնների Լիգայի եզրափակիչը կանցկացվի Երևանում
ՈՒԵՖԱ-ի Գործադիր կոմիտեի որոշմամբ Հայաստանի ֆուտբոլի ֆեդերացիան կհյուրընկալի ՈՒԵՖԱ Ֆուտզալի Չեմպիոնների Լիգայի 2024 թվականի եզրափակիչը:
Հրաձգության Հայաստանի երիտասարդական առաջնության հաղթողներն ու մեդալակիրները
Անցկացվել է հրաձգության Հայաստանի երիտասրդների առաջնությունը։ Մասնակցել են Երևանի հրաձգության մանկապատանեկան մարզադպրոցի, Գյումրու եւ Վանաձորի թիմերը, հաղորդում է ՀՀՖ-ի մամուլի ծառայությունը։
Ֆուտզալի Հայաստանի հավաքականը հաղթել է վրացիներին․ ԱԱ
Ֆուտզալի Հայաստանի հավաքականն առաջին հաղթանակը տարավ աշխարհի առաջնության որակավորման փուլի էլիտ ռաունդում` ընդհատելով 4 պարտությունից բաղկացած շարքը։
Հրանտ-Լեոն Ռանոսը խաղաժամանակ է ստացել «Բորուսիայում»
Հրանտ-Լեոն Ռանոսը խաղաժամանակ է ստացել «Բորուսիայում»:
