Մենք կարծում ենք, որ խնդիրները տարածաշրջանում պետք է լուծվեն խաղաղ ճանապարհով, եւ մենք այդ ուղղությամբ լուրջ ջանքեր ենք գործադրում։ Այս մասին Հայաստանի Գիտությունների ակադեմիայում նոյեմբերի 28-ին, գիտաժողովի ժամանակ ասել է Հայաստանում Իրանի դեսպանության Մշակութային կենտրոնի խորհրդական Մոհամադ Ասադի Մոհավեդը։

 

Նրա խոսքով՝ Թեհրանի իրականացրած բարիդրացիության քաղաքականությունը Հարավային Կովկասում տարածաշրջանի զարգացման կարեւոր բաղադրիչն է։

 

Դիվանագետը նշել է այն ուղղությամբ տարվող աշխատանքի կարեւորությունը, որպեսզի կանխվեն լարվածության նոր օջախներն այս զգայուն տարածաշրջանում։

Նա հիշեցրել է, որ իրանա-հայկական հարաբերությունները 4000 տարվա պատմություն ունեն եւ նշել է երկու երկրների եւ ժողովուրդների քաղաքակրթական, պատմական, աշխարհագրական մերձությունը։

 

Մոհամադ Ասադի Մոհավեդը կարեւոր է համարել այս հիմքի օգտագործումը Հայաստանի եւ Իրանի միջեւ բոլոր ոլորտներում հարաբերությունների խորացման համար։ 

 

 

Աղբյուր՝ news.am