«Հանրային ձայն» խմբակցության ղեկավար Վահան Ավագյանը տարբեր մեջբերումներ անելով Թուրքիայի և Ադրբեջանի վարած դիվանագիտությունների վերաբերյալ, հարցրել է, որտեղ է ՀՀ-ի դիվանագիտությունը, նշել է, թե երկուսն էլ որևէ աշխարհաքաղաքական բևեռի կողմում չեն, հարաբերություն չեն փչացնում և գործում են ոչ թե ի շահ այս կամ այն բևեռի, այլ միայն ի շահ իրենց պետությունների:

 

 

Այս համատեքստում, ըստ Ավագյանի, ինչն է պատճառը, որ Հայաստանն ընկել ենք ՌԴ-արևմուտք աքցանի մեջ, բռնել արևմտյան բևեռը և շարունակաբար կրում է մարդկային և տարածքային կորուստներ:

 

Հարցին ի պատասխան, վարչապետն ասաց՝ Հայաստանի Հանրապետությունը ոչ թե ընկել է աքցանի մեջ, այլ փորձում է դուրս գալ այդ աքցանից՝ բոլոր քայլերն ու հարբերությունները կառուցել ՝ հիմնվելով ՀՀ-ի պետական շահերի վրա:

 

«Խոսում ենք Թուրքիայի հետ հարաբերությունների կարգավորման, Խաղաղության պայմանգրի մասին, մենք խոսում ենք փոխադարձ հարգանքի վրա ՌԴ -ի հետ մեր հարաբերությունները կարգավորելու, Եվրամիության, Իրանի, Հնդկաստանի հետ հետ դրանք խորացնելու մասին: Մենք հարաբերույթյուններ ենք կառուցում Չինաստանի հետ:

 

Սրանով հանդերձ շատ բան ունենք սովորելու, դրա համար եմ ասում պաթոսը պետք է իջեցնենք և պրագմատիկ քաղաքականությամբ զբաղվենք»,-ասաց վարչապետը:

 

Ըստ Փաշինյանի, մենք մեր հարաբերություններն առաջին հերթին պետք է կարգավորենք մեր միջավայրում:

 

«Օրինակ ՀՀ անվտանգային սպառնալիքների հասցեագրման բանաձևերի մասին խոսելիս, ասել եմ՝ հարցերի հարցը հետևյալն է՝ թե ի վերջո ՀՀ-ն թուրքական գործոնի հետ կարողանալո՞ւ է Խաղաղության և համակեցության  բանաձև գտնել:

 

Եթե այո՝ մենք Ձեր ասած կիզակետերից կարող ենք դուրս գալ, եթե ոչ՝ ուրեմն մենք անընդհատ լինելու ենք էդ աքացնի մեջ:

 

Մեր քաղաքականությունն ու գիտակցությունը վերջին ոչ թե 30 տարում, այլ շատ ավելի երկար ժամանակաշրջանում օբյեկտիվ պատճառներով ըստ էության հետևյալն է եղել. մեզ կառավարող և մեր գործողությունները կանխորոշող առանցքային գործոնը թուրքական գործոնի մեր գիտակցության ընկալումն է որպես սպառնալիք:

 

Եկեք նաև խոստովանենք, որ շատ դեպքերում այդ մեր ընկալումն օգտագործվել է մեր դեմ՝ թույլ չտալով որ մենք այս տարածաշրջանում լիաթոք ապրենք ու շնչենք: Եվ մենք առաջին հերթին պետք է մեր տարածաշրջանում կարողանանք մեր հարաբերությունները կարգավորենք:

 

Բարդ է, դժվար է ահավոր, բայց կարևոր է, որովհետև թուրքական գործոնի նկատմամբ վախը շատ դեպքրում օգտագործվում է, որպեսզի մենք պետություն չդառնանք: Այստեղ մենք պետք է մի որոշում կայացնենք, որ էդ սպառնալիքի թիվ մեկ կառավարողը մենք ենք, մենք ենք դրա պատասխանատուն:

 

Այո, մենք պետք է պիտակների միջով անցնենք, դավաճանից սկսած, թուրքամետից և նման որակումներից: 2021-ին ինձ խորհրդարանում հարց տվեցին՝ հիմա թուրքը մեր թշնամին է, թե չէ:

 

Ես չեմ ասում թշնամանք չկա,  բայց դա պետք է կառավարենք և փորձել փոքր քայլերով դարձնել համագործակցության բանաձևեր, որովհետև ինչքան մեծացավ, անխուսափելիորեն պայթելու է, իսկ թե այդ պայթյունից ինչ կմնա տարածաշրջանում, բարդ է ասելը:

 

Եկեք ի վերջո եկեք արձանագրենք, որ մենք մենակ ենք էս տարածաշրւանում, կամ եթե նունիսկ մենակ չենք, մենք պետք է այդ գիտակցումն ունենանք»,- ասաց վարչապետը:

 

Ըստ Փաշինյանի, այնպես չէ, որ մեր ճակատագիրն անընդհատ պետք է որոշվի ուրիշ մայրաքաղաքներում, մեր խնդիրն այդտեղ է: 5-րդ շարասյունն դա է հենց, որ ասում է, մենք ով ենք, որ մեր ճակատագիրը որոշենք: Կան տիզբոններ, կոստանդինապոլիսներ, կորոշեն իրենք, կամ ինչու պետք է Հայաստանում դպրոց լինի, մանկապարտեզ լինի, կրթություն լինի, բարձարգույն կրթութոյւնն ինչ բան է:

 

«Էն, որ 2020-ից գոռում-գոչում են դավաճան, հողերը տվեցին, ինչի համար են դրանք, որ թույլ չտան, որ մենք պրոբլեմն ամբողջ խորությամբ հասկանանք ու հաղթահարենք: Ադրբեջանը 30 տարի փող է դրել, հարյուրավոր երիտասարդների ուղարկել աշխարհի լավագույն բուհեր, հետ են եկել այսօր պաշտոնյաներ են, այդ թվում դիվանագիտական ոլորտի: Մենք ինչո՞վ ենք զբաղված եղել:

 

Լեգիտիմ է շեշտադրումը, բայց դա կարճ լուծում չունի, պետք է քայլ-քայլ հասնենք դրան»,- նշեց Փաշինյանը:

 

Աղբյուր՝ armtimes.com