Ջալալ Հարությունյանին քրեական նոր հետապնդում է առաջադրվել
ԼՂ պաշտպանության բանակի նախկին հրամանատար, գեներալ-լեյտենանտ Ջալալ Հարությունյանին նոր մեղադրանք է առաջադրվել:
Այս մասին այսօր ասուլիսի ժամանակ հայտարարել է Հարությունյանի փաստաբան Արսեն Սարդարյանը։
Նոր մեղադրանքն առաջադրվել է անկախ այն հանգամանքից, որ ընդամենը օրեր առաջ՝ նոյեմբերի 11-ին, 2020 թ․ հոկտեմբերի 7-ին իրականացված հակահարձակման դրվագով ՊԲ նախկին հրամանատար Ջալալ Հարությունյանի նկատմամբ արդարացնող հիմքով հանրային քրեական հետապնդումը դադարեցվել էր:
Ըստ փաստաբանի՝ 11 փորձառու ռազմագետ միակարծիք փաստել է, որ Ջալալ Հարությունյանի գործողություններում հակահարվածի դրվագով հանցակազմ չկա, վերջինս հակահարձակման ժամանակ գործել է բարեխիղճ, զգոն և գրագետ։ Սակայն երկրորդ դրվագի մասով քրեական նոր հետապնդում է առաջադրվել, որն իրականում ամբողջությամբ կրկնում է արդեն իսկ առաջադրված նախկին մեղադրանքը։
Սարդարյանը նշել է, որ Ջալալ Հարությունյանը մեղադրվում է ուժերի հարաբերակցությունը հաշվի չառնելու համար: Երբ դիվիզիոնի հրամանատարությունը կապ է հաստատել նրա տեղակալ, հրետանու գծով պետ Գենադի Բաղդասարյանի հետ, վերջինս զեկուցել է, որ խմբավորում է մոտենում։ Իսկ Ջալալ Հարությունյանը, ըստ փաստաբանի, իբր ասել է, որ դա յուրային խմբավորում է, ինչն էլ հիմք է հանդիսացել, որ հայկական կողմն ունեցել է կորուստներ։
«Անկախ նրանից, թե Ջալալ Հարությունյանը Գենադի Բաղդասարյանի բանավոր հարցին ինչ է պատասխանել, «Դ 20» դիվիզիոնի ունեցած կորուստները, գործող մարտական կանոնների համաձայն, միանշանակ դիվիզիոնի հրամանատարության թերացման հետևանք են, և այդ արարքի համար Ջալալ Հարությունյանը չի կարող պատասխանատվության ենթարկվել»,- ասել է փաստաբանը։
Սարդարյանը նաև տեղեկացրել է, որ Քննչական կոմիտեն երկրորդ դրվագով գործն ուղարկելու է դատարան։
Աղբյուր՝ armtimes.com
Նմանատիպ Լուրեր
Օտարերկացի զբոսաշրջիկների համար Հայաստանում առաջին գրավչությունը հենց հայ ժողովրդի լեգենդար հյուրասիրությունն է
Այս տարվա 11 ամիսների պաշտոնական տվյալներով՝ Հայաստանի Հանրապետություն է այցելել 2,2 միլիոն զբոսաշրջիկ։
Հայաստանի պատմության թանգարանում բացվել է «Ինքնության մասունքներ կորուսյալ Գարդմանից, Շիրվանից և Նախիջևանից» խորագրով ցուցադրություն
Հայաստանի պատմության թանգարանում բացվել է «Ինքնության մասունքներ կորուսյալ Գարդմանից, Շիրվանից և Նախիջևանից» խորագրով ժամանակավոր ցուցադրությունը՝ նվիրված պատմական Հայաստանի կորուսյալ տարածքների հայկական մշակութային ժառանգության ներկայացմանը։ Այդ մասին հայտնում են ԿԳՄՍՆ-ից:
ՄԻԵԴ-ը հայ զինծառայողների սպանության հետ կապված Ադրբեջանի դեմ որոշում է կայացրել
ՄԻԵԴ-ի որոշմամբ՝ խախտվել է Կոնվենցիայի 2-րդ հոդվածը (կյանքի իրավունք) ՝ կապված զինծառայողներ Էդգար Նարայանի և Էրիկ Աբովյանի մահվան, ինչպես նաև նրանց մահվան հանգամանքների որևէ քննության բացակայության վերաբերյալ։
18-ամյա հայ տղան ռեկորդ է սահմանել՝ շարժվող բեռնատարների միջև ձգում անելով
18-ամյա Գրիգոր Մանուկյանը (Հայաստան) գերազանցել է երկու շարժվող բեռնատարների միջև տեղադրված ձողի վրա ամենաշատ անընդմեջ ձգում կատարելու համաշխարհային ռեկորդը, ասվում է Գինեսի ռեկորդների գրքի կայքում։
Որքանո՞վ է իրատեսական, որ Հայաստանի բնակչությունը դառնա 5 միլիոն (Հայաստան 2050)
Դիտարկենք ՀՀ բնակչության վերաբերյալ վարչապետի կանխատեսումները, մնացյալ «ռազմավարական նպատակադրումներին» կանդրադառնանք առանձին հոդվածներով:
Սրբոց Հրեշտակապետաց եկեղեցի բերվեց Սուրբ Ներսես Շնորհալի հայրապետի մասունքակիր խաչը
Սրբոց Հրեշտակապետաց եկեղեցում Վեհափառ Հայրապետի հանդիսապետությամբ կատարվեց օրհնության կարգ, որի ավարտին Նորին Սրբությունը սրբազան մասունքով օրհնեց ներկա հավատացյալ ժողովրդին։
