Ադամ Շիֆը նոր օրինագիծ է ներկայացրել ԱՄՆ Կոնգրես, որը պահանջում է Ադրբեջանից ազատ արձակել հայ գերիներին
Բանաձևը, մասնավորապես, ԱՄՆ նախագահ Ջո Բայդենի վարչակազմին կոչ է անում «Մագնիտսկու մարդու իրավունքների հաշվետվողականության մասին գլոբալ ակտի» համաձայն պատժամիջոցներ կիրառել Ադրբեջանի պետական պաշտոնյաների նկատմամբ, որոնք պատասխանատու են հայ ռազմագերիների անօրինական կալանավորման, խոշտանգումների և արտադատական սպանությունների համար:
ԱՄՆ կոնգրեսական Ադամ Շիֆն օրինագիծ է ներկայացրել, որն Ադրբեջանից պահանջում է անհապաղ ազատ արձակել հայ ռազմագերիներին, գերեվարված քաղաքացիական անձանց և քաղբանտարկյալներին, այդ թվում՝ Լեռնային Ղարաբաղի կառավարության պաշտոնյաներին, որոնք ապօրինաբար կալանավորվել են սեպտեմբերին՝ Ադրբեջանի կողմից ԼՂ-ում իրականացված էթնիկ զտումների ժամանակ։
«Արմենպրես»-ի փոխանցմամբ՝ բանաձևը, մասնավորապես, ԱՄՆ նախագահ Ջո Բայդենի վարչակազմին կոչ է անում «Մագնիտսկու մարդու իրավունքների հաշվետվողականության մասին գլոբալ ակտի» համաձայն պատժամիջոցներ կիրառել Ադրբեջանի պետական պաշտոնյաների նկատմամբ, որոնք պատասխանատու են հայ ռազմագերիների անօրինական կալանավորման, խոշտանգումների և արտադատական սպանությունների համար:
Օրինագիծը նաև կրկնում է Կոնգրեսի կոչերը՝ կիրառել 907-րդ բանաձևի սահմանափակումները և Ադրբեջանին չտրամադրել ԱՄՆ-ի կողմից ռազմական և անվտանգության աջակցություն:
«Ադրբեջանն արդեն մեղավոր է վերջին պատերազմի ժամանակ կատարված ծանր վայրագությունների մեջ, իսկ հայերի շարունակական անօրինական կալանավորումը բարդացնում է խնդիրը: Այս բանտարկյալների նկատմամբ Ադրբեջանի վերաբերմունքը, ներառյալ՝ խոշտանգումները և սպանությունները, սրտաճմլիկ է և ուղղակի սպառնալիք է միջազգային իրավունքի և կարգի համար։ Իմ բանաձևը հորդորում է ամերիկյան կառավարությանը և միջազգային հանրությանը դեմ դուրս գալ Ալիևի ռեժիմի կողմից հայ համայնքի նկատմամբ իրականացվող մարդու իրավունքների կոպիտ խախտումներին և վերադարձնել այս բանտարկյալներին իրենց ընտանիքներին», - Շիֆի խոսքերն է մեջբերում Ամերիկայի Հայ դատի հանձնախումբը:
Բանաձևը դատապարտում է Ադրբեջանի կողմից որպես քաղբանտարկյալ պահվող Լեռնային Ղարաբաղի քաղաքացիական և զինվորական պաշտոնյաների, մասնավորապես՝ նախկին նախագահներ Արկադի Ղուկասյանի, Բակո Սահակյանի և Արայիկ Հարությունյանի, նախկին արտգործնախարար Դավիթ Բաբայանի, խորհրդարանի նախագահ Դավիթ Իշխանյանի, նախկին պետնախարար Ռուբեն Վարդանյանի, նախկին զորահրամանատարներ Լևոն Մնացականյանի և Դավիթ Մանուկյանի անօրինական կալանավորումը։
Ներկայիս բանաձևում հնչեցված կոչերն արտացոլում են Կոնգրես ներկայացված այլ երկկուսակցական օրինագծեր և Բայդենի վարչակազմին ուղարկված բազմաթիվ նամակներ։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
