Աղբյուրի համաձայն՝ Մբապեն առաջին ֆրանսիացին է, որը գոլ է խփել ՈւԵՖԱ-ի Չեմպիոնների լիգայի 8 անընդմեջ տնային խաղերում՝ շրջանցելով Թիերի Անրիին, որը 7 գոլ է խփել «Արսենալի» կազմում 2001 թվականի մարտից մինչև 2002 թվականի փետրվարը։
Հիշեցնենք, որ Չեմպիոնների լիգայի խմբային փուլի երրորդ տուրի խաղում ՊՍԺ-ն 3:0 հաշվով հաղթել է «Միլանին»։ Մբապեն այս հանդիպմանը մեկ գոլ է խփել։
Մբապեն ՊՍԺ-ում խաղում է 2018 թվականից։ Ֆուտբոլիստի պայմանագիրն ակումբի հետ նախատեսված է մինչև 2024 թվականը: Ընթացիկ մրցաշրջանում ֆրանսիացին բոլոր մրցաշարերում մասնակցել է 11 հանդիպման, որոնցում խփել է տասը գոլ և կատարել է մեկ գոլային փոխանցում։