Հուսով ենք՝ «3+3» ձևաչափով Թուրքիայում հաջորդ հանդիպումից հետո կշարունակենք Բաքվում և Երևանում. Աբդոլլահիան
Ըստ նրա՝ ԱԳ նախարարների՝ նման ձևաչափով հանդիպման կազմակերպումը ցույց է տալիս, որ Իրանը ակտիվ է տարածաշրջանում և ուշադրություն է դարձնում Հարավային Կովկասի ներկա զարգացումներին։
Իրանի արտաքին գործերի նախարար Հոսեյն Ամիր Աբդոլլահիանը Թեհրանում «3+3» ձևաչափով ԱԳ նախարարների հանդիպման շրջանակում հույս է հայտնել, որ այդ ձևաչափով հաջորդ հանդիպումներին, ինչպս ի սկզբանե նախատեսված է եղել, ներկայություն կապահովի նաև Վրաստանը: Նա հավելել է, որ հաջորդ հանդիպումը կկայանա Թուրքիայում։
«Հուսով ենք, որ Թուրքիայում կայանալիք հանդիպումների հաջորդ փուլից հետո այդ հանդիպումները կշարունակվեն Բաքվում և Երևանում»,- ասել է Աբդոլլահիանը:
Ըստ նրա՝ ԱԳ նախարարների՝ նման ձևաչափով հանդիպման կազմակերպումը ցույց է տալիս, որ Իրանը ակտիվ է տարածաշրջանում և ուշադրություն է դարձնում Հարավային Կովկասի ներկա զարգացումներին։
Անդրադառնալով իսրայելա-պաղեստինյան հակամարտությանը՝ Աբդոլլահիանը նշել է, որ «3+3» ձևաչափով հանդիպումը կարևոր էր այդ խնդիրը տարածաշրջանի երկրների հետ քննարկելու տեսանկյունից: Աբդոլլահիանն այս թեմայի շրջանակում խստորեն դատապարտել է Գազայի հատվածում Իսրայելի ռազմական գործողությունները, մեղադրել ԱՄՆ-ին՝ Իսրայելին աջակցելու և հակամարտությունը սրելու համար։
Ավելի վաղ գրել էինք, որ Թեհրանում ՀՀ արտաքին գործերի նախարար Արարատ Միրզոյանի մասնակցությամբ կայացել է տարածաշրջանային խորհրդակցական հարթակի հանդիպումը:
Հանդիպմանը մասնակցել են նաև Իրանի, Ադրբեջանի, Ռուսաստանի և Թուրքիայի ԱԳ նախարարները: Վրացական կողմը հրաժարվել է մասնակցել հանդիպմանը։
Աղբյուր՝ armtimes.com
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
