Երիտասարդ մեղվապահ աղջիկը՝ մեղուների հետաքրքիր աշխարհը բացահայտելու ճանապարհին
Լեզվաբան, քաղաքագետ Մարիանա Ավետիսյանին մեղրի հանդեպ սերը ստիպել է թողնել պետական համակարգում աշխատանքը և զբաղվել մեղվաբուծությամբ։ Իր կյանքն առանց անարատ մեղրի չպատկերացնող երիտասարդ աղջիկը կամաց-կամաց հասկացավ, որ ուզում է պրոֆեսիոնալ մեղվապահ դառնալ:
«Արմենպրես»-ի հետ զրույցում մեղվապահ Մարիանա Ավետիսյանն ընդգծեց, որ մեղուների հետ աշխատանքը գիտելիքներ, ուշադրություն և համբերատարություն է պահանջում, իսկ մեղուների հետաքրքիր աշխարհն ու իրենց հետ աշխատելու գաղտնիքները բացահայտելու համար մեծ սեր՝ կենդանիներ հանդեպ:
Մարիանան պատմեց, որ իրենք երկար ժամանակ ունեցել են փեթակներ, որոնցով զբաղվում էր մեկ այլ մեղվաբույծ:
«Սակայն նա մի օր ասաց, որ այլևս ի վիճակի չէ զբաղվել մեր մեղուներով: Մենք փեթակները տեղափոխեցինք մեր ամառանոց ու սկսեցինք մտածել դրանք վաճառելու մասին, քանի որ մեր ընտանիքում ոչ ոք չգիտեր, թե ինչպես պետք է խնամել մեղուներին։ Ես բավականին շատ եմ մեղր օգտագործում և մտածում էի՝ վաճառելու դեպքում որտեղի՞ց պետք է անարատ մեղր գտնեմ: Ու մի օր, երբ գնացել էինք ամառանոց, նկատեցի մեծ թվով մահացած մեղուների։ Ես կենդանիներ շատ եմ սիրում՝ ցանկացած տեսակի, և ինձ թվաց, թե փեթակները հանգել են ու կանչեցինք մեղվաբույծի, որպեսզի փեթակները նայի: Անկեղծ ասած, այդ ժամանակ անգամ վախենում էի մեղուներից, բայց դա ինձ շատ հետաքրքիր էր, և ես ուշադիր հետևում էի գործընթացին»,-ասաց Մարիանան։
Նա նշեց, որ սկզբում ուղղակի հետաքրքրություն էր մեղուների աշխարհի հանդեպ, իսկ հետո արդեն մեկ-երկու անգամ փեթակը բացելուց հետո զգացել է, որ իրեն դուր է գալիս այդ աշխատանքը ու ցանկություն ունի զբաղվելու մեղվաբուծությամբ. որոշեցին՝ փեթակները չեն վաճառի:
Մարիանան ոչ միայն սկսեց զբաղվել մեղուներով, այլ նաև ավելացրեց փեթակները՝ այն դարձնելով շուրջ 30: Երիտասարդ մեղվապահը սիրում է ամեն ինչ անել իր ձեռքերով՝ սկսած փեթակների վերանորոգումից մինչև մեղուների համար հավելյալ կերերի պատրաստումը: Մարիանան անկեղծացավ՝ նշելով, որ սկզբնական շրջանում մի փոքր վախ կար կենդանիների հանդեպ, բայց մասնագիտանալով և կենդանիների լեզուն աստիճանաբար հասկանալուց հետո վախն անցել է:
Պատմելով մեղուների հետաքրքիր աշխարհից՝ Մարիանան նշեց մի քանի հետաքրքիր փաստ կենդանիների մասին, մասնավորապես՝ մեղրի շրջանակի մի կողմը գործելու համար մեղուները պետք է ուտեն մեկ կիլոգրամ մեղր: Ըստ մեղվապահի՝ մեղուն մահանում է, այլ ոչ թե սատկում, և նույնիսկ մահանալուց հետո նրա մարմնի մնացորդներն օգտագործվում է որպես դեղամիջոց:
Լուսանկարները` Գևորգ Պերկուպերկյանի
Գայանե Գաբոյան
Նմանատիպ Լուրեր
Օտարերկացի զբոսաշրջիկների համար Հայաստանում առաջին գրավչությունը հենց հայ ժողովրդի լեգենդար հյուրասիրությունն է
Այս տարվա 11 ամիսների պաշտոնական տվյալներով՝ Հայաստանի Հանրապետություն է այցելել 2,2 միլիոն զբոսաշրջիկ։
Հայաստանի պատմության թանգարանում բացվել է «Ինքնության մասունքներ կորուսյալ Գարդմանից, Շիրվանից և Նախիջևանից» խորագրով ցուցադրություն
Հայաստանի պատմության թանգարանում բացվել է «Ինքնության մասունքներ կորուսյալ Գարդմանից, Շիրվանից և Նախիջևանից» խորագրով ժամանակավոր ցուցադրությունը՝ նվիրված պատմական Հայաստանի կորուսյալ տարածքների հայկական մշակութային ժառանգության ներկայացմանը։ Այդ մասին հայտնում են ԿԳՄՍՆ-ից:
ՄԻԵԴ-ը հայ զինծառայողների սպանության հետ կապված Ադրբեջանի դեմ որոշում է կայացրել
ՄԻԵԴ-ի որոշմամբ՝ խախտվել է Կոնվենցիայի 2-րդ հոդվածը (կյանքի իրավունք) ՝ կապված զինծառայողներ Էդգար Նարայանի և Էրիկ Աբովյանի մահվան, ինչպես նաև նրանց մահվան հանգամանքների որևէ քննության բացակայության վերաբերյալ։
18-ամյա հայ տղան ռեկորդ է սահմանել՝ շարժվող բեռնատարների միջև ձգում անելով
18-ամյա Գրիգոր Մանուկյանը (Հայաստան) գերազանցել է երկու շարժվող բեռնատարների միջև տեղադրված ձողի վրա ամենաշատ անընդմեջ ձգում կատարելու համաշխարհային ռեկորդը, ասվում է Գինեսի ռեկորդների գրքի կայքում։
Որքանո՞վ է իրատեսական, որ Հայաստանի բնակչությունը դառնա 5 միլիոն (Հայաստան 2050)
Դիտարկենք ՀՀ բնակչության վերաբերյալ վարչապետի կանխատեսումները, մնացյալ «ռազմավարական նպատակադրումներին» կանդրադառնանք առանձին հոդվածներով:
Սրբոց Հրեշտակապետաց եկեղեցի բերվեց Սուրբ Ներսես Շնորհալի հայրապետի մասունքակիր խաչը
Սրբոց Հրեշտակապետաց եկեղեցում Վեհափառ Հայրապետի հանդիսապետությամբ կատարվեց օրհնության կարգ, որի ավարտին Նորին Սրբությունը սրբազան մասունքով օրհնեց ներկա հավատացյալ ժողովրդին։
