«ԱՀԿ-ն խստորեն դատապարտում է Գազայի հյուսիսում գտնվող Ալ-Ահլի հիվանդանոցի վրա հարձակումը», — ասվում է ԱՀԿ-ի գլխավոր տնօրենի հայտարարության մեջ, որը հրապարակվել է սոցիալական ցանցի իր X էջում:
Ավելի վաղ «Ալ-Ջազիրա» հեռուստաալիքը՝ վկայակոչելով Գազայի առողջապահության նախարարության ներկայացուցչին, հայտնել էր, որ իսրայելական հարվածի հետեւանքով Գազայի հատվածում գտնվող «Ալ Ահլի» մկրտական հիվանդանոցում ավելի քան 500 մարդ է զոհվել։ Պաղեստինի նախագահ Մահմուդ Աբասը եռօրյա սուգ է հայտարարել զոհերի համար։ Պաղեստինի առողջապահության նախարարության տվյալներով՝ զոհվածների մեծ մասը կանայք ու երեխաներ են։
Միևնույն ժամանակ, Իսրայելական բանակը Գազայի հիվանդանոցի ռմբակոծության մեջ մեղադրում է «Իսլամական ջիհադին»:
«Տարբեր աղբյուրներից ստացված հետախուզությունը ցույց է տալիս, որ «Իսլամական ջիհադը» պատասխանատու է Գազայի հիվանդանոցներից մեկին խոցած հրթիռի անհաջող արձակման համար», — ասվում է Իսրայելական բանակի մամուլի ծառայության հաղորդագրության մեջ:
Նմանատիպ Լուրեր
