Դիմադրության խմբերը պատրաստ են բոլոր սցենարներին՝ Իսրայելի վարչակարգի հետ կապված. Իրանի արտգործնախարար
Իրանի արտաքին գործերի նախարար Հոսեյն Ամիր-Աբդոլահիանը հայտարարել է, որ տարածաշրջանի դիմադրության խմբերը պատրաստ են «բոլոր սցենարներին՝ Իսրայելի վարչակարգի հետ կապված, որը Գազայի հատվածը ենթարկել է լայնածավալ պատերազմի»:
Իրանի արտաքին գործերի նախարար Հոսեյն Ամիր-Աբդոլահիանը հայտարարել է, որ տարածաշրջանի դիմադրության խմբերը պատրաստ են «բոլոր սցենարներին՝ Իսրայելի վարչակարգի հետ կապված, որը Գազայի հատվածը ենթարկել է լայնածավալ պատերազմի»,- տեղեկացրել է Mehr-ը։
Իրանցի բարձրաստիճան դիվանագետը այսպիսի հայտարարություն է արել սիրիացի գործընկերոջ՝ Ֆեյսալ ալ-Մեկդադի հետ համատեղ մամուլի ասուլիսում, որը տեղի է ունեցել Սիրիայի մայրաքաղաք Դամասկոսում ուրբաթ օրը։
Սիրիան Ամիր-Աբդոլահիանի տարածաշրջանային շրջագայության երրորդ կանգառն է, նա այստեղ է եկել Իրաք եւ Լիբանան այցելություններից հետո։
Նա տեղեկացրել է, որ ավելի վաղ Լիբանանի մայրաքաղաք Բեյրութում հանդիպել է «Հեզբոլլահ» շարժման գլխավոր քարտուղար Սայեդ Հասան Նասրալայի եւ մի շարք այլ ղեկավարների հետ։
«Ինձ տեղեկացրել են (այդ հանդիպման ժամանակ), որ դիմադրությունը քննարկել է բոլոր հնարավոր սցենարները, եւ (դիմադրության խմբերը) բարձր տրամադրության մեջ էին»,- ասել է իրանցի պաշտոնյան։
Ամիր-Աբդոլահիանը նախազգուշացրել է, որ «սիոնիստական վարչակարգը եւ նրա դաշնակիցները փորձում են զանգվածային սպանդ իրականացնել Գազայում՝ շարունակելով պարենի, ջրի եւ էլեկտրականության մատակարարման դադարեցումը»։
«Ես պատրաստ եմ բարձրաձայն հայտարարել մուսուլմանական եւ արաբական երկրների ղեկավարներին, որ այսօր Գազայի ճնշված ժողովուրդը անհապաղ միաջզգային օգնության կարիք ունի հումանիտար շրջափակումը հանելու եւ սիոնիստների հանցագործությունները դադարեցնելու համար»,- ասել է նա։
Նա քննադատել է Արաբական պետությունների լիգային այն բանի համար, որ նա հանդես է եկել «իրավիճակի մասին մռայլ հայտարարությամբ՝ դատապարտելով խմբավորմանը իր «երկիմաստ եւ անկայուն դիրքորոշման» պատճառով։
Իրանի արտաքին գործերի նախարարը հուսով է, որ Իսլամական համագործակցություն կազմակերպության (ԻՀԿ) արտաքին գործերի նախարարները շուտով կհանդիպեն Իրանի մայրաքաղաք Թեհրանում կամ որեւէ այլ տեղում՝ քննարկելու համար Գազայում տիրող իրավիճակը։
Աղբյուր՝ news.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
