Հայաստանի հավաքականի անդամ, Տոկիոյի Օլիմպիական խաղերի բրոնզե մեդալակիր, աշխարհի ու Եվրոպայի չեմպիոն Արթուր Դավթյանը հոկտեմբերի 8-ին հանդես է եկել հենացատկի եզրափակչում և զբաղեցրել է 6-րդ հորիզոնականը՝ հավաքելով 14.549 միավոր: Դավթյանն ԱԱ-ին մասնակցել է ոտքի վնասվածքով:

 

Արթուր Դավթյանն ավելի վաղ ապահովել է իր մասնակցությունը Փարիզի 2024 թվականի Օլիմպիական խաղերին՝ նվաճելով անվանական ուղեգիր:

 

Հայաստանի մյուս ներկայացուցիչ, Եվրոպայի կրկնակի չեմպիոն և աշխարհի գավաթի ոսկե մեդալակիր Վահագն Դավթյանն օղակների վարժության եզրափակչում հավաքել է 14.700 միավոր և զբաղեցրել է 4-րդ հորիզոնականը: Նույն վարժությունում եզրափակիչ դուրս եկած մեր մյուս ներկայացուցիչ Արթուր Ավետիսյանը զբաղեցրել է 7-րդ տեղը՝ 14.433 միավորով:

 

Մեդալ նվաճելուն մոտ է եղել Եվրոպայի կրկնակի չեմպիոն Հարություն Մերդինյանը, որը հանդես է եկել նժույգթափեր վարժության եզրափակչում և հավաքելով 14.600 միավոր՝ զբաղեցրել է 4-րդ տեղը:

 

Մեր մարզիկների ելույթներին մրցավայրից հետևել են ԿԳՄՍ նախարարի տեղակալ Կարեն Գիլոյանն ու Հայաստանի մարմնամարզության ֆեդերացիայի նախագահ Գագիկ Վանոյանը:

 

 

Աղբյուր՝ armradio.am