Հայաստանում Թուրքիայի դեսպան Ալի Մեհմեդ փաշայի այցը Դիլիջան 1918թ
Այնտեղ նրան ընդունեցին զինվորական պատիվներով և երաժշտությամբ: Իր զրույցների ժամանակ տեղական գործիչների հետ՝ նա միշտ շեշտել է երկու ժողովուրդների՝ հայերի և թուրքերի համերաշխ կենակցության անհրաժեշտությունը:
Ժողովրդին ուղղված իր ճառում նա խոստացավ ամեն միջոց գործ դնել, որքան որ իրենից է կախված՝ ամոքելու թշվառ գաղթականների վիճակը, որովհետև դա նախ և առաջ մարդկային պարտականություն է:
Շուտով գաղթականների համար, փաշայի ասելով, պիտի բաց թողնվի 13 հազար փութ ցորեն և մեծ քանակությամբ աղ:
Մյուս օրը առավոտյան Ալի Մեհմեդ փաշան ծանոթանալով անձամբ գաղթականության դրության հետ, վերադարձավ Երևան: Դիլիջան գնալիս նա նույն նպատակով կանգ է առել Դարաչիչակում և Ելենովկայում:
Ժողովուրդ, թիվ 15, հինգշաբթի, հոկտեմբերի 3, 1918
Ծանոթագրություն ԱՆԻ-ի. Դարաչիչակը Ծաղկաձորն է, Ելենովկան՝ Սևանը: Հայաստանում Օսմանյան կայսրության դեսպանը հատուկ մեկնել էր Դիլիջան՝ հանդիպելու Օսմանյան կայսրությունից և Արևմտյան Հայաստանից նորաստեղծ Հայաստանի Հանրապետությունում հաստատված արևմտահայ փախստականների հետ: Թուրքական ցորենը, որ ստացավ Հայաստանը 1918-ի կեսերից հետո, այդ փախստականների համար էր:
aniarc.am
Նմանատիպ Լուրեր
Հայությունը՝ Երիտթուրքերի ցույցերում
1908 թվականի Երիտթուրքական հեղափոխության օրերին արևմտահայությունը մասնակցում էր բազմահազարանոց ցույցերին «ազատություն, հավասարություն, եղբայրություն» կարգախոսներով:
1919-1920 թթ. Բաթում-Երևան «Կյանքի երկաթգիծը»
«Ազատության պաշտպան» զրահագնացքի բրիտանական զինվորական անձնակազմը, Երևան, 1920 թ.
Թուրքիայի դաշնակից ԱՄՆ-ն տապալում է Արևմտյան Հայաստանի վերադարձի ծրագիրը
Եվրոպական մեծ տերությունները և Թուրքիայի դաշնակից ԱՄՆ-ն տապալում են Արևմտյան Հայաստանի վերադարձի ծրագիրը։ ԱՄՆ-ի ու Թուրքիայի հարաբերություններում կային որոշակի կնճիռներ։ Այդ համատեքստում 2021-ին ԱՄՆ-ն ճանաչեց Հայոց ցեղասպանությունը, թեև գործնականում մեծ հաշվով դա ոչինչ չի տալիս Հայկական հարցին։
Հայ-ադրբեջանական կոնֆերանս․ Բաքու, 1919-ի դեկտեմբերի 14
Ադրբեջանի կողմից հայ-ադրբեջանական կոնֆերանսին կմասնակցեն Ֆաթալի Խան Խոյսկին, Մամեդ Հասան Հաջինսկին և Մամեդ Ռզա Վեքիլովը։
Հայերը, Թուրքիան, Ռուսաստանը եւ Արեւմուտքը. հայացք 1891 թվականից
Ներկայացնում ենք 1891 թվականի ապրիլին ամերիկյան The Atlantic Monthly ամսագրում հրապարակված Սեմյուել Գրին Ուիլեր Բենջամինի The Armenians and the Porte հոդվածի հայերեն թարգմանությունը:
Ալեքսանդր Սոլժենիցինի նոբելյան պատմությունը
Խորհրդային Միությունում Սոլժենիցինին Նոբելյան մրցանակ շնորհելը ռումբի պայթյունի էֆեկտ ունեցավ։ Շատերն անկեղծորեն ուրախացան ռուս վառ և ազնիվ գրողի համաշխարհային ճանաչման համար: Սակայն իշխանությունները և պաշտոնական գրական հանրությունը թշնամաբար են ընդունել Շվեդիայի ակադեմիայի որոշումը։ ԽՄԿԿ Կենտկոմը Նոբելյան մրցանակակրին վարկաբեկելու մի ամբողջ ծրագիր էր մշակել։