«Մի մոռացեք ձեր առաքելությունը, մի շփոթեք նեյտրալությունը անտարբերության և անգործության հետ: Ի՞նչ է արել Կարմիր խաչի միջազգային առաքելությունը այս 3 օրերի ընթացքում, ի՞նչ գործառույթներ է իրականացրել, ձեր մարդասիրական գործունեության ամենակարևոր բաղադրիչն է հումանիտար աջակցություն ցուցաբերելը: Այդ ինչպես է ստացվում, որ այլ երկրներում դուք կարողանում եք իրականացնել այդ երկրների ժողովրդի շահերին համապատասխան գործողություններ, իսկ երբ հարցը հասնում է Արցախում ապրող հային, դուք դառնում եք միջազգային կազմակերպություն ու հիշում ձեր նեյտրալության մասին: Էստեղ մարդիկ են, ովքեր բազմիցս են գնացել Արցախ կամովի՝ տարբեր նախաձեռնությունների շրջանակներում: Մեր հստակ պահանջն է անհապաղ տեղափոխել վիրավորներին: Համոզված եմ, որ համապատասխան զեկույցները ստանում եք Արցախի ձեր գրասենյակից ու գիտեք՝ ինչ է կատարվում Արցախում, որ վիրավորները համապատասխան բուժում չեն կարողանում ստանալ, որովհետև այնտեղ կա բժիշկների, բուժաշխատողների, դեղորայքի խնդիր: Ի՞նչն է պատճառը, ինչո՞ւ չեք գործում: Ընդունեք մեզ, լսեք մեր պահանջները և բացատրեք, թե ի՞նչ եք պատրաստվում անել»,- ասել է բուժաշխատողներից մեկը:

 

 

Մանկական վիրաբույժ Աշոտ Հովսեփյանն էլ նկատել է՝ բոլորի համար հասկանալի է, որ տևական ժամանակ կար դեղորայքի և բժշկական պարագաների սղություն, իսկ հիմա՝ այս պատերազմի պայմաններում, սղությունն էլ ավելի է արտահայտվել ԼՂ-ում և ճգնաժամ է, նույնիսկ առաջին բուժօգնությունը գրեթե անհնար է. «Կարմիր խաչից՝ որպես այս պահի դրությամբ Արցախում մուտք ունեցող միակ միջազգային կազմակերպությունից, պահանջում և խնդրում ենք ապահովել Արցախից ծանրդ հիվանդների դեպի Հայաստան տեղափոխելը և նաև պատրաստակամ բժիշկների մուտք դեպի Արցախ, որպեսզի կարողանանաք օգտակար լինել»:

 

Աղբյուր՝ armtimes.com