«Արմենպրես»-ի փոխանցմամբ՝ այս մասին հաղորդում է China Daily պարբերականը։

 

Անօդաչու թռչող սարքը, որը ներկայացվել է Տյանցզինում Չինաստանի ուղղաթիռների 6-րդ ցուցահանդեսի շրջանակներում, ստացել է KVD002 անվանումը. այն դարձել է ՉԺԱԲ-ի ցամաքային զորքերի առաջին հետախուզական մարտական ​​անօդաչու թռչող սարքը։

 

Ինչպես գրում է հրատարակությունը, անօդաչուն հանդերձված է «օդ-երկիր» դասի AR-1 երկու հրթիռով, ինչպես նաև հետախուզական սարքավորմամբ։ ԱԹՍ-ն նախատեսված է՝ մեծ տարածքում երկարաժամկետ հետախուզություն իրականացնելու և բարձր ճշգրտության հարվածներ հասցնելու այնպիսի օբյեկտների, ինչպիսիք են հակաօդային պաշտպանության միջոցները, զրահատեխնիկան և հակառակորդի ամրությունները:

 

ԱԹՍ-ն մշակողը չի բացահայտվում, սակայն պարբերականը ենթադրում է, որ այն կարող է ստեղծված լինել CH-4 անօդաչուի հիման վրա, որը կարող է օդում գտնվել մինչև 30 ժամ, իսկ նրա առավելագույն արագությունը ժամում հասնում է 230 կիլոմետրի։